1 Tamuwen 22:8 - Ala Wone Peenok Peebi Mbanak

⁸ Alom ti paga kit abok aret kiniki ambit eeppunuk, an tebenogo paniyak nduk, eekwi nogo lek a? An naput Yonatan nen Itayi aput imbirak wone nggaruk togon kumbuk mbanggwi, ndi, yogondak Ndawut enaarak wonage nogo ti, an naput nen, Nogoba warenok nduk, enaarak logot o, yinuk, an lombok nayeloman inikime pege, eekerak nogo, an nabuwa nen yo'niriyak op aret kwe, yo'nega'lek ti, nonggop nduk, ogotik?”

1 Tamuwen 22:8 Iomraidhean Croise

2 Endagembogut 6:11

wone ti yoge paga aap endagembogut Aram mendek anini age nagagerik, at inom eeko menggaarak awuri nogo, woraawak nduk, inayonggo pereegerak wogo mbareegwa, it yorage logonet, “Aap Iterali inowe endagembogut imbirak a'nuk, yogop-ndogop yori nagak mban eeke ambi wonage kogotak kenok, an yo'nega'lek nonggop nduk ogotik?”

Ayup 33:16

Aakumi inomaluk mbo puwak nduk eeppiige, It iniki wogoppakwi iyo tebenogo piige, Taambiigo menggam nogwe iyo, non mbanogo piige, Niyo mbambegak abu-abu nogo menggam nogwe iyo, yilunogo piige, Eeke logonet It aakumi ando inaruk konengga'lek iinok, konenuwak nduk, eerogo piige, Kurumbi yorage paga inagabolo ne agan nawak nduk, eeppiige, Eeke menggerak o.

1 Tamuwen 18:1

At Ndawut nogo Tawun imbirak wone abu aret mbanggo mbareegwa, Yonatan nen at iniki kunik eekkolage menggi kwak, Ndawut nogo togop aret iniki kunik eeke nagagerik, imbirak iniki ambit aret eekkologogwaarak.

1 Tamuwen 18:3

Teppereegerak imbirak wonage me, at Yonatan nogo nen at iniki kunik eekkolage menggi kwak, Ndawut nogo togop aret iniki kunik eeke logonet, “Kat an nimbirak niniki-kiniki kunik logowok o,” yinuk, wone mondok abuk nggaruk togon kumbuk mbanogo pereegwaarak.

1 Tamuwen 20:2

Yoge mbareegi, at Yonatan nen, “Togop yagandak ti kwe, kat koorigin lek o. An nogoba nen yi mendek ndi mendek mbuuluk a, nggwok a, eeke logonet, an yo'nega'lek kagak, eekeelik me, kat nen, Eeppanigin, yagandak nogo ti, an yo'nega'lek kagak, eeppagarak mbaken? Ti lek aret mbaki o.”

1 Tamuwen 20:42

Le ari mbareegi, at Yonatan nogo nen Ndawut yoge logonet, “Kat nimbirak niniki-kiniki kunik eeko logowok o, yinuk, at Aliku ALA endage kumbunuk, wone mbanggoorak nogo ti, at Aliku ALA enggaanom paga yogoorak me, at nen ninenggali wappinanege logukwak, kat inom, an inom, kat kapuri ndaganabemenggendak inom, an napuri ndaganabigin inom, mondok-mondok porogo logowok o,” yinuk, yogo nogogwaarik, Ndawut nogo ambime nage kagak, Yonatan nogo ame kota nogome wagagerak.

1 Tamuwen 20:8

Togop aret me, Aliku ALA enggaanom paga an kayeloman nimbirak wone koonogo pogoorak me, an maluk ambi eekirak noba wonage kenok, wo'neren kogoba wonage me, pani noorak lek o. Ata, nabuwa mba'nuk, kat nen aret noorogo panumunggun o.”

1 Tamuwen 22:13

Yoge mbareegi, Tawun nen at yoge, “An tebenogo panubagip nduk, at Itayi aput kimbirak kiniki ambit a'nuk, oroti inom, paloowi inom, wogoge, at ake Ala yoge, eekendak ti paga nimbirak eeke logorak eebi mba'nuk, o yogondak noorikit nduk, enaarak wonage ti, nonggop nduk, eekendak o.”

1 Tamuwen 23:21

Yogo mbareegwa, at Tawun nen it yorage logonet, “Kit nabuwa nombakotak me, at Aliku ALA ale'nggen kinoba pinagage logowak o.