1 Tamuwen 23:9 - Ala Wone Peenok Peebi Mbanak

⁹ Awuri kuwak eeppiinok, Ndawut wariyak koongge nogo, at Ndawut eenu age nagagerik, aap Ala unde Abiyatat nogo yoge logonet, “Yum agale warak epod nogo wonok omok o.”

1 Tamuwen 23:9 Iomraidhean Croise

1 Endagembogut 2:26

At Talomo nen aap Ala unde Abiyatat nogo yoge logonet, “Kat eekendak paga kooke neenok, kambuurak op aret kwe, an nogoba Ndawut nage me, kaa'nduk a'nuk, at Aliku ninogoba ALA Itok Menggerak aloobut mbanak eewu'nuk nage, ndi, nogoba aaninggin-paaninggin oba wonage nogo, kat kimbirak ndak-ndak aret kage, eereegindak me, yogondak koorigin lek teppagagi o. Teppagagirak kwe, kat yime logorak lek kawi alom paga o Anatot time nak o,” yoreegerak.

Yeremiya 33:3

Kat nen an nggino yo'niru o. Nggino yo'nege keenok, an nen onggo yokkege logonet, iya tit eeriyak mendek inom, kat liippuurak meek, keenggo'lek mendek inom, yokkirigin o, yinuk, yo'negerak o.

Oteya 3:4

Ti yoreegirak nogo ti, it Iterali inoweewi inendagembogut inom, inoweewi nagawan-nagawan inom, nen wone lengganogo yoraga'lek aret wonogwe, Ala ake warogo wogoga'lek aret wonogwe, kugiwak ayuk wuppunuk aanggo waka'lek wonogwe, kugi ake nggomoorak inenggaanok me yika'lek wonogwe, kugi ogut aago mippunuk, alut eeka'lek wonogwe, eekwi iigak, nogo ambik yi'nogo logomenggaarik,

Linggineegwaarak 27:21

Mippege keenok, it Iterali mendek abok aret at Yotuwa nen, Wundi nanip o, yorage keenok, wundi nogwe, ndi, Unggwi wa'nip o, yorage keenok, unggwi wogwe, eeko logowak nduk, an mbake ineenu agak yugum Urim Naliku ALA nenggaanom paga wonage nogo, aap an neebe unde Eleyatat nen at Yotuwa eeke logorak yugum Urim nen awone yoruwak nduk, at Yotuwa nogo owagam taati puk a nawak o.”

Nappiigak 14:6

it eeppiyoorak koonogo pereegwaarak wone nogo Pawulut Mbaranabat imbirak inaruk konembunuk, kole o Likawoniya wogo nogogwaarik, o kota Litera inom, o kota Nderebe inom, o time enaagan-ambokan yanggwagak nogo logonet,

Nappiigak 9:24

Koonogo pereegwaarak nogo at Tawulut aruk konembunuk, wonage kagak, ne ambi paga waruwok nduk, o kota unggwit wogo menggam oonikiya nen, liingge nen, enaarak wonogwe iigak,

1 Tamuwen 10:22

Lek kenok, it aakumi nogo nen at Aliku ALA yogo logonet, “Ai, ninogoba. Aap ti nogo, yime wagaarak wonage ilik?” Yogo mbareegwa, Aliku ALA nen ari logonet, “Eebe wagaarak wonage aret kwe, yi mendek ndi mendek enggela'me kumaarak wonage o,” yoragagerak.

1 Tamuwen 14:18

Ne ti eyom paga Ala aloobut mbanak nogo Iterali inenggela'me wonagagerak me, at Tawun nen aap Akiya nogo yoge logonet, “Ala aloobut mbanak nogo wonok omok o,”

1 Tamuwen 22:20

Inoorogo piige kagak, aap Akitup ombooluk Akimelek aput Abiyatat nogo kole mbaganit at Ndawut inom a'nuk, nege logokit nduk, Ndawut ka nage nagagerik, yoge logonet,

1 Tamuwen 23:10

Yoreegerak wonok wage mbareegi, at Ndawut nogo nen ari logonet, “Kaliku Iterali inogoba Ala wae. An kayeloman yime wonage neebe paga at Tawun awuri inom nen, o Kekila yime wogo logomenggaarik, o kota yi lek eerogo puurak yegerak abet aret konenggirak me,

1 Tamuwen 23:6

Aap Akimelek aput Abiyatat nogo mbaganit at Ndawut o Kekila wonage me ka nage logonet, yum agale warak epod nogo eenggime wonok nagagerak.

1 Tamuwen 23:8

Ari nagagerik, Tawun nogo nen at Ndawut awuri inom o Kekila wonogwe me, inoori nawok nduk, awuri wim eeka nogo, “Woraanip o,” yinuk, kuwak eeppiyareegerak.

1 Tamuwen 30:7

At Ndawut iniki nu'lek wonage logonet, Akimelek aput Ala unde Abiyatat nogo yoge logonet, “Yum agale warak epod nogo wonok niri omok o.” Yoreegerak wonok iri wage mbareegi,