1 Tamuwen 20:15 - Ala Wone Peenok Peebi Mbanak

¹⁵ an napuri wigannaremenggaarak nogo mbo piiga'lek mondok-mondok inabuwa mbake, ndi, at Aliku ALA nen o nggween paga yime kinom wim mbanak menggendak nogo lek eerogo piige kenok kunduk, an abe'nake, eeke logomunggun o,” yinuk, yoreegerak.

1 Tamuwen 20:15 Iomraidhean Croise

Wakkagagerak 40:14

Eeke logonet, noba abe'nage kenok, it aap inanebunu Iberani mendek iname nen keele maarogo kumaa'neren yime pani wogogwaarak o Metit yime logonet, an maluk ambi eeka'lek neegak, keele maarogo o apit me yime mambani wagaarak wonage me, keele piinogo wumbanuwak nduk, kat endekem wungge logomenggendik, op aret logonet kenok, nabuwa mba'nuk, eekirak wone nogo mbininogo aap endagembogut Pirawun nogo yo'nu o,” yinuk, yoreegerak.

2 Tamuwen 21:7

Yorage nagagerik, Tawun aput Yonatan nogo Ndawut imbirak Aliku ALA endage paga, “Yogop eeko logowok o,” yinuk, kumbuk mbanogo pereegwaarak me, aap endagembogut nen Yonatan aput Mepibotet abuwa nen wogoroolik.

1 Tamuwen 20:14

Kimbirak togop aret logogin me, an kangga'lek awo neenik wonage neegak, at Aliku ALA nen yi aakumi ndi aakumi mbo piigeelik mondok-mondok inabuwa mbake menggi kwak, an togop aret nabuwa mbake,

1 Tamuwen 20:23

Ndi, kat nimbirak eeko logorak wone yogoorak nogo ti, kat yagandak inom, an yagarak inom, Aliku ALA enggaanom paga yogoorak me, at nen mban ninenggali wappinanege logukwak, mondok-mondok porogo logowok o,” yinuk, yoreegerak.

1 Tamuwen 20:42

Le ari mbareegi, at Yonatan nogo nen Ndawut yoge logonet, “Kat nimbirak niniki-kiniki kunik eeko logowok o, yinuk, at Aliku ALA endage kumbunuk, wone mbanggoorak nogo ti, at Aliku ALA enggaanom paga yogoorak me, at nen ninenggali wappinanege logukwak, kat inom, an inom, kat kapuri ndaganabemenggendak inom, an napuri ndaganabigin inom, mondok-mondok porogo logowok o,” yinuk, yogo nogogwaarik, Ndawut nogo ambime nage kagak, Yonatan nogo ame kota nogome wagagerak.

1 Tamuwen 24:21

kat nen an napuri wigannaremenggaarak nogo, inenggaawak lek eerogo piige, ndi, an nowe-nawot inenggela'me nendage ki logorak nogo, lek eerogo pege, Eerigin lek o, yinuk, at Aliku ALA owak mbanogo yo'niru o.”