1 Tamuwen 25:29 - Ala Wone Peenok Peebi Mbanak

²⁹ Aap ambi nen kat kooriyak nduk, mukkeren woramenggerak kwe, aap ambi amendek nggerenogo kumaappatinuk menggi kwak, yi aap ndi aap iigak, at Aliku kogoba Ala nen togop aret kumaappaganuk wonage, ndi, aap ambi yugum keele paga nabembunuk, namburogo nappege menggi kwak, kawim togop aret mugogo nappiige, eeke logogin o.

1 Tamuwen 25:29 Iomraidhean Croise

Wakkagagerak 15:1

Ti'nuk, ne ambi paga at Aliku ALA nen abinggaanggo paga Abaram yoge logonet, “Abaram wae. Kat kanggeemu pogom inom, eerit nage onggo wokkiriyak nogo inom, ti an neebe aret me, kagabiti mbarugun o.”

2 Tamuwen 4:8

at Ndawut o Keboron wonage me, wogori nogo nogogwaarik, yogo logonet, “Yogondak aret at Tawun inom, apuri inom, kat nowe kendagembogut kooriyak nduk, eerit nugu nagaarak nogo, onggo at Aliku ALA nen aap yi aret wo'niragaarak me, kimbirak wim menggendak Tawun aput Itibotet anobak mbanak yi aret wokkiri wogo o.”

Ayup 27:22

Wiya omaawi paga ninooke kero, yinuk, mbaganggwi iigak, Inabuwa mbaka'lek yamburogo nappiige,

Ndawi 116:15

At apuri alik leenak kanggwi enegen iinok, Iniki kundugu lombok me, “Ao,” inombake menggerak o.

Ndawi 54:3

Aap inambik nen pilak yogo logonet, nookwi, Aap kayuk wuka'lek inogogun worokot nen nenggaawak lek eerogo paniyak nduk eekwi, Eekwi me,

Ndawi 66:9

Nineebe obeelom logowok nduk ninarum wonage, Niniyok perak togon yigeebu wambukwak pi'ninake, Eeke nagagerak o.

Yeremiya 10:18

At Aliku ALA nen yegerak nogo yi aret. “Ne yogondak yi aret it o yime wonogwe abok aret mbo wumbiige, It o yime wonogwe nogo aaninggin-paaninggin kaawak nduk, inoba piige, Eerigin o,” yinuk, yegerak o.

Maleyaki 3:17

Mbanogo pogo mbareegwa, at Omaawi Lombok Menggerak Aliku ALA nen ari logonet, “It aap ti, an napuri aret logogun o. It aakumi koonogo piyoorak wage eyom paga it aap ti, an napuri niniki kundugu aret me, aap ambi aput oone konembunuk eeke kenok, ogoba nogo apuluk abuwa nen ili ari menggi kwak, an togop aret eerogo piyaagin o.

Yaya 14:19

An ne ambiriluk logonuk nagin me, it aakumi o nggween paga yime menggaarak ambinom neyaagun lek kwe, kit perak, neego logomunggup aret o. An neenik wonage me, kit kunduk kineenik logomunggup.

Yaya 17:21

It abok aret inom iniki ambit logowak nduk, inake tamban eeke agarik o. Ai, nogoba! Kat nen an kiniki kunik, ndi, an nen kat niniki kunik monggo kwak, it nit ninom niniki ambit kunik wonogwe niinok, it aakumi o nggween paga yime menggaarak nogo nen kat nappani wagagindak abet nombaruwak nduk, it kapuri yi, inake tamban eeke agarik o.

Yaya 17:23

It iniki abu ambit lombok aruwak nduk, it nen an iniki kunik, ndi, kat nen an kiniki kunik wonogwe niinok, it o nggween paga yime menggaarak nen kat abet aret an nappani wagagindak inom, ndi, kat kiniki kunik ee'nake kwak, it togop aret kiniki kunik eeginabeegindak nogo inom, ineenu arugun o.

Pelaareegerak 33:29

Togop aret me, kit nowe-nawot Iterali mendek yi wae. Kinogoba Ala nen kit kinagap ndareegerak ti kwak, Aakumi inanebunu lombok inagap ndareegerak togop ambi ngge mbakop? Lek aret me, at Aliku ALA nen yeenggwa kirage logonet, Kinanggeemu pogom age, kinawooluwak ngget nggabonak negen age, Ee'nuk, kinom nogwe me, Kinawim kinabu'me yik-pik ari wogwe iinok, Kiniyok aan lebenogo piigo logomunggup me, Kinale'nggen aret mbako logomunggup o,” yinuk, yoragagerak.

1 Peterut 1:5

Ninake pinanogo wonage kola noorak nit nogo ti, abet mbakwi niinok, Ala nen o age yobok paga ninagap ndariyak kooneegerak nogo, peebi togop ndak-ndak eeppinanikit nduk, yogondak Ala omaawi paga nggelorogon pinanogo wonage nogo, ninake aret pipuk eerogo pinaneegerak mbogut paga wonage o.

1 Tamuwen 2:9

It aakumi abet mbako menggaarak nogo, Nggween ti paga iniyok pit nogwe iigak, inarum wonage, It inogogun ambik maluk eekwi iinok perak, o apit me time inoone lek eerogo piige, Eeke logomunggun o. Aap ambit-ambi, An nomaawi paga ndogop eerikit o, Koonggetak nogo aret ageelik me,