1 Tamuwen 23:3 - Ala Wone Peenok Peebi Mbanak

³ Yoreegerak kwe, it Ndawut awuri nen at yogo logonet, “Nit o Yekura yime logonet, ninookwi iyo, ninagabiti ambik mbakwi me, it aap wim nambuka Pilitin mendek ninom o Kekila wim namburi nogwe niinok ti, abunuk ninagabiti ambik ariyak me, noorak meek o,” yoreegwaarak.

1 Tamuwen 23:3 Iomraidhean Croise

Ndawi 11:1

An nen Aliku ALA abu'me wonage me, Neebe op aret wonage neegak, Kit nen an yo'nogo logonet, “It aap maluk mendek nen Aap iniki koonak mendek inooriyak nduk, Ineegin agale wukwi, Inomaale ineegin agale paga luumbugwi, Namburogo nappuurak nduk o apit me ari unggwogwe, Eekwi ti, pegiyet o. Tiiru oolo yinik kinogo wumbugwi iinok, o miyak ari menggi kwak, eeriyak kenok, It aap iniki abe koonak mendek nogo nonggop arugun, mbaken? Meek me, towe wiganinuk puut paga ari nage menggi kwak, Kat kabuut paga time nak o,” yinuk, yo'nugwi ti, Nonggoti yo'nogo ogotik?

Yeremiya 12:5

Yoge mbaki, at Aliku ALA nen, “Yeremiya wae. Ta nduk mbe agan ari namenggi? yinuk, koreewi kinom tu mbe agan nogo logonet, Kat wuppaganuk nogo menggaarak me, kuda kimbirak nonggoti wakkage, Ndi, kobappaga we negen noorak kwe, kiyogobit lik togon wangge kenok, niyo Yoreran aa'nggi paga iri'ngga ku'mbanak me nonggoti nage, Eeriyak mbaken?

1 Tamuwen 23:15

Ti eyom paga at Ndawut karume Tip o Korep nogome wonage me, “At Tawun nen kat kooriyak nduk kwaakkake agaarik o,” yogwi nogo konembunuk, wonage me,

1 Tamuwen 23:2

Yoge mbareegi, at Ndawut nen at Aliku ALA yoge logonet, “An aap Pilitin mendek ninom wim namburi noorak op ilik, lek a?” Yoge mbareegi, at Aliku ALA nen wone onggo yoge, “E o. Aakumi Kekila mendek inagap nda'nok nduk, it Pilitin mendek ti, kinom namburi nak o,” yoreegerak.

1 Tamuwen 23:23

At kumaa'narit nege menggim abok aret abu liippogo logomonggotik, wone lik togon wonok an yo'niri wogwe kiinok, an kit ninom nogo logomonggoorik, eebe wonage kenok, it aakumi Yekura ineebe ambik togon wonogwe inenggela'me iyok mugurok-magarok eerit pigaakit o,” yinuk, yoragagerak.

1 Tamuwen 23:26

Ndawut awuri inom puut abeenok time nggwe eraanu mbaganggwi, Tawun awuri inom puut ena peenok yime nggwe eraanu piginabuwok nduk panggo yi nogwe, eekwi iigak,

1 Tamuwen 23:4

Yogo mbareegwa, at Ndawut nogo Aliku ALA ambinom nggino yoge mbareegi, at Aliku ALA nen onggo yoge logonet, “Aap Pilitin mendek ti, an nen waganogo kineenggime pinagagin me, o Kekila time nanip o.”