1 Tamuwen 16:6 - Ala Wone Peenok Peebi Mbanak

⁶ Wiiragagerak kuwak ari wogo mbareegwa, Tamuwen nen Itayi aput Eliyap kage nagagerik, iniki mbake logonet, “At Aliku ALA nen amburu kilirogo mippuurak mbakerak nogo, at enggaanom paga mi'ndak wonage yi aret kagi,” mbake me,

1 Tamuwen 16:6 Iomraidhean Croise

1 Endagembogut 12:26

Eeke nagagerik, aap Yerobeyam nogo inikime mban mbake logonet, “O yogondak yi paga it aakumi yi, o Yerutalem Aliku ALA awi wurik me ake warogo wogori nogo logomenggaarik, it Yekura mendek inowe endagembogut Erekabeyam nogo, Ninowe endagembogut aret logowako, yinuk, an nooppunuk, at ka nogwe iinok, it aakumi an nabu'me piinok wonage minggim yi, Ndawut ombooluk abu'me ari nagun mbaki,”

1 Endagembogut 4:11

Aap Mben-Abinarap Talomo apuluk kolaga Tapat kolagagerak nogo nen o Ndot puut-puut nogome wone lengganogo yorage,

1 Mbinineegwaarak 2:13

At Itayi nen aput manggu Eliyap ndake, at ambo'me Abinarap, at ambo'me Timeya,

1 Mbinineegwaarak 27:18

Anebunu Yekura mendek inowe ti, at Ndawut oweeluk Eliku aret. Anebunu Itakat mendek inowe ti, at Mikayen aput Omiri aret.

1 Mbinineegwaarak 28:4

Ti yo'nereegerak kwe, Aliku Iterali inogoba Ala nen nowe-nawot iigak, it Iterali inowe nendagembogut mondok-mondok logokit nduk, miirogo paneegerak o. Miirogo panege nagagerik, mippanikit nduk, eeke logonet, aap anebunu Yekura mendek Iterali inarum logowak nduk miike, ndi, miike nagagerik, it Yekura ndarak ndegek inoweewi inenggela'me nen an nogoba aret miirogo pege, ndi, miirogo pege nagagerik, at apuri wiganak paga nen it Iterali mendek abok aret inowe nendagembogut logorak inikilom nomba'nuk miirogo panege, eeke nagagerik, mippaneegerak o.

2 Mbinineegwaarak 11:18

Aap Ndawut aput aap Yerimot apuluk kolaga endage Makalat. Kolaga ti, agalo Itayi ombooluk aap Elikiyap aput kwe endage Abikayin aagaluk me, aap Erekabeyam waganeegerak.

Ndawi 84:9

Ala wae. Nit ninanggeemu kwak kat aret me, Aap kat amburu kilirogo mippereegindak nogo abuwa nen pekkage, Eeru o.

Owak Loongga 8:18

Eeke nagagerik, aap Teba Talumuna imbirak yorage logonet, “Kit o Tabot nogome logonet, aap inookotak nogo ineebe nonggop me inookotak?” Yorage mbareegi, it nen yogo logonet, “It ineebe ti, kat pogom aret o. Ndi, inobaabut ti, aap endagembogut apuri pogom aret o,” yinuk, yoreegwaarak.

1 Tamuwen 17:13

Aap Itayi apuri inaa'nduk ndarak ineebe kenagan nogo at Tawun inom wim eeri nogo nogogwaarak. Eeri nogo nogogwaarak nogo ti, manggu ndarak Eliyap. Ndi, ambo'me ndarak Abinarap. Ndi, ambo'me ndarak Tiyama. Ndi, enabooluk ndarak endage Ndawut. At apuri kenagan aa'nduk ndarak nogo, Tawun inom wim eeri nogwe iigak,

1 Tamuwen 17:22

Iige nagagerik, at Ndawut nen yi mendek ndi mendek wonok nagagerak nogo, it ineegin warak inamendek arum wonage me nogome pege nagagerik, at owewologwe wim nambukwi me nogome mbe agan nage nagagerik, owewologwe keyage wappiyareegerak.