1 Tamuwen 20:42 - Ala Wone Peenok Peebi Mbanak

^42-43 Le ari mbareegi, at Yonatan nogo nen Ndawut yoge logonet, “Kat nimbirak niniki-kiniki kunik eeko logowok o, yinuk, at Aliku ALA endage kumbunuk, wone mbanggoorak nogo ti, at Aliku ALA enggaanom paga yogoorak me, at nen ninenggali wappinanege logukwak, kat inom, an inom, kat kapuri ndaganabemenggendak inom, an napuri ndaganabigin inom, mondok-mondok porogo logowok o,” yinuk, yogo nogogwaarik, Ndawut nogo ambime nage kagak, Yonatan nogo ame kota nogome wagagerak.

1 Tamuwen 20:42 Iomraidhean Croise

2 Tamuwen 9:1

Ne ambi paga at Ndawut nen ari logonet, “Yonatan nimbirak kunik wonogogurak me, at eeppukwak Tawun apuri mendek ineenik ambi wonogwe kenok, abuwa nen obeelom eeppikit nduk, yinip o.”

Linggineegwaarak 6:26

Aliku ALA ena koonogo pekkiige, Kiniki ambit lambunik nu'lek logomunggup nduk, eeppinagage, Eeke logogin o, yinuk,

Lukat 7:50

Yogwe iigak, at Yetut nen kwe nogo yoge, “Kiniki noba panggombunuk abet nombakendak paga kagap ndakkolagandak me, kinikiigun kame nak o,” yinuk, yoreegerak.

Nappiigak 16:36

Nappiya wogogwaarak yori wogo mbareegwa, aap keele maarak mambiigo menggam arum waka nen Pawulut yoge logonet, “Ninoweewi o kota unde nogo nen Pawulut Tilat imbirak keele piinogo wumbiyet o, yinuk, yo'niri wagaarak me, wundi nogo logomonggotik, kinikiigun aret nanip o.”

1 Tamuwen 1:17

Yoge mbareegi, at Eli nen, “Ti kenok op aret o. Kat nen Iterali inogoba Ala nen wo'niruwak, mba'nuk, yogendak nogo, wokkirigin aret me, kiniki teeluk obeelom paga aret kame nak o.”

1 Tamuwen 20:15

an napuri wigannaremenggaarak nogo mbo piiga'lek mondok-mondok inabuwa mbake, ndi, at Aliku ALA nen o nggween paga yime kinom wim mbanak menggendak nogo lek eerogo piige kenok kunduk, an abe'nake, eeke logomunggun o,” yinuk, yoreegerak.

1 Tamuwen 20:16

Yoreegerak ti paga Ndawut apuri-ombowologwe nen at Yonatan ili yogo logowak nduk, at Yonatan nen Ndawut yoge logonet, “Wone yogoorak yi, taganogo punuk, an nenggaawak lek eerogo panugwi iinok, Aliku ALA nen kat kawim eeppiyamenggerak paga namee'nggo kat aret maluk eeppagago logowak o,” yinuk, wone abuk nggaruk togon mbanogo pereegwaarak.

1 Tamuwen 23:18

Yoge nagagerik, at Ndawut imbirak at Aliku ALA enggaanom paga wone abuk nggaruk togon kumbuk mbanggo nogogwaarik, at Ndawut o Korep time wonage kagak, Yonatan nogo ame aret wagagerak.

1 Tamuwen 25:35

Yoge nagagerik, at kwe Abigayin nen yi mendek ndi mendek wonok wagagerak nogo, wagangge nagagerik, at yoge logonet, “Wone yo'negendak nogo konengge nagarik, abu aret waganggirak me, kagabiti mbaka'lek kiniki ugun aret kame nak o,” yoreegerak.