1 Tamuwen 16:19 - Ala Wone Peenok Peebi Mbanak

¹⁹ Yoge mbareegi, at Tawun nen Itayi wonage me, yori nawak nduk, wone eerogo nappiige logonet, “Kat kapuluk ndomba ndegeninake menggerak Ndawut nogo an nowagam nappi mok o,” yinuk, nappiyareegerak nogo nogogwaarik, yogo mbareegwa,

1 Tamuwen 16:19 Iomraidhean Croise

1 Endagembogut 19:19

Yoge mbareegi, aap Eliya time nen wage nagagerik, aap Tapat aput Elita nogo tapi mbere'mbo lambunik ineenggi lingginik 12 me, it ando 11 paga yabu eekwi iigak, at Elita nogo ambi 12 paga eeke me, Eliya owagam wage nagagerik, ayum nggorek nogo nggoorogo Elita oba lenggembereegerak.

Ndawi 113:8

It aap nagawan-nagawan inom kwippiige, Aakumi it mendek inoweewi nagawan-nagawan inom piige,

Amot 1:1

O mi awo waga'lek kagak tahun mbere eeppunuk, ambi awo eeke paga at aap Utiya aakumi Yekura mendek inowe endagembogut a'nuk wone lengganogo yorage, ndi, at aap Yowat aput Yerobeyam nogo, aakumi Iterali mendek inowe endagembogut a'nuk wone lengganogo yorage, eekwi iigak, aap ndomba ndegeninaka o Tekowa mendek ambi endage Amot nogo nen it Iterali mendek eeppiyoorak abi paga kage nagagerik, yoragagerak nogo yi aret o.

1 Tamuwen 16:11

Yoge nagagerik, Itayi ambinom yoge logonet, “Kat kapurilogwe aap ndarak nogo, yi abok aret ilik, ambi wonage a?” Yoge mbareegi, at Itayi nen wone onggo yoge logonet, “Ambiret enabooluk ndarak wonage kwe, ndomba ndegeninake wonage o.” Yoge mbareegi, at Tamuwen nen, “At waga'lek kagak, nit mbi nagun lek me, woraawak nduk, wiiru o,” yoreegerak.

1 Tamuwen 16:18

Yorage mbareegi, at ayeloman ambi nen yoge logonet, “Aap Itayi o Mbe'lekem mendek apuluk ambi nggitat abu obeelom eeke menggerak eenu kagarak o. Aap ti, wim nambuka wakaa'ngget kalu-kalu menggerak aret me, eebe abu kigirikwe, wone liippunuk mbangge menggerak o. Ndi, at Aliku ALA imbirak wonage o,” yoreegerak.

1 Tamuwen 16:20

at Itayi nen oroti inom, ndomba agabolo paga yiiwak ogobakkigirik me, anggur amburu toolak inom, kambin aagaluk ambi inom, keledai amborowak paga pege nagagerik, apuluk Ndawut nen Tawun wogori nawak nduk, nappi wagagerak.

1 Tamuwen 17:15

at Ndawut nogo ogoba aanggumi ndomba ndegeninake logowak nduk, ogoba Tawun wonage me nen, o Mbe'lekem nagak eeke nagagerak.