1 Tamuwen 2:10 - Ala Wone Peenok Peebi Mbanak

¹⁰ It Kaliku ALA kinom ogoorak wonogwe nogo, Yigirik-noonom eerogo piige, Ngguurubu oone eeke menggi kwak, Kaliku ALA mbogut paga koone ari, It aakumi o irip-irip abok aret inowak loongge, Eerumunggun me, At aap inowe endagembogut logowak nduk, Mippereegindak nogo omaawi wogoge, Kat leenogo punuk, amburu eeppereegindak nogo, Omaawi kaawak nduk tiyappege, Eerumunggun o,” yinuk, tamban eereegerak.

1 Tamuwen 2:10 Iomraidhean Croise

2 Tamuwen 22:14

Aliku ALA mbogut paga nen oone ngguurubu kwak ari, At Tiyanak Lombok nen oone eerogo nappit nage,

2 Tamuwen 7:13

Ndi, nendage ki logowak nduk, nawi wurogo paniyak yegerak nogo ti, apuluk ti'nen aret wurigin o. Wuke kenok, at paga wigannarigin nogo nen mban abu'me piige logowam time mondok-mondok wone lengganogo yorage logowak nduk, eeppege logogin o.

2 Tamuwen 7:8

Togop aret me, At Omaawi Lombok Menggerak Aliku ALA nen ndogop yegerak, nayeloman Ndawut yorenok nduk, yokkiri o. At o karume kambin-ndomba ndegeninabit nege me, an nen wagangge nagagirik, napuri aakumi Iterali inowe endagembogut logonet, inarum logowak nduk, eerogo pereegirak o.

Ayup 40:9

An neenggi nogo ti, Ala eenggi omaawi ndak-ndak wonage mbake, Ndi, at Ala oone ngguurubu ari menggi kwak, An noone togop aret ari mbake, Eeke agandik ya?

Ndawi 132:17

O yime aap Ndawut nogo Endage nggwok wigak ari logowak nduk eerogo pege, An amburu eerogo mippereegirak ndi wuninik kwak At endage ki logowak nduk, eeppege,

Ndawi 148:14

Aakumi at apuri ake leenogo piyareegerak iniki kunik Iterali abok aret at endage tiyappugwi nogo, Inarum logowak nduk, pak wurik kwak, Aap ambi endage abu tiyanak lombok mippereegerak me, Aliku ALA endage tiyappogo logowak o. At Aliku ALA tiyappogo logowok o.

Ndawi 2:2

At Aliku ALA tebenogo pugwi, At Amburu Eerogo Mippereegerak nogo maluk eeppugwi, Eeruwok nduk, Aap inendagembogut yi o ndi o nen pipuk eekwi, Aakumi inoweewi nagawan-nagawan kuwak eeppunuk, Wone koonogo pugwi, Eekwi nogo ti, Nonggop nduk eeko agaarik o?

Ndawi 2:6

“At endagembogut logorak leenogo pigirak nogo Nabuut leenak Tiyon nogo paga mippigirak o,” Yinuk, yegerak o.

Ndawi 2:9

Mbim obate mbanak eenggime logonet, oone omaawi paga wone lengganogo yorage, Yi mendek ndi mendek nggabok paga ogobakkigirik telenogo pogo mengga kwak eerogo piige, Eerumunggun o,” Yinuk, yo'nereegerak o.

Ndawi 20:6

At Aliku ALA nogo nen Amburu eerogo mippereegerak nogo agap ndake, Ndi, nggino yoge kenok, At leenogo pateegim mbogut paga nen onggo yoge, At eenggi abe'nggan omaawi paga agap ndake, Eeke menggerak neenu agi o.

Ndawi 20:7

It ando inanggweendo paga iniki panggombugwi, It ando inaguda paga iniki panggombugwi, Eeko menggaarak kwe, Nit perak, niniki Aliku ninogoba Ala oba panggonak ogoorik o.

Ndawi 21:1

Kaliku ALA wae. Kat komaawi lombok wonage keenok, Aap endagembogut yi, ale'nggen mbake, At eegin tiyappegendak me, ale'nggen alik negen kombake, Eeke agarik o.

Ndawi 28:8

Kapuri inomaawi eeppiige menggendak ti, Kaliku ALA aret o. Ndi, aap amburu kilirogo mippereegindak nogo Agap ndarak logowak nduk, Yugum pak wurogo pereegi kwak kat mban aret o.

Ndawi 45:7

It obeelom eekwi iinok ti, kinikilom mbake, Ndi, maluk eekwi iinok ti, keebi lombok mbake, Eeke menggendak me, At Ala ti, kat kogoba Ala aret me, Iniki ale'nggen kombake logonet, Amburu kilirogo pagareegerak paga Koreewi tebenak iigak, inirimbaga tiyappagaregerak o.

Ndawi 89:17

Aap inomaawi paga inendage tiyak yogwe ti, kat eeppiige menggendak paga aret o. Ndi, nit ninomaawi ambik monggoorak nogo ti, Kat ninabuwa mbake menggendak paga age menggerak o.

Ndawi 89:24

At eeppuurak yoriminggirak nogo liirogon aret eeppege, At abuwa mba'nuk, eeppege, Eeke logogin me, An nendage kunogo punuk eerit nage kagak At endage nggwok aret arigin o.

Ndawi 89:25

At eenggi paga yi kole yenggenak unde logowak nduk eeppege, Ndi, eenggi abe'nggan paga yi niyo ndi niyo nage nogo unde logowak nduk eeppege, Eerigin o.

Wundeegwaarak 15:6

Kaliku ALA keenggi abe'nggan ti, Omaawi abu iya lombok menggerak me, Kaliku ALA keenggi abe'nggan paga nen kawim yigirik-noonom eerogo piigendak o.

Wone Alom Kibingga 11:9

Wulaga tawe yi wae. Kat awo tawe wonage logonet, kiniki ale'nggen mbake, Kat awo tawe paga kiniki ale'nggen nen eerit nage, Eeriyak eekkake nogo mugurok nage, Kenegen kenok eerit nage, Eeke logorak ti op aret kwe, Yi eekak ndi eekak eeremenggendak abok aret nogo paga Ala nen kowak loonigin mbake logot o.

Yetaya 32:1

Aap endagembogut ambi nen obeelom eeppiinet nage logonet, wone lengganogo yorage, It aap aakumi inarum menggaarak nogo nen eekaatak a'me nggelok eeppiigo logonet, inarum wonogwe, Eekwi iyaamunggup o.

Yetikiyen 29:21

“Ne ti eyom paga an nen it Iterali inomaawi arit nage logowak nduk, eerogo piige, ndi, kat inenggela'me nen wone yorage keenok, Abet aret yo'nirage kogo o, yinuk, konenggo logowak nduk, eerogo pagage, eerigin o. Ti eeppagage neenok, Naliku ALA an aret ineenu arugun o,” yinuk, yegerak me, an yo'nereegerak.

Matiyut 25:34

Eeke logominggirik, an nendagembogut aret me, it aakumi neenggi abe'nggan piyaminggirak nogo yorage logonet, An nogoba ale'nggen kinoba pinagi o. An mbi abu me, kit nen mbi wo'nugwi, yi abu me, yi too'niri nogwe, aap nggiru me, wo'nakwi, nayum yirik lek me, yum yippanugwi, andi warak me, pe'neya wogwe, an keele maarak me, kit neya wogwe, eeko nogogutak me, an nogoba nen o mbogut nggween awo wakkaga'lek kagak, kit aap nggwok kinendagembogut logobagip nduk, punogo pinagareegerak nogo ndak-ndak, kit mondok tiyanak logobagip nduk, wa'nip o.

Matiyut 28:18

Yetut nogo inowagam panggo yi wage nagagerik, yorage logonet, “Ala nen mbogut paga inom, nggween paga inom, an unde logokit nduk, awone abok aret kili'nereegerak me,

Lukat 1:69

Ninagap nda'ninabuwak nduk, at ayeloman Ndawut ombowologwe wiganak omaawi warak lombok ambi mippereegerak o.

Lukat 19:27

Ndi, it ninom ogoorak logonet, At ninowe endagembogut a'nuk, ninarum logorak, Nineebi o, yagaarak nogo perak, wogoret wogo logomonggotik, nenegen neegak, inoo'nip, yoragagerak o,” yinuk, Yetut nen aakumi nogo yoragagerak.

Nappiigak 10:38

At Ala nen Yetut Nataret mendek Aberiniki oba wuppi wage nagagerik, leenogo mippege, omaawi wogoge, eeke nagagerik, Ala imbirak logonet me, obeelom eeginake, it kugi Ibilit aakumi inikime logonet molok iranet nege menggerak nogo, mugogo wumbiige, eerit nege nagagerak nogo o.

Nappiigak 4:27

Yereegerak nogo, o kota yime it Keroret togon, Pondiyut Pilatut togon, it endekem mendek inom, it Iterali mendek inom, nen at kikak nakeelik alik leenak, kat kayeloman leenogo mippereegindak Yetut nogo, at waruwok nduk abet aret o kota yime kuwak eekaarak o.

Owak Loongga 5:31

Togop aret me, Kaliku nogoba ALA wae. Kawim togop aret lek eerugun kwe, Oonegen komeninuk lagi wage kenok, Ia! yinuk, pi wakwi kwak, Kat kinom kiniki kunik nogo, togop aret logowak o.” Yinuk, ndawi pege nagagerik, wonogwe iigak, o nogo abolok lek wonage kagak, tahun 40 aret eereegerak o.

1 Tamuwen 12:13

yinuk, nggino yo'nogo nogotik, kinowe endagembogut miikkologotak nogo, at Aliku ALA nen mippinagagerak yi aret me, kinigen kaanip o.

1 Tamuwen 12:17

O yogondak gandum anggen mbanggwi eyom nogo lek a? Mbanggwi eyom o kibi aret kwe, kit nen Aliku ALA mbo punuk, Aap ninowe endagembogut ambi mippinanu o, yogotak nogo ti, Aliku ALA enggaanom paga maluk nggwok eekotak kineenu arumunggup nduk, o ngguurubu eeke, mayu wuppi wage, eeruwak nduk, an nen at Aliku ALA yori o,” yinuk, yoragagerak.

1 Tamuwen 12:18

Yorage nagagerik, at Tamuwen nogo nen Aliku ALA yoge mbareegi, ne ti eyom paga aret o ngguurubu eeke, mayu wuppi wage, eeke mbareegi, it aakumi abok aret Aliku ALA inom, Tamuwen inom, it paga inagabiti nen, “Ia!” mbareegwaarak.

1 Tamuwen 12:3

Ndi, yogondak at Aliku ALA inom, aap leenogo amburu kilippogotak inom, inenggaanom paga an mi'ndak wonage me, an maluk eeppinagage logonet, aap ambi aanggo lembu wagangge, aap ambi aanggo keledai wagangge, aap ambi wi-wi eeppege, aap ambi tebenogo pege logonet, noone omaawi yoge, aap ambi eekerak kagaarogo pikit nduk, wu wo'niri wage kenok wagangge, ti mendek ambi eeke neegotak nogo yo'nugwi kiinok, an nen obaane'me pikit nduk, yo'ninip o.”

1 Tamuwen 15:28

Nibik ari mbareegi, Tamuwen nen at yoge, “Eekerak ti kokwak, o yogondak yi paga aret at Aliku ALA nen kat kendagembogut logonet, aakumi Iterali kabu'me piinok wonage nogo ndinogo koreeluk aap obeelom kenok wogogerak o.

1 Tamuwen 16:1

Ti'nuk, at Aliku ALA nen Tamuwen yoge, “At Tawun nogo ti, it aakumi Iterali inowe endagembogut logorak an mbo pigirak neegak, at paga kat kiniki wakkolage keegak, ne mande logomunggun o? Yogondak eyo tayitun amburu togolowa'na toologo wonok, o Mbe'lekem aap endage Itayi wonage me nage logomenggendik, at apuri ambit-ambi Iterali inowe endagembogut logowak nduk, an muk leenogo pigirak me, amburu oba kilippi nak o.”