1 Tamuwen 2:1 - Ala Wone Peenok Peebi Mbanak

¹ Eeko nogogwaarik, kwe Kana nogo tamban eeke logonet, “Kaliku ALA nen eeppanegendak paga Niniki ale'nggen ambik mbake agarik o. Kaliku ALA nen yeenggwa nege keegak, An nomaawi tiyak yigi o. Ninom ogoorak tebenogo piinok, Nagap ndareegindak me, Nale'nggen nen wogoppake agarik o.

1 Tamuwen 2:1 Iomraidhean Croise

2 Mbinineegwaarak 20:27

Eeko nogogwaarik, Aliku ALA nen inawim tebenogo piyareegerak ti paga inale'nggen nggwok eeginabeegerak me, at Yotapat nogo awuri Yekura mendek inom, Yerutalem mendek inom, wogoren iniyokan inale'nggen mbakak o Yerutalem unggwi wogogwaarak.

Nekemiya 11:17

at Atap aput Tabiri ombooluk Mika aput Mataniya Ala, “Wa!” yogo logonet tamban eeriyak puninaka nogo inom, at oreewi inabu'me menggerak Mba'mbukiya inom, at Yerutun aput Nggalan ombooluk Tamuwa aput Abara nogo inom,

Ayup 16:15

Ti ee'nake kenok, Nayum nibinik maluk mendek penggaarogo yikkolage, Nanobak liirubu enggela'me mambunuk wonage,

Ndawi 118:14

At Aliku ALA nomaawi eeppanege, At nen aret an nagap ndake, Eekerak me, An ndawi paga at anep pege agarik o.

Ndawi 13:5

Kat nen mbo panegeelik kiniki kunik ee'nabit wundi wage paga Niniki panggombunuk wonage, Nagap ndareegindak me, niniki ale'nggen mbake, Eeke agarik o.

Ndawi 148:14

Aakumi at apuri ake leenogo piyareegerak iniki kunik Iterali abok aret at endage tiyappugwi nogo, Inarum logowak nduk, pak wurik kwak, Aap ambi endage abu tiyanak lombok mippereegerak me, Aliku ALA endage tiyappogo logowak o. At Aliku ALA tiyappogo logowok o.

Ndawi 18:2

At Aliku ALA ti, an nayugum kwak, Nayugum pak wurogo pereegi kwak, An nagap ndaka, aret menggerak o. At nogoba Ala ti, Aakumi nen an nookwi iyo, Yugum lunik kwak abu'me pani unggwage, Nggeemu pogom mulunogo panit nege, Omaawi paga nagap ndarogo panege, Yugum pak wurogo pereegi kwak eerogo panit nege, Eeke menggerak o.

Ndawi 20:5

Kat keegin tiyak ari kenok, Niniki ale'nggen nen keekok yogwe, “Ninogoba Ala eegin tiyak yigi o,” yinuk, Ndiimbu walok eeko mengga kwak eekwi, Eerugun me, “Aliku ALA nen eeppanuwak lak, ao,” yinuk, Yoge menggendak nogo abok aret ndak-ndak eeppagawak o.

Ndawi 21:2

At iniki uugwe mbakerak nogo aret eeppege, At nggino yokkegerak nogo mbo puulik ndak-ndak aret eeppege, Eekendak o.

Ndawi 35:9

Ti ogwe iinok, “Aliku ALA nen eekerak o,” yinuk, nale'nggen mbake, “At nen aret nagap ndakerak o,” mba'nuk, Niniki ale'nggen wunuk ari, Eerigin o.

Ndawi 51:15

Nogoba wae. Noone yuurak meek agaarak nogo teeluk eerogo panu o. Teeluk eerogo panege keenok, Kendage tiyanak nogo paganogo yoranet nege logogin o.

Ndawi 71:8

Kubondendok nen nok, oonikiya ari nage kagak, Kalut eeriyak mban nambe paga lunik wonage, Kat mondok iya logonet eeke menggendak nogo Noone puk aga'lek mbininogo yoranet nage, Eeke minggirak o.

Ndawi 75:10

It aap maluk mendek inomaawi nogo, at Ala nen lek eerogo piige logonet kwe, It aap iniki abe koonak nogo perak, inomaawi ambik eeppiige logogin o.

Ndawi 89:17

Aap inomaawi paga inendage tiyak yogwe ti, kat eeppiige menggendak paga aret o. Ndi, nit ninomaawi ambik monggoorak nogo ti, Kat ninabuwa mbake menggendak paga age menggerak o.

Ndawi 89:18

Ninanggeemu kwak mulunogo pinanega ti, Kat Kaliku ALA aret o. Ninowe endagembogut nogo ti, Kikak Nakeelik Alik Leenak Iterali inogoba kat aret o.

Ndawi 89:24

At eeppuurak yoriminggirak nogo liirogon aret eeppege, At abuwa mba'nuk, eeppege, Eeke logogin me, An nendage kunogo punuk eerit nage kagak At endage nggwok aret arigin o.

Ndawi 92:10

Ndi, an perak, Lembu nggwiya eyak pilanak menggi kwak, an nomaawi togop aret eerogo panege, Amburu ngget toolak paga noba kilirogo panege, Eereegindak o.

Wundeegwaarak 15:1

At Aliku ALA nen aakumi Metit mendek inooke mbareegi, alut eeruwak nduk at Muta aakumi Iterali mendek inom ndawi wareegwaarak nogo yi o. “Aliku ALA alut eeko logonet, Ndawi ambi tiyanikit o,” Ari nagagerik, tiyangge logonet, “Aliku ALA mondok tiyanak menggerak me, Kuda inom, aap amborowak paga kwi'ndak wogwe inom, Niyoome mbo mambiyareegerak o.

Wundeegwaarak 15:21

Miriyam nen, “At Aliku ALA alut eeke logonet, ndawi ambi tiyanikit o,” ari nagagerik, “Aliku ALA mondok tiyanak menggerak me, kuda inom, Kuda inamborowak paga kwi'ndak wogwe ineebe inom, Aliku ALA nen niyoome mbo mambiyareegerak o,” yinuk, ndawi tiyangge kagak, kumi nogo nen ndawi eebe aret wako nogogwaarak.

Abakuk 3:1

At Ala nen yoge kagak yoraga Abakuk tamban eereegerak nogo yi aret.

Abakuk 3:18

An perak, Aliku ALA paga nale'nggen nggwok mbake, Nagap ndaka nogoba Ala aret me, nale'nggen nen ndawi lubuk ari, Eeke logogin o.

Lukat 1:69

Ninagap nda'ninabuwak nduk, at ayeloman Ndawut ombowologwe wiganak omaawi warak lombok ambi mippereegerak o.

Oroma 5:11

Ti eereegerak paga mban ninale'nggen mbako logorak lek o. Ata, ambi nit ninowe Yetut Keritut eereegerak nogo paga Ala ninom lambunogo pinaneegerak me, “Ala wa,” yinuk, ninale'nggen mbako logowok o.

Pelaareegerak 33:17

At Yutup ti, Tapi ngguunok obatengga aa'nduk ndarak pogom wonage, Lembu ngguunok eyonggaame mendek eyak anobak me to eerak pogom wonage, Togop eerak logonet, Yi aakumi ndi aakumi inanebunu lombok o nggween paga yi awi ndi awi irip-irip wonogwe nogo, Yimbinogo nappiinet nage logogin o. It Manate inom, Eparayim inom, imbirak inapuri wiganak lingginiyak meek aret me, Togop pogom logonet, eeppiinet nogo logogun o,” yinuk, yoge,

Pilipi 3:3

“Neebe ndogop eeppaneegwaarak o,” yinuk, niniki ti paga panggombunuk, tiyappugwi lek o. Ala Aberiniki nen ninikime yo'nirage kagak, Ala alut eekwi, Keritut Yetut ee'ninabeegerak nogo tiyappugwi, eeko monggoorak nogo ti, ninagabolo abe mbanak nit aret o.

Pilipi 4:4

“Ninowe kinom kunik logonet, kiniki ale'nggen mban mbako logonip o,” yinuk, ne mbere paga yokkiragi o, noreewi.

Pilipi 4:6

Aaninggin nano mendek ambi kinoba age kenok, kiniki piirik logogup o. Ata, “Aaninggin ndogop noba agaarak o,” yinuk, tamban eekwi, ndi, kinamendek ambi lek kenok, wokkiraawak nduk, “Ala wa,” yinuk, nggino yogwi, eeko logonip o.

1 Peterut 1:8

Kit Yetut kinigen kaga'lek kwe, kagak, kiniki kunik eekwi, ndi, yogondak at eebe kinigen kaga'lek kwe, kiniki at oba panggombunuk, abet mbakwi, eeko logonet, “Nit niniki abet mbakwi nogo, anggen yugu paga nineebe ninagap ndarigin,” mba'nuk, kiniki ale'nggen mbakwi nogo ti, mondok nggwok alik negen agaarak me, nonggop togon mbininogo yuubok aga o.

Wayu 18:20

Eekwi iigak, at oone yo'nege nogo ambinom yo'nege logonet, “Kat mbogut yi, wae. Kale'nggen mbake, Kit Ala apuri ake leenak inom, obeelom wone yoranet nugu nogogutak nappiigak inom, Ala nen yokkirage kagak yoraga inom, Kit abok aret kwe yawukak nogo pogom o Mbaben yi nen eeppinagage nagagerak nogo onggo Ala nen aret eeppege me, kiniki ale'nggen mbakwi, Eeko logonip o,” yinuk, ari naruk konenggirak.

1 Tamuwen 1:6

At kwe Kana nogo Aliku ALA nen ndariyak lek wubili agago pereegerak me, ndaka'lek kenok, Penina nen Kana iniki wakkolaawak nduk, eerogo pege nagagerak.

1 Tamuwen 1:7

Tahun ambi eekak paga at Kana nogo, Aliku ALA alut eeko menggam awooliya wurik me wage nagaatik, at Penina nen kwe Kana nogo iniki wakkolaawak nduk, nabenak mban eerogo pege kenok, kwe Kana nogo le mban ari logonet, mbi nengga'lek kage nagaatik,