1 Tamuwen 23:18 - Ala Wone Peenok Peebi Mbanak

¹⁸ Yoge nagagerik, at Ndawut imbirak at Aliku ALA enggaanom paga wone abuk nggaruk togon kumbuk mbanggo nogogwaarik, at Ndawut o Korep time wonage kagak, Yonatan nogo ame aret wagagerak.

1 Tamuwen 23:18 Iomraidhean Croise

2 Tamuwen 21:7

Yorage nagagerik, Tawun aput Yonatan nogo Ndawut imbirak Aliku ALA endage paga, “Yogop eeko logowok o,” yinuk, kumbuk mbanogo pereegwaarak me, aap endagembogut nen Yonatan aput Mepibotet abuwa nen wogoroolik.

2 Tamuwen 9:1

Ne ambi paga at Ndawut nen ari logonet, “Yonatan nimbirak kunik wonogogurak me, at eeppukwak Tawun apuri mendek ineenik ambi wonogwe kenok, abuwa nen obeelom eeppikit nduk, yinip o.”

1 Tamuwen 18:1

At Ndawut nogo Tawun imbirak wone abu aret mbanggo mbareegwa, Yonatan nen at iniki kunik eekkolage menggi kwak, Ndawut nogo togop aret iniki kunik eeke nagagerik, imbirak iniki ambit aret eekkologogwaarak.

1 Tamuwen 18:3

Teppereegerak imbirak wonage me, at Yonatan nogo nen at iniki kunik eekkolage menggi kwak, Ndawut nogo togop aret iniki kunik eeke logonet, “Kat an nimbirak niniki-kiniki kunik logowok o,” yinuk, wone mondok abuk nggaruk togon kumbuk mbanogo pereegwaarak.

1 Tamuwen 20:42

Le ari mbareegi, at Yonatan nogo nen Ndawut yoge logonet, “Kat nimbirak niniki-kiniki kunik eeko logowok o, yinuk, at Aliku ALA endage kumbunuk, wone mbanggoorak nogo ti, at Aliku ALA enggaanom paga yogoorak me, at nen ninenggali wappinanege logukwak, kat inom, an inom, kat kapuri ndaganabemenggendak inom, an napuri ndaganabigin inom, mondok-mondok porogo logowok o,” yinuk, yogo nogogwaarik, Ndawut nogo ambime nage kagak, Yonatan nogo ame kota nogome wagagerak.

1 Tamuwen 20:8

Togop aret me, Aliku ALA enggaanom paga an kayeloman nimbirak wone koonogo pogoorak me, an maluk ambi eekirak noba wonage kenok, wo'neren kogoba wonage me, pani noorak lek o. Ata, nabuwa mba'nuk, kat nen aret noorogo panumunggun o.”

1 Tamuwen 21:1

At Ndawut nogo aap Ala unde endage Akimelek o Nop wonage me ka nagagerak. Ka nage mbareegi, at Akimelek nogo aganak nugirit ka wungge logonet, at yoge, “Kat aap ambi kinom lek kalik mban yime nonggop nduk wagan o?”