1 Tamuwen 17:34 - Ala Wone Peenok Peebi Mbanak

³⁴ Yoreegerak kwe, Ndawut nen Tawun yoge logonet, “An kayeloman yi, nogoba aanggumi kambin-ndomba ndegeninake logonet, nggeewo anini warak singa inom, anini warak beruang inom, wogo nagaarik, nandomba inenggela'me nen ambi ineyak nggereninuk wunggwi me,

1 Tamuwen 17:34 Iomraidhean Croise

Wakkagagerak 31:39

Nggeewo ta'ngge nen kaanggo ambi nibinogo nengge logonet, eyagate pugu nogo waganogo wokkiri waga'lek obaane'me an nen aret pege, liingge nen oonikiya nen aakumi yogoot kumaakaatak me, Awi yaru o, yo'nege kenok, awi yake, eeke nagagirak o.

2 Tamuwen 17:8

Kat kogoba inom, at awuri inom, wam nggwiya aagalogwe piginakwi iinok, anini wu aago menggi kwak, inogogumbuk wakaa'ngget lombok wonogwe o. Ndi, kogoba nogo wim age menggerak eya abok eenu me, at awuri nogo yugwi me, at inom nogo yegeelik nogo kat keenu aret o.

2 Tamuwen 23:20

Ndi, aap Yoyara aput Mbenaya awi Kabeten ti, aap wim wakaa'ngget lombok mondok iya eerit nage nagagerak. Eerit nage logonet, aap Mowap mendek wim wakaa'ngget lombok ineebe mbere inoorogo piige, ne ambi ndugu-ndugu nggalo-nggalo wangge logonet, o apit eerogo pereegerak kagak, at mbuun ambena wangge nagagerik, singa warogo pege,

1 Mbinineegwaarak 11:22

Ti'nuk, at Yoyara aput Mbenaya awi Kabeten ti, aap wim wakaa'ngget lombok mondok iya eerit nage nagagerak. Eerit nage logonet, aap Mowap mendek wim wakaa'ngget lombok ineebe mbere inoorogo piige, ne ambi ndugu-ndugu nggalo-nggalo wangge logonet, o apit eerogo pereegerak kagak, at mbuun ambena wangge nagagerik, singa warogo pege,

Ndawi 143:5

An togop ee'nake kenok, Aa'nduk lombok eerit wagagindak nogo abeke, Eeke menggendak abok aret niniki koonit nage, Keenggi omaawi paga eereegindak nogo liippege, Eeke agarik o.

Yetikiyen 34:12

Aap ndomba ndegeninaka ambi nen andomba ndegeninake me, andomba ma'nogwe iinok, mbo piigeelik kwaarinabit nage menggi kwak, an nandomba togop aret kwaarinabit nagin o. Ndi, o tit narogo pege, o yumaak eerogo pege, eeke paga ma'narit namenggaarak wonogwe me nen inagap ndarogo wogoren piya woraagin o.

Amot 3:12

Aliku ALA nen ari logonet, “Singa nen ndomba wappunuk nengge logonet, iyok a, aruk a, ti mban yumbunogo mbo pegetak me, At aap ndomba ndegeninaka nogo kwaakkage menggi kwak, It Iterali mendek o Tamariya wonogwe nogo togop aret inagap ndarogo piige neenok, Nogo yegak lit yarak mban kologwe, Inanobak anep mbanak mban waganggwi, eerugun, yegerak me, yagi o,” yinuk, yoragagirak.

Takariya 9:7

Wam amiya mburunogo inamberagin wako menggaarak nogo lek eerogo pege, Mbi mage yugu kagak nunggwi paga ineyak kun nggelok ari nogo waganogo mbo pege, Eerigin o. Ti eeginabit nage logonet, ando teppiyaminggirak nogo ti, ninogoba Ala amendek aret eerogo piyaagin me, It aakumi Yekura mendek ndarak logok mengga kwak ogwe, Ndi, it Ekeron mendek ti, it aakumi Yebut mendek mengga kwak ogwe, Eerugun o.

Lukat 2:8

O Mbe'lekem ando kundugu time it aap ndomba ndegeninaka nogo nen oonikiya paga endekem karume inandomba inarum wonogwe me,

Yaya 10:11

Ndomba obeelom ndegeninaka ti, an aret o. At ndomba obeelom ndegeninaka nogo nen andomba inake kambikit mbake menggerak kwe,

Oroma 5:4

Niniki kwi'ndak logonet, waganggwi ti paga at Ala nen, “Aap yi, abut mbanggirak kwe, iniki yanggonak logonet wagangge me, op aret kagi,” ninombake kagak, nit nogo nen, “Ti ari paga Ala nen wo'ninabigin abet aret kogo,” mba'nuk, nit niniki abu lunik aret ogoorik o.

Iberani 11:33

It aap ti, Ala nen yoragagerak abet mbareegwaarak paga, it aap inendagembogut inabu'me piigo menggam tebenogo piigwi, obeelom eerit nogo logonet, a'me nggelok eeko logowak nduk, koonogo piigwi, Ala nen yoragagerak nogo ndak-ndak aret waganggwi, aakumi inooka singa nogo inambe keele maarogo piigwi,

Wayu 13:2

Ndi, nggeewo pogom anini ambik niyome nen wundi wage kagarak eebe nogo ti, nggeewo harimau negen aret me, iyok ti, yo'nggok beruang iyok pogom, ndi, eyagarin nogo ti, nggeewo singa eyagarin nde eerak nogo pogom wonage kagarak. At waalo nggwok tinambe pogom nogo nen, “An nomaawi paga eerit nage, an wone lengganogo yorage minggim logonet, wone lengganogo yorage, eeke logonok nduk, abok aret kat unde eeppagagi o,” yinuk, yoge kagarak.

Owak Loongga 14:6

at Aliku ALA Aberiniki omaawi oba age kagak, kambin aagaluk ineenggi paga nibinik-ndelenak eerogo wako mengga kwak, at we eenggi paga singa nogo nibinik-ndelenak eerogo warogo pereegerak. Eerogo pege nagagerik, “Yogop eekirak o,” yinuk, agalo-ogoba yoroolik puk a'nuk,

1 Tamuwen 17:15

at Ndawut nogo ogoba aanggumi ndomba ndegeninake logowak nduk, ogoba Tawun wonage me nen, o Mbe'lekem nagak eeke nagagerak.

1 Tamuwen 17:33

Yoreegerak kwe, at Tawun nen Ndawut yoge, “Aap Pilitin mendek ti, wulaga awo mbuuluk paga nen wim nambuke menggerak me, kat wulaga awo tawe aret me, at kimbirak namburiyak kobambok aret keegi o.”

1 Tamuwen 17:35

an nen muguren nage nagarik, wake logonet, ndomba nogo singa ambeme nen ndingge neegak, singa nogo nen an nooriyak eeke mbaki, ondogowak paga eeruwak neenggi pippunuk, warogo pigirak o.