1 Tamuwen 18:14 - Ala Wone Peenok Peebi Mbanak

¹⁴ Nappege mbareegi, at Aliku ALA nen imbirak wonage me, yiru-ndiru nege logonet, eeriyak mbake nogo a'me nggelok mban eerit nage nagagerak.

1 Tamuwen 18:14 Iomraidhean Croise

Wakkagagerak 39:23

At Aliku ALA nogo Yutup imbirak wonage, ndi, imbirak logonet, eerit nage nogo abok aret op mban eerit nage, eeke mbareegi, it aap keele maarak inarum menggaarak inowe nogo nen yi eeriyak ndi eeriyak koonogo yoraga'lek at Yutup nen mban kooninake logowak nduk, oba pereegerak.

2 Endagembogut 18:7

Eeke kagak, at Aliku ALA imbirak wonage me, at eeriyak iniki koonggetak nogo, a'me nggelok mban age nagagerak. At nogo nen, “It Atiyut mendek inowe endagembogut nen wone lengganogo yo'nirage logorak, neebi o,” yinuk,

1 Mbinineegwaarak 18:13

Inoorogo piige nagagerik, it Erom mendek tebembiinok logowak nduk, at awuri ineegin warak nogo, o Erom nogome nappiinet nage mbareegi, it aakumi Erom mendek abok aret Ndawut abu'me tebenak aret wonogogwaarak. Ndi, at Ndawut nogo, yi o ndi o wim eerit nege kagak, at Aliku ALA nen Ndawut eegin tiyappege nagagerak.

1 Mbinineegwaarak 18:6

Inoorogo piinok, at Ndawut awuri ineegin warak nogo, it aakumi Aram mendek tebembiinok logowak nduk, it inawi kota Ndamitik nogome piya nagagerak. Piya nage mbareegi, it Aram mendek nogo, Ndawut abu'me tebenak logonet, inarum wonage onggo wogori wogo nogogwaarak. Ndi, at Ndawut nogo, yi o ndi o wim eerit nege kagak, Aliku ALA nen Ndawut eegin tiyappege nagagerak.

2 Mbinineegwaarak 17:3

Aa'nduk at ombo Ndawut iyok pit nage nagagim nogome mban mugurok nage logonet, at kugi Mba'an mendek mugurok nage logolik ombo Ndawut ogoba Ala mban mugurok nage, Iterali eeko mengga kwak eeke logolik Ala nen, Yogop ee'nu ndogop ee'nu, yoge nogo mban eerit nage, eeke nagagerak me, at Aliku ALA imbirak aret wonagagerak.

Ndawi 101:2

An maluk ambi eeke neyo, liippunuk eeke logogin me, Kat mandenom neya woraamunggun o? Niniki mbere lek ambit mban logonet, An name obeelom mban eerit nage,

Matiyut 28:20

yi wone ndi wone yokkirage nagarak nogo ndak-ndak eeko logowak nduk, mamunirogwe, eerit nugu logomunggup o. Ndi, yogondak kuli nen nok, age yobok kuli paga an mbo pinagagin lek mondok-mondok ninom aret logogin o,” yinuk, yoragagerak.

Yotuwa 6:27

Ndi, at Aliku ALA nogo Yotuwa imbirak wonagagerak me, o time abok aret endage wiganinuk nagagerak.

Owak Loongga 1:19

It aap Yekura nogo at Aliku ALA inarum wonage kagak, o nggelok-nggobok time ye mbanggologogwaarak kwe, it aakumi kobappaga time wonogogwaarak nogo perak, inanggweendo wim eeka mbuti mendek ogobakkigirik wonage me, mugogo wumbiyoorak meek aret agagerak.

1 Tamuwen 10:7

Eeriyak yokkigirak yi apit aret a'me lik ari kenok, Ala nimbirak wonage, mba'nuk, kat eeriyak mbaremenggendak nogo ndak-ndak eeke logomunggun o.”

1 Tamuwen 16:18

Yorage mbareegi, at ayeloman ambi nen yoge logonet, “Aap Itayi o Mbe'lekem mendek apuluk ambi nggitat abu obeelom eeke menggerak eenu kagarak o. Aap ti, wim nambuka wakaa'ngget kalu-kalu menggerak aret me, eebe abu kigirikwe, wone liippunuk mbangge menggerak o. Ndi, at Aliku ALA imbirak wonage o,” yoreegerak.

1 Tamuwen 18:15

At Ndawut a'me nggelok mban eerit nage nogo at Tawun enegen kage nagagerik, agabiti ambik mbake nagagerak kwe,

1 Tamuwen 19:8

Ti'nuk, aakumi Pilitin mendek nogo inom wim nggagambunuk, at Ndawut nen wundi nage nagagerik, inoba kwi'na'nuk, mondok alik negen inoorit nage mbareegi, it Pilitin mendek nogo kole mbaganit nogogwaarak.

1 Tamuwen 3:19

Ndi, Tamuwen nogo tawe age kagak Aliku ALA imbirak wonagagerak me, Ala nen yi wone ndi wone yegetak nogo mbo puulik li'luk aret eeke nagagerak.