1 Tamuwen 24:18 - Ala Wone Peenok Peebi Mbanak

^18-19 Aap inawim inom lambunggwi kenok ti, abu teppiigulik mondok aret inooko menggaarak kwe, at Aliku ALA nen neebe waganogo kat keenggime pagagerak kwe, an noorulik, Obeelom aret eeppagagirak, yogondak yo'negendak nogo ti, abet aret o. Abet aret me, kat yogondak eeppanegendak onggo at Aliku ALA nen aret wokkege logogin o.

1 Tamuwen 24:18 Iomraidhean Croise

Wakkagagerak 38:26

Yoragagerak wogori nogo mbareegwa, Yekura nogo nen, “Ti an namendek nogo aret kagi,” mbake nagagerik, “Kwe yi nen maluk eekerak lek o. Napuluk Tiyela wogogibok nela nen wonagarak me, maluk eeki o.” Ari nagagerik, kwe nogo imbirak ambinom lambungga'lek aret wonagagerak.

Ndawi 31:8

Kat nen neebe waganogo Ninom wim mbanak ineenggime panulik O tini nggwok obeelom me niyok yarogo panegendak o.

Ndawi 7:5

It ninom wim mbanak nen mu'neren pi'nabi wogwe, Iniyok konden aan lebe eerogo noorogo panugwi, An nendage tiyanak nogo Liirubu aa'ngga pogom eerogo panugwi, Ee'netak o.

Kini Wuppiige 25:22

Ti eekwi kiinok, mo kik-kik negen kaawak nduk eeppumonggotak me, Aliku ALA nen onggo kit wokkiraagin o.

1 Tamuwen 23:12

Yoge mbareegi, at Ndawut nen Aliku ALA ambinom yoge logonet, “It aakumi Kekila mendek nen an neebe inom, an nawuri inom, Tawun eenggime pugun ilik, lek a?” Yoge mbareegi, ne ambinom Aliku ALA nen wone onggo yoge logonet, “Kineebe eenggime pugun aret o,” yinuk, yoreegerak.

1 Tamuwen 23:7

Ndi, “At Ndawut nogo o Kekila wonage o,” yinuk, aap Tawun yogo mbareegwa, at Tawun nen ari logonet, “Ndawut o kota tungga pak narak me unggwi nagaarak ti, at alik en keele maarogo negen pakerak me, at Aliku ALA nen nanonggwan aret neenggime panegerak o.”

1 Tamuwen 24:10

Kat yogondak aret ndoome wonage keegak, at Aliku ALA nen kat keebe an neenggime panege mbaki, nawuri nen, Yogondak aret waru ubi! yo'nogo mbaka, an nen it yorage logonet, At Aliku ALA nen amburu eerogo mippereegerak me, neenggi teeluk a'nuk, nogoba wariyak lek o, yinuk, teppagagirak ti, keenu aru o.

1 Tamuwen 26:23

It aap abe koonak li'lak eeko menggaarak kero, at Aliku ALA nen onggo obeelom eeppiige menggerak me, at Aliku ALA nen oonikiya yi paga kat keebe waganogo an neenggime panegerak kwe, At Aliku ALA nen leenogo pereegerak amburu eeppugu me, yinuk, an koorulik teppagagirak o.

1 Tamuwen 26:8

iigo nogogwaarik, at Abitayi nen Ndawut yoge, “Ala nen kat kawim o yogondak oonikiya yi paga keenggime pagagerak me, an nawooluwak yi paga eebe ne mbere lek ne ambit mban nggween inom mondok polok togon warikit nduk yo'niru o.”