1 Tamuwen 23:23 - Ala Wone Peenok Peebi Mbanak

²³ At kumaa'narit nege menggim abok aret abu liippogo logomonggotik, wone lik togon wonok an yo'niri wogwe kiinok, an kit ninom nogo logomonggoorik, eebe wonage kenok, it aakumi Yekura ineebe ambik togon wonogwe inenggela'me iyok mugurok-magarok eerit pigaakit o,” yinuk, yoragagerak.

1 Tamuwen 23:23 Iomraidhean Croise

1 Endagembogut 18:10

Yoge nagagerik, “Aliku kogoba Ala eenik menggerak endage paga abet aret yokkiri o. An nogoba Akap nen yi aakumi ndi aakumi wonogo menggam inom, aap inoweewi inendagembogut inabu'me piigo menggam inom, inenggela'me time ambiriluk ambi lek lek abok aret kwaakkabuwak nduk, awuri nappiigaatak yora nogo nagaatik, Eliya eebe yime lek o, yogwi iinok, Eebe abet aret lek yogotak kenok, kumbuk mbaninip o, yorogwe iinok, wone kumbuk mbanggo nogogwaarak.

2 Endagembogut 6:13

Yoge mbareegi, at aap endagembogut nogo nen, “Aap ti, pigoorak aap nappiyaakit nduk, eebe nggeeme wonage nogo kinigen yombooni nanip o.” Yorage mbareegi, inigen yombooni nanuk, wogo nogogwaarik, at yogo logonet, “At eebe o Ndotan wonage o.”

Ndawi 10:8

Aap inagap ndakkoloorak meek mendek nogo it nen kok nggereninabuwok nduk, Aakumi inawoore'nggam eyoongga ku'mbanak me, Kumaa'na'nuk toriigwi, Time nen it maluk eeka'lek ugun wonogwe nogo inoori wundi wogwe, Eeko menggaarak.

Kini Wuppiige 1:16

It aap ti, “A puk-puk,” yaga'lek perak togon maluk eerit nogwe, Aap inamiya mbet-mbet wunabit nogwe, Eeko menggaarak o.

Mika 5:2

Togop aret eerigin me, kwe aagaluk nda'narigin yugu nogo aret nda'nage, Ndi, at oreewi Iterali ando mbo piya nogogwaarak wonogwe nogo, iniyokan Iterali inom lambuni wogwe, Eeriyak eyom awo aga'lek kagak it Iterali mbo piyamenggerak logogun o.

Linggineegwaarak 10:36

ndi, Ala aloobut mbanak nogo taati porogo puk ogwe iinok, at Muta nen, “Kaliku nogoba ALA wae. Yogondak kapuri Iterali mendek ineenggi lingginiyak meek yi, Inoba nabi mok o,” yinuk, yoge, eeke nagagerak.

Marakut 14:1

Laago Obaga Mbo Nagagerak inom, laago Roti Piika'lek Mendek inom, lariyak eyom nogo mbere yinuk, laruwok nduk eekwi me, it Ala unde inoweewi inom, it Ala wone liiru mbanak unde inom, “At Yetut nonggop togon kote pippunuk warumun o?” yinuk, abok mbanggo logonet,

1 Tamuwen 23:22

At aap ti, obaabut abu penenak lombok menggerak yo'nugwi me, at eebe nggeeme wonage? ndi, taamini nen inigen kogwe? eeko menggaarak nogo liippunuk, an yo'niri woraamunggup nduk, nanip o.

1 Tamuwen 23:24

Yorage mbareegi, at Tawun nogo peebi punuk, it iniyokan o Tip nogogwaarak. Ndi, at Ndawut awuri inom o karume nggwok nenaarogo pereegim o ame pa'nggwe o Mawon karume aap Yekura iname time wonogwe iigak,

1 Tamuwen 24:11

Kooka'lek teppagage logonet, kayum irip mban mbuuluk mbanogo waganggirak neenggime wonage yi, pekket o, nogoba. An tebenogo pagakit nduk, koone taganit nage, an maluk eeppagage, eekirak noba wonage lek yum yi paga keenu aru o. Kat perak, an nooriyak nduk, mu'neren-ma'neren nege menggendak ti,