1 Tamuwen 2:15 - Ala Wone Peenok Peebi Mbanak

¹⁵ ndomba-tapi warogo amok leenogo Ala ake kani kunogo wogoriyak nogo, awo kani kungga'lek kagak, Ala unde ti, inayeloman nogo nen wage nagaatik, it aap Ala ake warogo wogogwi nogo yorage logonet, “It nogobamini Ala unde nogo ndomba-tapi enggaanggum niyo paga larak wogorogwe nogo ineebi me, worarogo nawak nduk, ki aret wo'ninip o.”

1 Tamuwen 2:15 Iomraidhean Croise

Wundeegwaarak 12:9

Enggaanggum wora'naga'lek ki kagak nunggwi, niyo paga larogo nunggwi, ti eerugwaarik o. Ata, anobak inom, inikime mendek inom, iyogobit inom, eebe apit enaani aret worarogo nonggo logowak o.

Ala Unde 3:16

amok abok aret ti, Naliku ALA namendek aret me, mbi nake pogo mengga kwak, nake kani kunemenggaarak obari abe kage logonet, nale'nggen kaakit nduk, kani kunggo logowak o.

Oroma 16:18

It aap togop eerit nugu menggaarak mendek nogo ti, ninowe Keritut ayeloman logonet, ake eerit nugwi lek o. Ata, inaanogum ake mban kwaarit nogo logonet, “Yogop eeruwok, ndogop eeruwok,” yinuk, inoone yanggorogon amburu ndik-ndik paga pilit pugunogo it aap iniki ugun mendek nogo inambokan laganit nogo menggaarak me, kinom ogoorak aret logonip o.

Pilipi 3:19

It aap ti nen nggween paga mendek mban abekwi, inaanogum ake mban tiyappugwi, inenggali ariyak kagak wogoppakwi, eeko menggaarak me, Ala nen mondok lek eerogo piyaagin kwe,

Yurat 1:12

Niniki-kiniki kunik paga mbi nawok nduk, kuwak eekwi me, it aap ti, inageerok abe mendek ko'nok wa'nuk, it ando abu iigak, inagabiti mbaka'lek inalik mban nonggo menggaarak me, yum abu laambu kwe, oololuk mili eerak menggi kwak logonet, eeko menggaarak o. Mayu ndugwi paga luurik lek me, ndugwi o wiya nen wonok nage, eyoonggen abe yuwak nduk, awi yakaatak kwe, anggen abe yega'lek kanenep age kenok, kinogo pegaatak me, mondok mbuk age,

1 Tamuwen 2:14

enggaanggum togolowa'na ilik, ndoonogo laka kuwalina ilik, pancina ilik, lakwi iigak, ayeloman nogo nen ndaninogo wonok wungge kenok, it Ala unde nen, “Ti nit ninake o,” yinuk, waganggo nogogwaarak. It aakumi Iterali apit aret Ala ake wonok o Tilo wogwe iinok, liirogon aret eeko nogogwaarak kwe, it Eli apuri nogo nen perak,

1 Tamuwen 2:16

Yorage kenok, it nen yogo logonet, “Ndomba-tapi amok leenogo aa'nduk kani kunggwi niinok, it uugwe mbakwi nogo aret waamunggun o,” yogaatak kwe, it Ala unde inayeloman nogo oone omaawi paga yorage logonet, “Lek o. Yogondak aret wo'ninip o. Wo'nugwi lek kiinok, an nalik nen aret waagin o,” yinuk, yorage nagagerak.