1 Tamuwen 25:19 - Ala Wone Peenok Peebi Mbanak

¹⁹ ayeloman yorage logonet, “An mukkiren kinambo'me woraakit nen kit kinaa'nduk wonok nogo logonip o,” yinuk, yoragagerak wogwe iigak, ogonggelo Naban yoga'lek logonet, inambokan aret wagagerak.

1 Tamuwen 25:19 Iomraidhean Croise

Wakkagagerak 32:16

at ayeloman mini nogo nen aanggumi leenak nogo inalitak lombok unde a'nuk wogoren nawak nduk, wogorage nagagerik, yorage logonet, “Ambi leenak inom, ambi leenak inom, lambuk yogwe iyo, kinaa'nduk ogwe, peebi ogwe, eeppunuk, ndegen-ndegen wogoren kinaa'nduk nogo logonip o.”

Wakkagagerak 32:19

ti'nuk, at ambo'me agagerak nogo wone ambit ti mban yoge, ambo'me agagerak nogo wone ambit ti mban aret yoge, eeke nagagerik, kambin-ndomba wogoren nawak nduk, leenogo piyareegerak nogo abok aret yorage logonet, “Kit Etawu kinom lambunggo logomonggotik kenok, wone ti mban aret yogo logonet,

Wakkagagerak 32:20

Kat kayeloman Yakup perak, peebi wage agaarik o, yinuk, wone ti inom yo'nu o,” yoragagerak. Ti eereegerak nogo ti, iniki mbake logonet, An Etawu ake pigirak yi, aa'nduk wogori namenggaarak enegen kage logomenggerik, iniki yanggo yemenggerak me, nage neenok, iniki ale'nggen paga wo'nabuwak, mbake nagagerik, eereegerak.

Wakkagagerak 32:21

Ndi, kambin-ndomba at Etawu ake leenogo pereegerak nogo, inaa'nduk wonok nappiya wage nagagerik, at Yakup nogo ooliya wureegim nogome aret nogo yereegerak.

Kini Wuppiige 31:27

At ogonggelo-aagalogwe eerit nugwi abok aret liirogon enegen wogonake, It aap ineenggi tanep nen larak-worarak mban nunggo mengga kwak, at togop noorak eebi mbake, Eeke menggerak.

1 Tamuwen 14:1

Ne ambi paga at Yonatan nen wulaga tawe at eegin wonok nega nogo yoge, “It aap Pilitin mendek enebaga tum wakwi me wunda nawok nduk, omok o.” Yoge nagagerik, ogoba yo'nuk lek aret wunda nagagerak.

1 Tamuwen 25:20

Kwe Abigayin nogo keledai amborowak paga kwi'ndak wage nagagerik, puut ambi paga wambi wage kagak, at Ndawut nogo awuri inom puut ene paga wambi nogo logonet, awuri wone yorage, “Aap yi, o karume time at mendek ambiriluk ambi kobak arukwak, liirogon arum logonet, obeelom eeppege nagarak nogo, onggo negen maluk eeppanege me, an eeppege nagarak nogo ti, we aanom warogo aret eeppege nagarak kagi o. Togop aret me, an nen at Naban inom menggaarak aap ambiriluk ambi teppega'lek tigitogon inooriyak aret me, inooka'lek neegak, oonegen wundi wage kenok ti, Ala nen an aaninggin alik negen noba panukwak, inoori nawi aret o.” Agan wambi nogwe me,

1 Tamuwen 25:36

Yoge mbareegi, kwe Abigayin nogo iyokan ame nage nagagerik, at Naban nogo aap endagembogut logonet, laago nggwok lako mengga kwak lappunuk, anggur amburu toolak nenok, kumili kuneegerak wiganinuk nege me, kwe nogo ka nage nagagerik, wone ambiriluk ambi at Naban yoga'lek kagak o aret weereegerak.