1 Tamuwen 18:18 - Ala Wone Peenok Peebi Mbanak

¹⁸ Yoreegerak kwe, at Ndawut nen Tawun yoge logonet, “An yi ta o? Ndi, nowe-nawot ti taani o? Aakumi Iterali inenggela'me nen an nogobamini kunduk ngge o? An aap abu meek aret me, nonggop togon aap kendagembogut karugelo ariyak nduk yo'negen o?”

1 Tamuwen 18:18 Iomraidhean Croise

2 Tamuwen 7:18

Mbininogo yori nage mbareegi, aap endagembogut Ndawut nogo Ala awooliya wurik me unggwage nagagerik, Aliku ALA enggaanom paga kwi'na'nuk tamban eereegerak. Tamban eeke logonet, “Kaliku Kitok Menggendak nogoba ALA wae. An inom, nowe-nawot inom, nit nen eeriyak abu meek lombok niigak, an mii'nake nagagindik, kapuri inarum logokit nduk, mippaneegindak o.

1 Endagembogut 4:15

Aap Akimaat Talomo apuluk kolaga endage Mbatamat kolagagerak nogo nen o Natali wone lengganogo yorage,

Wundeegwaarak 3:11

Yoreegerak kwe, at Muta nen Ala yoge, “An Pirawun owagam nage logominggirik, aakumi Iterali o Metit nen wogoren wundi woroorak yo'negendak nogo ti, an ta nduk yo'negen o?”

Kini Wuppiige 15:33

It aap Aliku ALA inagabiti mbakwi paga iniki warak logorak mamunggologwe, Ndi, iniki tebeppatiyak aa'nduk mamunggo'nok, inayuk wuriyak mendek mamunggologwe, Eeko menggaarak o.

Kini Wuppiige 18:12

Aap ambi aa'nduk iniki tiyappatit nege kenok, peebi endage maluk age menggerak kwe, Ndi, aap ambi aa'nduk iniki tebeppake kenok perak, peebi ayuk wuko menggaarak.

Yeremiya 1:6

Yo'nege mbareegi, an nen at yoge logonet, “Ai! Kaliku Kitok Menggendak ALA o. An awo wulaga mbuuluk aret o. Ndi, wone yuurak kunduk kobak aret o.”

Urut 2:10

Yoge mbareegi, Urut nogo abu'me tebe yinuk, ena nggween paga wu'na'nuk yoge logonet, “An ti, kwe nggiru aret kwe, nonggop nduk an nabuwa mbake logonet, liippanegeno?”

1 Tamuwen 18:23

Nappiyareegerak at Ndawut yori nogo mbareegwa, at Ndawut nen wone onggo yorage logonet, “Wone yi, aaninggin lek teeluk aret mba'nuk at endagembogut aru ariyak nombako logonet, yo'nogo ogotik? An aap neenggi lek nendage abu tebenak aret me, meek o.”

1 Tamuwen 9:21

Yoge mbareegi, at Tawun nen, “An nanebunu nogo ti, Mbeniyamin mendek nogo lek a? Aakumi Iterali inanebunu alitik-alitak nggwok aret iigak, an nanebunu Mbeniyamin mendek ti, abu mbuuluk aret o. Ndi, nombomini ndarak kunduk, abu meek lombok tebenak aret me, wone yi nonggop nduk yo'negen o?”