1 Tamuwen 19:5 - Ala Wone Peenok Peebi Mbanak

⁵ At Ndawut nen aap Pilitin mendek Nggoliyat nogo, wake logonet, at iniki mondok nggaruk togon, Nooruwak, mbake nagagerik, wareegerak paga at Aliku ALA nen nit Iterali mendek abok aret nineegin tiyak yuwak nduk, eeppinaneegerak nogo, kat togon kenegen kage nagagindik, kale'nggen mbareegindak kwe, Ndawut maluk eerulik ugun wonage kagak, alom nano eekerak paga wariyak ari agandik?” yinuk, yoreegerak.

1 Tamuwen 19:5 Iomraidhean Croise

2 Tamuwen 23:10

at Eleyatat nogo alik nen pilak yinuk, aakumi Pilitin mendek inooke logonet, eenggi togum agagerak wooluwak nogo mbo puurak meek eenggime wonage kagak, ne ti eyom paga Aliku ALA nen eegin tiyappereegerak me, mondok iya lombok inooreegerak. Inooke mbareegi, aap Iterali wim eeka nogo, iniyokan aap inoorak inagugun koloorak mban aap Eleyatat nogo ka nogogwaarak.

1 Mbinineegwaarak 11:18

it aap wakaa'ngget 30 mendek ineebe kenagan nogo, konenggo nogogwaarik, it aap Pilitin mendek inawooliya wuppunuk wonogwe nogo, iigak-iigak o Mbe'lekem tu unggwogo menggam niyo nggween kabunik me nogome niyo toologo waganggo nogogwaarik, wonok Ndawut wogori wogogwaarak kwe, at nen ari logonet, “Nawuri nen, At ake ninamiya wundiyak op aret, mba'nuk, niyo yi, tooli nagaarak me, niyo toolak yi ti, inamiya kwak iya lombok me, an noorak lek o. Ata, Kaliku ALA kake o,” yinuk, at noolik nggween paga kilirogo pereegerak. It aap wim wakaa'ngget 30 mendek inoweewi ineebe kenagan nen eeko nogogwaarak nogo ti, togop aret eeko nogogwaarak o.

Ndawi 109:5

An nen obeelom eeppiige neegak, onggo negen it nen an maluk eeppanugwi, Niniki kunik eeginake neegak, Onggo negen it nen ineebi lombok nombakwi, Eeko agaarik o.

Ndawi 119:109

Kulinik-kalinik nooruwak nduk, Neebe we eraangge teppege logonet kwe, Koone yugu Muta liiru mbaneegerak nogo perak, An kobak eerogo mbo pigin lek o.

Ndawi 25:3

“At nen aret yeenggwa niraagin o,” yinuk, Iniki kat paga lunik wonogwe iinok, inenggali arugun lek kwe, Alom lek kagak aap maluk eeppiyoorak kote negen koonggwi iinok perak, Inenggali arugun o.

Ndawi 69:4

An neeruwak ambik wonage yi kwak lek It ineebe ambik lombok nen An eekirak lek kagak ineebi nombakwi, Alom lek kagak ninom wim mbanak ineebe ambik nen Nenggaawak lek eerogo paniyak eekwi, Inamendek woolik neegak inoone omaawi paga, “Ninamendek obaane'me awi ya'niyet o,” yo'nugwi, Eeko agaarik o.

Ndawi 94:21

It aap ti, kuwak eeppunuk, Iniki abe koonak nogo inooriyak nduk wone koonggwi, Maluk eeka'lek ugun iigak, “Maluk eekotak o,” yinuk, inoorit nugwi, Eeko menggaarak kwe,

Wundeegwaarak 14:13

Yogo mbareegwa, Muta nen it yorage logonet, “At Aliku ALA nen nonggop agago kinagap ndarigin nogo yogondak aret kinigen kaamunggup me, kinagabiti mbaka'lek kiniki kwippunuk logonip o. It aakumi Metit mendek yogondak kinigen iigwi ti, peebi nen kinigen iyaamunggup mondok lek o.

Yeremiya 26:15

Ti op aret kwe, wone yi, kit konenggwi kiigak yokkirage logokit nduk, Aliku ALA nen abet aret nappani wagaarak me, noorogo panugwi kiinok, an maluk eeka'lek neegak noorumonggotak namiya kinoba pakwi, it aakumi o kota yime wonogwe inoba piigwi, ndi, o kota yi kunduk, oba aret pugwi, eerumunggup, mbako logonip o,” yinuk, yoragagerak.

Matiyut 27:24

Yogo mbareegwa, at Pilatut nen, “An noone we aanom warogo ari, ndi, nawone-kawone yogo logonet, maluk nggwok eeriyak age, eeke,” kage nagagerik, niyo toolak waganogo it aap kuwak aago inenggaanom paga eenggi kooke logonet, “Aap yi, amiya an noba arigin lek o. Kit kinoba aret logogin me, kinobaalombok aret koonggo logonip o,” yinuk, yoragagerak.

Matiyut 27:4

“Ai. At maluk eerulik kagak, an nen warubagip nduk, onggo mbanggirak me, maluk aret eekirak o.” Yorage mbareegi, it nen, “Wone ti, nit ninoba agaarak mbaken? Ti kat kobaalombok aret o.”

Yaya 15:25

Ineebi ninombakwi nogo ti, Ala nen ari logonet, Alom lek kagak ineebi nombakwi o, yinuk, yereegerak liiru mbanak nogo, a'me lik yuwak nduk, ineebi ninombako agaarik o.

Nappiigak 20:24

Togop kwe, An neebe neenik logorak iya lek o. Ata, Ala iniki kunik en eeppinanege menggerak wone obeelom wone yorage logokit nduk, nogoba Yetut nen yabu unde eeppaneegerak nogo, mbo pega'lek worok togon eeriyak ti mban iya mbake minggirak me, eerit nage agarik o.

Iberani 2:3

nit ninagap ndariyak wone mondok iya kooneegerak nogo, kobak eerogo punuk wonogwe niinok, nit teppinanigin mbakop? Mondok lek o. Wone ti, aa'nduk ninowe nen aret paganogo yorage mbareegi, it koneneegwaarak nogo nen iniki yungguppegak yo'niroolik inoone mondok abet aret yo'nirogwe iigak,

Owak Loongga 12:3

Ninagap nda'ninaburak nduk ambi wogwe lek, kiige nagarik, Nalik nage me, nooriyak kenok, op aret o, yinuk, aakumi Amon ninom wim eeriyak nduk, wunda nage mbareegi, at Aliku ALA nen it aakumi ti, inoorikit nen an neenggime panggerak nogo o. Togop aret eekerak kagak, kit nonggop nduk ne yogondak yi paga wogo nogotik, Ninom wim eeriyak, mba'nuk, yo'nogo ogotik?”

Owak Loongga 9:17

kit aap Miriyan mendek ineenggime wonogwe me, an nogoba nen, Ndininake logonet, nooriyak kenok ti op aret o, mba'nuk, kinagap ndareegerak kwe,

1 Tamuwen 11:13

Yoreegwaarak kwe, at Tawun nen ari logonet, “At Aliku ALA nen o yogondak kit aakumi Iterali mendek kinagap ndakerak me, ne yi paga aap ambit-ambi wariyak abu mage o,” yoragagerak.

1 Tamuwen 14:45

Yoge mbareegi, it aakumi nogo apit nen Tawun yogo logonet, “At Yonatan nen aakumi Iterali mondok iya tit ninagap ndakerak nogo ti, meek mba'nuk, Yonatan wariyak yagan ya? Ala nen yeenggwaage kagak, ne yogondak yi paga eekerak me, at Yonatan eeruwak ambiriluk ambi nggween paga wambuurak mondok lek o, yinuk, Aliku ALA eenik menggerak endage kumbunuk, yokkogo o.” Yoreegwaarak ti paga Yonatan warulik ili eerogo teppereegwaarak.

1 Tamuwen 19:6

Yoge mbareegi, at Tawun nogo aput Yonatan nen wone yoreegerak nogo konengge nagagerik, ari logonet, “At eenik menggerak Aliku ALA endage paga an Ndawut warigin lek o,” yinuk, wone kumbuk mbaneegerak.

1 Tamuwen 20:32

Yoge mbareegi, at Yonatan nen wone onggo ogoba yoge logonet, “At nonggop nduk wariyak? At maluk nano eekerak?”

1 Tamuwen 22:14

Yoge mbareegi, at Akimelek nen aap endagembogut nogo yoge logonet, “At Ndawut iniki kwi'ndak abu li'lak eeke menggerak togoti ambi it kinom eeke menggendak inenggela'me wonage mbaken? At nogo ti, kat karugelo aret. Ndi, it karum waka inowe at aret me, kat kame menggaarak abok aret, At iya o, yinuk, endage tiyappugwi nogo lek a?

1 Tamuwen 28:21

Ngginnage nagagerik, at Tawun ogut nggigik togon wungge logonet, iniki ma'nagagerak wonage kwe nogo enegen kage nagagerik, yoge logonet, “Nogoba wae. An kayeloman yi, eeriyak nggino yo'negendak nogo konembunuk, neenik nili yikkoloolik kat kake aret eekirak me,