1 Tamuwen 20:3 - Ala Wone Peenok Peebi Mbanak

³ Yoge mbareegi, at Ndawut nen ari logonet, “Kat an niniki kunik wonage nogo kogoba abu eenu aret me, at nen ari logonet, An nen Ndawut eeppuurak mbake nogo Yonatan iniki wakkolookwak, eenu eeppuurak lek, mbake me, kat yokkega'lek kagak, an niyok ambi punuk, Ambi pi, ari paga aret noorigin o, yinuk, Aliku ALA eenu me, kat togon keenu a'nok nduk abet aret yokkigi o.”

1 Tamuwen 20:3 Iomraidhean Croise

2 Tamuwen 15:21

Yoreegerak kwe, at Itayi nen aap endagembogut yoge logonet, “Kat nowe kendagembogut o nggeeme nage logomenggendik, wonage logonet, kambuurak kenok, keenik logorak kenok, an kayeloman nimbirak time aret wonage neyaamunggun o, yinuk, abet mba'nok nduk, at Aliku ALA endage inom, kat kendage inom, kumbunuk yokkigi o.”

2 Endagembogut 2:2

at Eliya nogo nen Elita yoge, “At Aliku ALA nen an o Mbeten nappanegerak nage me, kat ya'i abu logot o.” Yoreegerak kwe, at Elita nen onggo yoge logonet, “An kat mbo pagagin lek nimbirak aret noorak o, yinuk, Aliku ALA inom, kat inom, kimbirak kinenggaanom paga abet aret yokkigi o.” Yoge mbareegi, imbirak o Mbeten nogogwaarak.

2 Endagembogut 2:4

Yorage mbareegi, ti'nuk, at Eliya nen Elita ambinom yoge logonet, “Elita wae. At Aliku ALA nen an o Yeriko nappanegerak nage me, kat ya'i abu logot o.” Yoreegerak kwe, at Elita nen, “An kat mbo pagagin lek nimbirak aret noorak o, yinuk, Aliku ALA inom, kat inom, kimbirak kinenggaanom paga abet aret yokkigi o.” Yoge mbareegi, imbirak o Yeriko nogogwaarak.

2 Endagembogut 2:6

Yorage mbareegi, ti'nuk, at Eliya nen Elita ambinom yoge logonet, “At Aliku ALA nen an niyo Yoraran aa'nggi paga nappanegerak nage me, kat ya'i abu logot o.” Yoge mbareegi, Elita nen, “An kat mbo pagagin lek nimbirak aret noorak o, yinuk, Aliku ALA inom, kat inom, kimbirak kinenggaanom paga abet aret yokkigi o.” Yoge mbareegi, imbirak aret nogogwaarak.

Ndawi 116:3

Kanggwi ageele yerek-perek eerogo panege, Kambunuk nogo menggam nogwe iinok, Inagabolo ne agan nage nogo an noba ari wage, Eekerak o. Aaninggin noba age, niniki puru aago wonage, Eekerak paga Niniki lek-lek ee'nake mbaki,

Yeremiya 38:16

Yoge mbareegi, at aap endagembogut Terekiya nogo alik kote Yeremiya yoge logonet, “An nen kat koorogo pagage, ndi, it aap kat kooriyak nduk, mukkeren nugwi nogo ineenggime piige, eerigin lek o, yinuk, aakumi ineenik eeppiiga mondok eenik menggerak Aliku ALA endage kumbunuk kumbuk mbanggi o,” yinuk, yoreegerak.

Yeremiya 4:2

Ndi, Nit a'me nggelok mban eeppiinet nugwi, Obeelom mban eerit nugwi, Pilit lek abet aret eeko logogun o, yinuk, Neenik Minggirak Naliku ALA nendage kunogo kumbuk mbanggwi, Eekwi iinok, It aakumi inanebunu lombok nen, It eekwi ti, nit togop aret eeko logowok o, yinuk, Nale'nggen-kale'nggen yogo logonet, nendage tiyappanogo logogun o,” yinuk, yegerak me yokkiragi o.

Pelaareegerak 28:66

Eeppinagage kenok, kineebe kinookwi iyo, oonikiya paga, liingge paga, kinagabiti nen puruk yagak nugwi, kinagabolo kangge kagak nugwi, eeko logonet,

Pelaareegerak 6:13

Kit nen at Aliku kinogoba Ala mban ayuk wuko logonet, at mban alut eekwi, at mban endage paga kumbuk mbanggwi, eeko logomunggup o.

Iberani 6:16

Aap ambi at oone mondok abet mbaruwak nduk, aap ayuk warak ambi endage kunogo yorage ti paga it wone onggo-onggo yogwe nogo, inoone lek aret age menggerak.

1 Tamuwen 1:26

kwe Kana nogo nen Eli yogo logonet, “Nogoba o. Kwe ambi aa'nduk yime mi'ndak logonet, Aliku ALA yoge kenegen kagagindak nogo ti, keenik keegak aret eeke neyareegindak me, an aret abet nombaru o.

1 Tamuwen 17:55

At Ndawut nogo nen aap Pilitin mendek imbirak wim namburiyak nduk nage at Tawun enegen kage nagagerik, at Tawun awuri ineegin warak inowe Abenet nogo yoge logonet, “Abenet wae. At wulaga tawe ti, ta aput?” Yoge mbareegi, Abenet nen yoge logonet, “Nowe kendagembogut kat aret keegak, an pilit yokkiriyak meek me, an neenggo'lek o.”

1 Tamuwen 20:2

Yoge mbareegi, at Yonatan nen, “Togop yagandak ti kwe, kat koorigin lek o. An nogoba nen yi mendek ndi mendek mbuuluk a, nggwok a, eeke logonet, an yo'nega'lek kagak, eekeelik me, kat nen, Eeppanigin, yagandak nogo ti, an yo'nega'lek kagak, eeppagarak mbaken? Ti lek aret mbaki o.”

1 Tamuwen 20:4

Yoge mbareegi, at Yonatan nen Ndawut yoge, “Kat nen an eeppagarak kiniki mbakendak nogo ti, eeppagakit nen an yo'niru o.”

1 Tamuwen 25:26

Togop aret me, Maluk eeppagagerak onggo eeppiyaakit, koongge logonet, aakumi inamiya wunabukwak, at Aliku ALA nen non mbambagagaarak me, it kawim inom, it kat nogoba maluk eeppagarak mbakwi nogo inom, at Naban kwak aret logowak o, yinuk, kat keegak, at eenik menggerak Aliku ALA endage kumbunuk yagi o.

1 Tamuwen 27:1

Tawun ame wagagerak wonage kagak, Ndawut iniki koongge logonet, “Ne ambi paga at Tawun nen nenggaawak lek eerogo panigin aret me, Iterali inenggela'me kwaa'nabit nege logonet, pi'nake kero, an mbaganit it Pilitin iname naminggirak ninom wonage neegak, op aret logogin,” mbake nagagerik,