1 Tamuwen 19:23 - Ala Wone Peenok Peebi Mbanak

²³ Yogo mbareegwa, o Arama koorok Nayot time naakit nduk nage me, Ala Aberiniki oba a'nuk, Ala nen yorage kagak yoraga negen a'nuk, Ala wone agan o Arama koorok Nayot time ari nagagerak.

1 Tamuwen 19:23 Iomraidhean Croise

Kini Wuppiige 16:9

Aakumi inikime nen, “Yogop eerikit, ndogop eerikit,” mbako menggaarak kwe, Aliku ALA nen perak, “Ti eeppunuk ti ee'nip o. Ti eeppunuk ti ee'nip o,” yinuk, koonogo yorage menggerak.

Kini Wuppiige 21:1

Aap endagembogut iniki nogo ti, Aliku ALA eenggi paga wonage me, “Niyo time aret nage logowak o,” yinuk, koonogo pegetak nage menggi kwak, “Aap endagembogut iniki ndogop koonuwak o,” yinuk, eeppege menggerak.

Linggineegwaarak 23:5

Yoge mbareegi, at Aliku ALA nen wone Mbileyam inikime pege nagagerik, yoge logonet, “An wone yokkigirak ti, at Mbalak mbininogo yori nak o.”

Linggineegwaarak 24:2

Na'nage nagagerik, it aakumi Iterali mendek nogo inanebunu ndarak ndegek mban inawooliya wukko'net nogogwaarak iyareegerak. Togop iige wonage me, Ala Aberiniki nogo at Mbileyam oba ari wage mbareegi,

Matiyut 7:22

O ti eyom paga aakumi apit aret, Ai, ninogoba. Kat kendage paga Ala wone yorogo nogogurak nogo o. Ai, ninogoba. Kat kendage paga kugi nggiginogo wumbiigo nogogurak nogo o. Ai, ninogoba. Kat kendage paga eerubok mendek apit aret eeko nogogurak nogo o.

Yaya 11:51

Wone yoragagerak nogo ti, at alik iniki koombunuk nen yoroolik o. Ata, tahun ti paga Ala unde inowe nggwok logonet, eeke nagagerak me, Ala nen at eeppege kagak, peebi at Yetut aakumi Iterali mendek inake kambuurak me nduk, yoragagerak.

1 Korindut 13:2

An Ala wone yorage logokit nduk, unde eeppanege, yi wone ndi wone alom neenu a'nuk, liirogon yorage, wone kote kumaarak mendek abok yelok kage, niniki abet mbake logonet, “Puut yi keebe tayo yu o,” yinuk, yoge neenok, tayo yi nage kage, eeke minggirak kwe, aakumi inabuwa mbaka'lek logonet eeke neenok perak, we aanom warogo aret eeke minggirak kagi o.

1 Tamuwen 10:12

Yogo mbareegwa, aap time mendek ambi nen yorage logonet, “It Ala nen yorage kagak yoraga ti, inogoba ta mbakop?” yoragagerak. Ndi, “At Tawun kunduk, aap Ala nen yorage kagak yoraga inom a'nuk ari mbakop?” yinuk, wone yoragagerak nogo aret aakumi nen agan nogo nogogwaarak.

1 Tamuwen 10:6

ne ti eyom paga at Aliku ALA Aberiniki omaawi koba age mbaremenggi, Ala wone it agan wogwe nogo kinom ari, ndi, kobaabut aap alik mendek negen age, eerumunggun o.

1 Tamuwen 18:10

Ko'lu at Tawun nogo awooluwak eenggime ame wonage me, kugi maluk Ala nen nappi wagagerak nogo inikime lik yi unggwage mbareegi, aap kumili kunik yogo mengga kwak ari kagak, at Ndawut nogo nggitat negen eeke menggerak togo'nogo aret eeke me,

1 Tamuwen 19:18

Ndi, at Ndawut nogo, we kurik me aret mbaganit Tamuwen ame o Arama nogome unggwi wage nagagerik, Tawun nen at eeppereegerak nogo abok aret mbininogo Tamuwen yoreegerak. Yoge mbareegi, at Tamuwen imbirak o Nayot nogo nogogwaarik, time aret wonogogwaarak.

1 Tamuwen 19:20

Yogo mbareegwa, at Tawun nen Ndawut pigoorak nduk, aap nappiya wagagerak kwe, aap Ala nen yorage kagak yoraga mendek time kuwak eeppiinok, at Tamuwen nen inowe a'nuk, Ala wone yorage inigen kogo mbareegwa, at Tawun awuri nappiya wagagerak nogo Ala Aberiniki inoba age mbareegi, it kunduk, Ala nen yorage kagak yoraga negen a'nuk, inom aret yogo nogogwaarak.

1 Tamuwen 19:22

Eeko mbareegwa, at Tawun nogo eebe ndunik aret o Arama wagagerak. Wage nagagerik, niyo nggween kole kabunik me o Teku time ari woraanuk, it aakumi time yorage, “Tamuwen Ndawut imbirak nggeeme wonogwe o?” Yorage mbareegi, it nen yogo logonet, “O Arama koorok Nayot time wonogwe o,” yoreegwaarak.