1 Tamuwen 20:10 - Ala Wone Peenok Peebi Mbanak

¹⁰ Yoge mbareegi, at Ndawut nen Yonatan yoge logonet, “Kat kogoba yoremenggendak wone onggo, oone omaawi yokkege kenok, ta nen an yo'nirigin o?”

1 Tamuwen 20:10 Iomraidhean Croise

Wakkagagerak 42:30

“At aap o Metit unde menggerak nogo ka nogo mbako, Kit o yime nonggop kaamun? nduk, yombooni wogotak kiigi o, yinuk, nggaganagalo negen eeppinaninuk, oone panggok togon yo'nirage mbaki,

Wakkagagerak 42:7

At Yutup nen oweewi aret wogwe yelok iyareegerak kwe, aakumi inambik negen a'nuk oone panggok togon kin wogiige logonet, “Kit ngga nen wogotak?” Yorage mbareegi, it nen, “Nit o Kanan nen mbato koba onggo mbanuwok nduk wogo o.”

1 Endagembogut 12:13

it Iterali inoweewi nen, “Yogop yoraamunggun o,” yoreegwaarak nogo aap endagembogut Erekabeyam nogo nen mbo punuk, it aap tawe nen yoreegwaarak nogo aret oone omaawi paga yorage logonet, “Eyo aaninggin tapi uut paga kwippunuk, wonok nugwi nogo kokwak, nogoba nen aaninggin kinoba pinagareegerak nogo ti, teeluk negen aret kwe, an nen aaninggin abunuk nggwok lombok kinoba pinagage, ndi, nogoba nen muun ya'mbiran nggora eerogo kinooke nagagerak kwe, an nen perak, poondo alok paga ngguurik-ndaganak eerogo kinooke, eeke logogin o,” yinuk, yoragagerak.

Kini Wuppiige 18:23

Aap eenggi lek nogo nen, “Nabuwa ket o,” yinuk, yoranet nege menggerak kwe, It aap ineenggi warak nogo nen perak, wone onggo panggok togon yorogo menggaarak.

1 Tamuwen 20:11

Yoge mbareegi, Yonatan nen Ndawut yoge, “Nimbirak penaame time nawok nduk omok o.” Yoge mbareegi, imbirak penaame aret nogogwaarak.

1 Tamuwen 20:9

Yoge mbareegi, Yonatan nen, “Yagandak ti, togop abu lek o. An nogoba nen kat maluk eeppagarak koonggerak nogo neenu logonetak en, kat yokkenetak lek mbaken?”

1 Tamuwen 25:10

Tokkogwe me, Naban nen Ndawut awuri nogo yorage logonet, “O yime aap inayeloman mini apit aret inogobamini mbo piinok, mbaganit nogwe me, at Ndawut ti, ta? Ndi, Itayi apuluk ti, ta?

1 Tamuwen 25:14

Aap Naban nen Ndawut awuri wone yoragagerak nogo Ndawut yori wogwe iigak, Naban ayeloman ambi nen Naban akwe Abigayin nogo yoge logonet, “At Ndawut karume logonet, ninogoba, Wa, yoruwak nduk, awuri nappiya wagaarak kwe, at ninogoba nen miyuk-meya eerogo piige kagarak o.

1 Tamuwen 25:17

Nano eeruwi o? At ninogoba yi, amiya maluk ogogumbuk me, nit ninogoba ninom monggoorak nogo, ninom maluk ninoba age kero, kat ninagalo ninake ngge eeriyak kiniki koonu o,” yinuk, yoreegerak.