1 Tamuwen 23:29 - Ala Wone Peenok Peebi Mbanak

²⁹ Ndi, at Tawun nogo awuri inom wogwe iigak, aap Ndawut o time nen mbaganit o En-Nggeri nage nagagerik, yugum pak wurogo pit nagagim ndo nogome kumaa'narit nege nagagerak.

1 Tamuwen 23:29 Iomraidhean Croise

Wakkagagerak 14:7

Piya wogo nogogwaarik, ti'nuk, iniyok paga yungguninuk nogo logonet, o endage En-Mitapat endage ambi Kareti nogome it aap Amalek mendek menggam wonogwe nogo abok aret inoorogo piigo nogogwaarik, it aap Amori o Kateton-Tamat wonogwe nogo kunduk inom tigitogon pup eerogo inoorit nogogwaarak.

2 Mbinineegwaarak 20:2

aap ando nen wone wonok at aap endagembogut Yotapat nogo yori wogo logonet, “Lek o. It aap wim eeka niyo Pili Age Menggim enebagan o Erom nen ineebe alik negen aago kat nogoba kinom wim eeruwok nduk, wagaarak yogondak o Kateton-Tamat wonogwe o.” O ti endage ambi, En-Nggeri aret.

Ndawi Iya 1:14

O En-Nggeri anggur yarak me tuunggen mendaarak kwak kat niniki kundugu yi, togop aret wonage, Eeke agandik o.

Yetikiyen 47:10

Togop aret eerogo pigin me, it aap yikwe wagangga nogo, niyo ti aa'nggi paga o En-Nggeri panggombunuk, nok, o En-Egalayim kuli abok aret yagabit a'nuk, yikwe wagangga yum ti, manabit nanuk, ambet paga time wolonogo pit nogo logogun o. Niyo kole yenggenak laut paga yikwe inete alitik-alitak lombok wonage menggi kwak, niyo yi paga yikwe inete alitak lombok wonage logogin o.

Yotuwa 15:62

Nibatan, kota endage Kota Mayu, kota En-Nggeri, aret me, lambuk togon kota 6 wogorage logonet, enaagan-ambokan yaga'lelo mbuulogwe inom wogoragagerak aret.

1 Tamuwen 23:28

Yoge mbareegi, at Tawun nen Ndawut mugurok nege nagagerak nogo mbo punuk, it aap Pilitin mendek inom wim namburuwok nduk, wagagerak me, ti eereegerak paga puut ti endage, Kole Mbaganggo Menggam o, yinuk, yogo nogogwaarak.

1 Tamuwen 24:1

At Tawun nogo aap Pilitin mendek inom wim nambuppunuk, ame wage mbareegi, aap ambi nen at yoge logonet, “At Ndawut o En-Nggeri karume time wonage o.”

1 Tamuwen 24:22

Yoge mbareegi, at Ndawut nen, “Op aret yagan o,” yinuk, Ala owak mbaneegerak. Mbangge mbareegi, Tawun nogo ame iyokan wage kagak, at Ndawut awuri inom iniyokan yugum pak wurogo pereegim nogome aret unggwi nogogwaarak.