1 Tamuwen 19:6 - Ala Wone Peenok Peebi Mbanak

⁶ Yoge mbareegi, at Tawun nogo aput Yonatan nen wone yoreegerak nogo konengge nagagerik, ari logonet, “At eenik menggerak Aliku ALA endage paga an Ndawut warigin lek o,” yinuk, wone kumbuk mbaneegerak.

1 Tamuwen 19:6 Iomraidhean Croise

Ndawi 15:4

Aap maluk mban eerit noorak mbakwi nogo Ineebi inombako logonet kwe, Aap Ala inagabiti mbakwi nogo tiyappiigwi kenok, “Yogop eeppagagun o,” yinuk, Wone kumbuk mbanogo yoragaatak nogo Inamendek lek kwe, kagak eeppiigwi kenok,

Kini Wuppiige 31:8

It aap inalik nen inawone mbanggoloorak meek nogo inawone mbanogo piige, It aap eekkoloorak meek nogo mendek eeppiyoorak yugu ndak-ndak obeelom eeppiige,

Yeremiya 5:2

It nen, Nit abet aret ndogop eeko logowok o, yinuk, at eenik menggerak Aliku ALA endage kumbunuk yogo o, yinuk, kumbuk mbanggwi kwe, Inoone piliret kumbuk mbanogo yogo menggaarak o,” yinuk, yegerak o.

1 Tamuwen 14:39

Yoragagerak nogo kuwak ari wogo mbareegwa, yorage logonet, “Aap ambi maluk eekerak kwaako logonet, kin age kenok, an naput Yonatan aret kwe kagak, kambuwak nduk, warogo pugun aret o, yinuk, Iterali inagap ndaka at Aliku ALA eenik menggerak endage kunogo abet aret yokkiragi o.” Yoragagerak kwe, aap ambit-ambi nen wone onggo ambi yorulik puk aret ogogwaarak.

1 Tamuwen 19:5

At Ndawut nen aap Pilitin mendek Nggoliyat nogo, wake logonet, at iniki mondok nggaruk togon, Nooruwak, mbake nagagerik, wareegerak paga at Aliku ALA nen nit Iterali mendek abok aret nineegin tiyak yuwak nduk, eeppinaneegerak nogo, kat togon kenegen kage nagagindik, kale'nggen mbareegindak kwe, Ndawut maluk eerulik ugun wonage kagak, alom nano eekerak paga wariyak ari agandik?” yinuk, yoreegerak.

1 Tamuwen 19:7

Kumbuk mbangge mbareegi, at Yonatan nen Ndawut wiireegerak wage mbareegi, wone ogoba imbirak mbaneegwaarak nogo abok aret mbininogo yoge nagagerik, Ndawut nogo wonok Tawun owagam pi wage mbareegi, at Ndawut nen Tawun ake aa'nduk eeke nagagerak nogo ndak-ndak aret eeke nagagerak.

1 Tamuwen 28:10

Yoge mbareegi, Tawun nen at yoge logonet, “Kat yi eeke paga, Aaninggin ambi noba arigin mondok lek, abet aret mbarenok nduk, at eenik menggerak Aliku ALA owak o,” yinuk, kumbuk mbaneegerak.