1 Tamuwen 16:11 - Ala Wone Peenok Peebi Mbanak

¹¹ Yoge nagagerik, Itayi ambinom yoge logonet, “Kat kapurilogwe aap ndarak nogo, yi abok aret ilik, ambi wonage a?” Yoge mbareegi, at Itayi nen wone onggo yoge logonet, “Ambiret enabooluk ndarak wonage kwe, ndomba ndegeninake wonage o.” Yoge mbareegi, at Tamuwen nen, “At waga'lek kagak, nit mbi nagun lek me, woraawak nduk, wiiru o,” yoreegerak.

1 Tamuwen 16:11 Iomraidhean Croise

2 Tamuwen 13:3

Eerak wonage me, Ndawut oweeluk Timeya aput Yonarap, Amonon oreeluk nogo, iniki ngget abok li'lak eenu me,

2 Tamuwen 7:8

Togop aret me, At Omaawi Lombok Menggerak Aliku ALA nen ndogop yegerak, nayeloman Ndawut yorenok nduk, yokkiri o. At o karume kambin-ndomba ndegeninabit nege me, an nen wagangge nagagirik, napuri aakumi Iterali inowe endagembogut logonet, inarum logowak nduk, eerogo pereegirak o.

1 Mbinineegwaarak 17:7

Togop aret me, At Omaawi Lombok Menggerak Aliku ALA nen, Ndogop yegerak o, yinuk, nayeloman Ndawut yorenok nduk, yokkiri o. At o karume kambin-ndomba ndegeninabit nege me, an nen wagangge nagagirik, napuri aakumi Iterali inowe endagembogut logonet, inarum logowak nduk, eerogo pereegirak o.

Wundeegwaarak 3:1

At Muta nogo nen at aru Ala unde o Miriyan mendek Yitoro nogo, aanggumi kambin-ndomba ndegeninake wonagagerak me, ne ambi paga kambin-ndomba nogo wogoren karume enebaga Ala abuut endage Korep nogome aret wagagerak.

1 Tamuwen 16:10

Ari mbareegi, at Itayi nen apurilogwe ineebe 7 nogo at Tamuwen owagam nappiigak mban eereegerak kwe, at Tamuwen nen at yoge logonet, “It yi kunduk, Aliku ALA nen miirinabulik o.”

1 Tamuwen 17:28

Yogo mbareegwa, at Ndawut it aap ineegin unde inom wone mbangge nogo at oweeluk Eliyap konengge nagagerik, anini ambik a'nuk, Ndawut mberege logonet, “Kat nonggop nduk yime wagandak? Kaanggumi kambin-ndomba mbereret karume wonogwe nogo ta unde wake kagak wagandak? Kat kiniki maluk kagak, an iya mbakak nege menggendak nogo an neenu me, Wim nambukwi nonggop iyaamun? yinuk, wagandak keegi o.”