1 Tamuwen 23:7 - Ala Wone Peenok Peebi Mbanak

⁷ Ndi, “At Ndawut nogo o Kekila wonage o,” yinuk, aap Tawun yogo mbareegwa, at Tawun nen ari logonet, “Ndawut o kota tungga pak narak me unggwi nagaarak ti, at alik en keele maarogo negen pakerak me, at Aliku ALA nen nanonggwan aret neenggime panegerak o.”

1 Tamuwen 23:7 Iomraidhean Croise

Ayup 20:5

Aap maluk eeka iniki ale'nggen mbakwi nogo we luulu aret mbakwi, Ala mugurok noorak ineebi mbaka inale'nggen kogwe nogo, we ne ambiriluk mban kogwe, Eeko menggaarak o.

Ndawi 31:21

An pi'nabuwok nduk, O kota pak wurik punggagak eekwi iinok, Nagabiti mbake logonet, “Kat aret kenegen wo'nake mbake kwe, Mbo panege keegi o,” yinuk, yokkege, Le ari logonet, “Nabuwa nen yeenggwa niru o,” yinuk, yokkege, Eekirak nogo konembunuk, Mondok iya tit kiniki kunik eeginabit wundi wage nogo An aret eeppanegendak me, Kaliku ALA kalut eeke agarik o.

Wundeegwaarak 14:3

At Pirawun nen, Aakumi Iterali togop eeko agaarik o, yinuk, yogwe nogo aruk konengge logomenggerik, It aakumi Iterali tu kobak ogo nagaarik, o karume time ku'mbanak agaarik o, mba'nuk, kit mukkiren woraawak nduk

Wundeegwaarak 15:9

It aap ninawim nen yogo logonet, Muguren nogo logomonggoorik, pippiinok, Ninobaloowi nggiginogo nineenggi paga woppunuk inookwi, Inamendek ndinogo tumbukkologwe, Eeko logomonggoorik, Ninanini nen eeppiyoorak mbakwi nogo tayok yigin o.

1 Tamuwen 23:14

Ndi, at Ndawut nogo karume yugum ambe nggaganak me inom, puut nggelok-nggobok yugum pak wurogo pit nagagim o Tip karume inom, nogome kumaa'narit nege me, at Tawun nen netik-netak Ndawut kwaarit-mberaarit nege nagagerak kwe, Ala nen Ndawut eebe waganogo Tawun eenggime puulik.

1 Tamuwen 23:6

Aap Akimelek aput Abiyatat nogo mbaganit at Ndawut o Kekila wonage me ka nage logonet, yum agale warak epod nogo eenggime wonok nagagerak.

1 Tamuwen 23:8

Ari nagagerik, Tawun nogo nen at Ndawut awuri inom o Kekila wonogwe me, inoori nawok nduk, awuri wim eeka nogo, “Woraanip o,” yinuk, kuwak eeppiyareegerak.