1 Tamuwen 2:30 - Ala Wone Peenok Peebi Mbanak

³⁰ At togop aret eeke me, Naliku Iterali inogoba an Ala nen, At apuri inom, at anebunu mendek inom, it aap neebe unde a'nuk nawi wurik me nenggaanom paga mondok-mondok nake eeko logowak o, yinuk, noone abuk nggaruk togon yoragagirak kwe, yogondak nen wone ti eeriyak abu meek aret aga o. Aap ambit nen an tiyappanege kenok, an nen aap ti aret tiyappege, ndi, aap ambit nen an meek eerogo panege kenok, an nen aap ti meek eerogo pege, eeke minggirak me,

1 Tamuwen 2:30 Iomraidhean Croise

1 Endagembogut 11:11

Anini oba punuk, yoge logonet, “Wone lengganak inom, wone ninom koonogo pereegurak nogo inom, kat liirogon woppunuk eerulik kobaabut maluk logonet, yokkereegirak taganggendak me, kabu'me piinok wonage menggenom nogo, An unde logokit, mbake keegak, ndik togon eerogo kinom eeke menggendak kawot ambi wogorigin o.

1 Endagembogut 2:27

At Talomo nen Aliku ALA unde wonagagerak Abiyatat eyabu lek eerogo pereegerak nogo ti, at Aliku ALA nen aap Ala unde Eli apuri inom o Tilo logonet eekwi iinok, yoragagerak nogo a'me lik yereegerak.

1 Mbinineegwaarak 17:18

Kaliku ALA wae. An kayeloman yi, neebe inom, eeke minggirak inom, abu neege menggendak kwe kagak, mondok obeelom eerogo tiyappanege menggendak me, an nonggop yokkiri o?

2 Mbinineegwaarak 15:2

aap Ata ka nage nagagerik, “Kat Ata inom, Yekura mendek abok aret inom, Mbeniyamin mendek inom, wone yokkirage yi, konenggo logonip o. Kit nen Aliku ALA ninom logorak, mbakwi kenok, at kinom aret logogin o. At kwaarit nogo logomonggotik, eebe aret kwaakkaamunggup kwe, at mbo pugwi kiinok perak, at nen kit mbo pinagagin o.

2 Mbinineegwaarak 26:18

inoone lok togon at yogo logonet, “Ninogoba wae. Obari abe kaga nogo Aliku ALA ake kani kunggak ti, kat unde lek me, nonggop nduk, kani kunikit nduk, eeke agandik? Ala unde Karun apuri wiganak nen mban obari abe kaga kani kunggo logowak nduk, leenogo piyareegerak kagak, kat nen Ala wone taganogo punuk, eeke me, Aliku Ala nen, At endagembogut nen eeke o, yinuk, kayuk wurigin lek me, o magame yime nen mbet wundi nak o.”

Ndawi 18:20

An obeelom mban eeke neenok, Aliku ALA nen ndak-ndak obeelom eeppanege, An maluk eeka'lek wonage neenok, Onggo maluk eeppanega'lek wonage, Eekerak o.

Ndawi 18:26

It iniki kikak naka'lek wonogwe iinok, Kiniki kikak naka'lek keyaawak nduk eeppiige, It wi-wi aganakwi iinok perak, Kat nen melak togon wi-wi aganake,

Ndawi 50:23

It aap an, Wa, yo'nogo logonet, Warogo wo'nugwi paga nendage tiyappanugo logogun o. Ndi, it inaru koonogo pakwi iinok ti, Inagap ndariyak wone nogo An nen ineenu eeppiige logogin o,” yinuk, yorage logogin o.

Ndawi 73:20

Nogo yogo logonet inabi abet ndendon kagaatak kwe, Ineenik a'nuk, kobak age menggi kwak, Nogoba wae. Kat mi'nage logomenggendik, “It aap yi, abe lek o,” yinuk, Ne ambit lek eerogo piyaamunggun o.

Ndawi 91:14

At Aliku ALA nen ari logonet, “At aap ti, iniki kunik ee'nake me, agap ndake, Ala ti, an nogoba aret o, yinuk, ari me, arum wonage,

Ndawi 91:15

Yeenggwa niru o, yo'nege kenok, yeenggwaage, Maluk eeppugwi iinok, ili ari, Aap ineenggime nen ndinogo wumbege, At endage tiyappege, Eeke logogin o.

Wundeegwaarak 28:43

Penggaarogo pemenggaarak me, aap Karun apuri inom nen an ninom lambungge logowam nawooliya wuremenggenom unggwi nogwe ilik, o mage me aakumi inake ambi eeruwak nduk, nake warogo kani kunggo logowam panggo yi nogwe a, eeko logonet, inaawi ogo'net kin iigwi iinok, ti maluk aret me, an nen inoorukwak, inayum ti yippunuk, eeko logowak o. Ndi, wone yagarak ti, Karun kunduk, apuri ndaganabit namenggerak kunduk, mondok-mondok eeko logowak nduk, wone lengganogo yokkigi o,” yinuk, yoreegerak.

Wundeegwaarak 29:9

inagabee'le inobate paga nggerenogo piige, inabetagi inanobak paga perenogo piige, eerumunggun o. An neebe unde logowak nduk, aap mippiige ti, mondok-mondok eeko logowak nduk, an nen wone koonogo pigirak me, at Karun apuri inom togop aret eerogo piinok, mippiyaamunggun o.

Kini Wuppiige 12:8

Aap iniki warak ti ndak-ndak “Wi!” irogo menggaarak kwe, It aap maluk iniki nggolawe kenok perak, meek lombok eerogo piigo menggaarak.

Kini Wuppiige 4:8

Iniki warak wone ti, tiyappege keenok, at nen kat tiyappagage, Liirogon wagangge keenok, at nen kayuk wuke,

Kini Wuppiige 8:17

It aakumi iniki kunik ee'nakwi nogo an nen niniki kunik eeginake, It an kwaa'nabit nugwi nogo kwaa'neyaawak nduk, neebe nigiige, Eeke minggirak o.

Yetaya 29:13

At ninogoba Ala nen ari logonet, “It aakumi yi, we inoone paga nen mban ninom kunik wonogwe, Inambe paga nen mban nendage tiyappanugwi, Eeko logonet kwe, Iniki perak, an ninom abu ogoorak wonogo agaarik o. It nalut eekwi nogo ti, aakumi inoone yugu mban mugurok nogo logonet, nalut eeko menggaarak.

Yeremiya 29:32

Naliku ALA nen, Aap Nekelam mendek endage Temaya ti nen, Aliku ALA ari nogo woorak, Nineebi, mbako logonip o, yinuk, yorage nagagerak paga, at inom, at paga wiganak inom, aaninggin abet aret inoba kwippiyaagin me, it aap inanobak ti mendek ambi it inenggela'me time iigak, an napuri obeelom eeppiyaagin nogo, inigen kaagun abu lek aret o, yinuk, Aliku ALA nen aret yegerak me, Wone yogop yegerak o, yinuk, wone eerogo nappiyet o,” yinuk, yoreegerak.

Yeremiya 49:15

Togop me, Aliku ALA nen ari logonet, “An nen aakumi inanebunu lombok inenggela'me at endage abu lek logowak nduk eerogo pege, Aakumi nen at meek eerogo pogo logowak nduk eeppiige, Eerigin o.

Yetikiyen 34:10

Naliku Nitok Minggirak an ALA nen it yoroorak yokkege nogo yi aret. It ndomba ndegeninaka eekwi ti, an neebi mbake me, nandomba ambi maluk age, ambi kobak age, eeke kenok, it inoba aret pigin o. Nandomba ambinom ndegeninaka logorak lek o, yinuk, yorage neenok, nandomba ndegeninako logonet, it inobaalombok eeriyak mugurok nogwe nogo, ambinom mugurok nogo logogun lek aret o. An nandomba ineebe paga inambi nuurogo nonggo menggaarak nogo, ambinom nunggwi iyo, nandomba ndinogo wogonabigin,” yo'negerak me, yokkiragi o.

Ndaniyen 4:34

Ndi, “Tahun ndogop logorak,” yugu nogo abu aret ari wage mbareegi, an Nebukanetat nena mbogut paga ni'nage neegak, niniki nambokan agagerak nogo nenaame ari wage mbareegi, at Tiyanak Lombok Menggerak nogo alut eeke, at eenik mondok menggerak nogo ayuk wuke, endage tiyappege, eereegirak o. At wone lengganogo yorage menggim omaawi menggerak ti, lek arigin lek mondok omaawi aret wonage, Aakumi nda'narit wundi wogwe iigak, at abu'me piinok menggim nogo mondok wonage, Eerak logogin o.

Maleyaki 1:6

At Omaawi Lombok Menggerak Aliku ALA nen ari logonet, “Aap ambi aput nen ogoba ayuk wuke, ndi, aap ambi ayeloman nen ogoba ake eeke nogo ayuk wuke, eeko menggaarak me, an inogoba kenok, nayuk wuko logorak op aret kwe, wuka'lek nonggop nduk agaarik o. Ndi, it an nayeloman mini nake eeka aret kenok, an nayuk wuko logonet, inagabiti mbako logorak op aret kwe, mbaka'lek ti, nonggop nduk agaarik o,” yinuk, yegerak o. “It aap an neebe unde nen aret an nendage maluk eerogo pogo agaarik o. Nendage maluk eerogo pogo logonet kwe, Nit nonggop negen at endage maluk eerogo pogoorak me, yo'nirage agaarik? yinuk, yogwe,

Maleyaki 2:3

“It an neebe unde nogo, eekwi paga it paga wiganak aaninggin inoba kwippiige, it inale'nggen nen laago lako logonet wam waremenggaarak aanagale kilirik nogo, inete paga aambiranogo piige, eeke neenok, aakumi nen wam aan kilirik ti, wonok mbo pi nogo logonet, ineebe inom yabonogo mbo piya nagun o.

Linggineegwaarak 11:20

Ata, Naliku an ALA it inenggela'me ninom wonage nogo mbo paninuk, yogo logonet, Nonggop nduk nit o Metit nen wo'niren wundi wagagerak, yinuk, le yogwe nogo muk iigirak me, enggaanggum wogoraminggirak nunggwi aret iigak, tut ambit penenigin me, nunggwi iigak, inaanoma'le nen peyak wuriyak eeginake logonet, inogobak me kilu-kilu wambigin, yegerak, yoret o,” yinuk, yoreegerak.

Linggineegwaarak 35:34

Naliku ALA it aakumi Iterali inenggela'me aret wonage minggirak me, o it iname an wonage minggim time enete maluk eerogo puurak mondok mage, yegerak, yoret o,” yinuk, yoreegerak.

Yaya 12:26

Aap ambit ambi nen an nake eeriyak mbake kenok, mondok mu'neren aret wage logowak o. An logogin nogome nayeloman kunduk nimbirak time aret logogun o. Ndi, an nake eeke kenok, nogoba nen at tiyappigin o, yinuk, mondok abet aret yokkiragi o,” yoragagerak.

Yaya 5:23

Aakumi nen Ala tiyappogo mengga kwak, aput an kunduk ndak-ndak tiyappanugo logowak nduk, mippaneegerak. It aap nen Ala aput an tiyappanugwi lek iinok ti, at nappani wagagerak an nogoba nogo tiyappugwi lek o, yinuk, mondok abet aret yokkiragi o.”

Yaya 5:44

Wologo wae! It kinoreewi nen tiyappinagagwi iinok ti, kinikilom mbako monggotak kwe, Ala alik mban menggerak nen tiyappinaniyak ao, mbakwi lek me, kit nonggop togon kiniki noba panggombunuk, abet nombarumunggup?

Yaya 8:49

Yogo mbareegwa, Yetut nen it yorage logonet, “Lek o. An kugi ninikime wonage lek aret o. An nogoba tiyappege minggirak kwe, kit nen an tebembanugwi kiinok, yokkiragi o.

1 Korindut 4:5

Ti kenok, it aakumi inowak looniyak koonogo pereegerak eyom awo panggoni waga'lek kagak, kit nen aakumi maluk ugun-ugun inoba lenggenogo piigo logorak mage o. Ata, ninowe wage logomenggerik, nit aakumi ninikime kote koonggwi kumaarak wonage nogo kin paga pege, ndi, ninikime, “Alom ngge eeriyak,” mba'nuk, koonggwi nogo nggwok paga paganogo yo'nirage, eeke kenok, Ala nen ninalitik-ninalitak eeko logomonggoorak nogo ndak-ndak ale'nggen ninoba pinanigin me, waga'lek kagak aakumi ugun-ugun maluk inoba lenggenogo piigo logogup o.

1 Peterut 1:7

Mbuti emas nogo ti, we luulu lek ariyak mendek kagak, “At mendek ilik, alik mendek a?” yinuk, kani paga abut mbanggo menggaarak nogo ndak-ndak, kit abet mbakwi nogo ti, mbuti emas ndak-ndak lek o. Kit abet mbakwi nogo ti, mondok iya lombok me, at Ala nen, “Nu'lek wonogwe iyaamun ilik, lek a?” yinuk, kinabut mbangge logonet, aaninggin-paaninggin kinoba pinagage me, kiniki ale'nggen mbakwi kiinok, peebi Yetut Keritut eebe tena'me ari wage logonet, “Op eekotak o,” yinuk, ale'nggen kinoba pinagage, kinendage tiyappinagage, wogoppinagage, eeri woraagin o.

Owak Loongga 9:10

Yorage mbareegi, it eyo apit nogo nen eyo wuli nogo yogo logonet, Kat aret ninowe kendagembogut mi'naru o.