1 Tamuwen 16:1 - Ala Wone Peenok Peebi Mbanak

¹ Ti'nuk, at Aliku ALA nen Tamuwen yoge, “At Tawun nogo ti, it aakumi Iterali inowe endagembogut logorak an mbo pigirak neegak, at paga kat kiniki wakkolage keegak, ne mande logomunggun o? Yogondak eyo tayitun amburu togolowa'na toologo wonok, o Mbe'lekem aap endage Itayi wonage me nage logomenggendik, at apuri ambit-ambi Iterali inowe endagembogut logowak nduk, an muk leenogo pigirak me, amburu oba kilippi nak o.”

1 Tamuwen 16:1 Iomraidhean Croise

1 Endagembogut 8:16

At Aliku ALA nen ari logonet, O aa'nduk an napuri aakumi Iterali o Metit nen wogoren wundi wagagirak kuli nen aakumi Iterali inanebunu lombok abok aret inenggela'me o kota an nendage ki logorak nawi wuriyak ambi leenogo puulik kwe, endagembogut logonet, napuri Iterali inarum logowak nduk, at Ndawut aret leenogo mippigirak o, yinuk, yereegerak nogo o.

2 Endagembogut 9:1

Ti'nuk, ne ti eyom paga at Ala nen yoge kagak yoraga Elita nen it aap Ala nen yorage kagak yoraga aago inenggela'me ambi wiige nagagerik, wage mbareegi, yoge logonet, “Kayum kaa'ndok keele perembatinuk, tayitun amburu toolak yi, wonok o Aramot-Nggileyat time nak o.

2 Endagembogut 9:3

Unggwi nage logomenggendik, tayitun amburu toolak ti, waganogo anobak paga kilippege logonet, wone yogop yo'nu o. At Aliku ALA nen ari logonet, It aakumi Iterali inowe endagembogut logowak nduk aap Yeku mippigi o, yegerak me, mippagagi o, yoge logomenggendik, time elaambirik logorak mage o. Ata, tu paappunuk, mbet-mbet wundi nage logomenggendik, kole mbaganumunggun o,” yoreegerak.

2 Endagembogut 9:6

Yoge mbareegi, at Yeku nogo mi'na'nuk, imbirak oome time unggwogo nogogwaarik, aap Ala nen yoge kagak yoraga nogo nen tayitun amburu nogo at Yeku anobak paga kilippege logonet, wone yoge, “At Aliku Iterali inogoba Ala nen ari logonet, Naliku ALA napuri Iterali mendek inowe endagembogut logowak nduk aap Yeku mippigi, yegerak me, mippagagi o.

1 Mbinineegwaarak 11:3

It Iterali inoweewi abok aret aap endagembogut Ndawut o Keboron wonage me wone ti, yogo mbareegwa, at Ndawut nen o Keboron time Aliku ALA enggaanom paga it inom wone amburu nggaruk togon mbambunuk, Aliku ALA nen Tamuwen yoge kagak yoragagerak ndak-ndak, it Iterali abok aret inowe endagembogut logowak nduk, at Ndawut amburu eerogo mippereegwaarak.

1 Mbinineegwaarak 28:4

Ti yo'nereegerak kwe, Aliku Iterali inogoba Ala nen nowe-nawot iigak, it Iterali inowe nendagembogut mondok-mondok logokit nduk, miirogo paneegerak o. Miirogo panege nagagerik, mippanikit nduk, eeke logonet, aap anebunu Yekura mendek Iterali inarum logowak nduk miike, ndi, miike nagagerik, it Yekura ndarak ndegek inoweewi inenggela'me nen an nogoba aret miirogo pege, ndi, miirogo pege nagagerik, at apuri wiganak paga nen it Iterali mendek abok aret inowe nendagembogut logorak inikilom nomba'nuk miirogo panege, eeke nagagerik, mippaneegerak o.

Yetaya 11:1

Eyo muurik andokon Itayi paga nen agarip ndake, Omanggen paga agarip ndappunuk, anggen yege, Eerigin o.

Yetaya 11:10

Ne ti eyom paga eyo omanggen Itayi paga agarip ndaremenggerak nogo yi aakumi ndi aakumi ineenu agak aret mi'nage, aakumi inanebunu lombok nen at abu'me ari unggwogwe iinok, at logowam mondok tiyak ari, eeke logogin o.

Yetaya 55:4

It aakumi inanebunu lombok abok aret ineenu aruwak nduk, an mippereegirak ti, kaawak o. An mippereegirak aakumi inarum waka yigin unde inowe at aret o.

Yeremiya 11:14

Togop me, aaninggin inoba ariyak eyom paga, Yeenggwa niret o, yinuk, yo'nugwi iinok, inoone an konenigin lek me, it aakumi yi, inake nen tamban eeke, Ndogop eeppiyet o, yinuk, an nggino yo'nege, Inagap ndaru o, yinuk, an yo'nege, eeriyak mage o.

Yeremiya 15:1

Yoge mbaki, Aliku ALA nen an yo'nege logonet, “It Muta Temuwen imbirak kunduk nenggaanom paga mi'na'nuk, It aakumi yi, inabuwa mbaru o, yo'neremenggaarak kwe, an nen, It aakumi yi, inabuwa mbarigin mondok lek o, yoraagin me, kat nen it yi, an wonage me nen nawak nduk wumbiyet o.

Yeremiya 6:30

Naliku ALA nen it nogo mbo piyareegirak me, Mbuti perak mbo pugu mendek it aret, yogo menggaarak o,” Yinuk, yo'negerak me, yagi o.

Yeremiya 7:16

Aliku ALA nen an yo'nege logonet, “It aakumi yi, inake tamban eeke, Yeenggwaaret o, yinuk, an nggino yo'nege, it ambi mendek lek kenok, Eeppiyet o, yinuk, yo'nege, eeriyak mage o. Kat nggino yo'nirimenggendak nogo an konenigin lek o.

Takariya 4:14

Yoge mbaki, at nen an yo'nege logonet, “Eno'mbak mbere nogo ti, o nggween yi abok aret unde menggerak Aliku ALA ake eeko logowak nduk, amburu eerogo mippiyareegerak aap mbere yi aret o,” yinuk, yo'nege kagarak.

Iberani 11:32

Ndi, ambi ngge inom yokkira o. Lek o. It aap Nggireyon kunduk, Mbarak kunduk, Timeton kunduk, Yepeta kunduk, Ndawut kunduk, Temuwen kunduk, Ala nen yorage kagak yoraga kunduk, it abok aret togop mban Ala nen it yoragagerak wone abet mbareegwaarak paga, iya negen eeko nogogwaarak nogo mbininogo yokkiroorak op aret kwe, oonegen lek age me mbo o.

1 Yaya 5:16

Aap ambi nen maluk eeriyak iniki miippatinuk eerit nage kinigen kogo logomonggotik, at kani omoonu'me noorak nduk, eekwi nogo mendek eerit nage me, ake Ala yorubagip nduk, yokkirage ti lek o. Ata, kinore ambi Ala nen ninomaluk lek eerogo pinaniyak nogo mendek eeke kinigen kogwe kenok, Ala nen omaluk lek eerogo punuk, eenik mondok logorak mendek unde logowak nduk, “Ake Ala yogo logonip o,” yinuk, yokkiragi o.

1 Tamuwen 10:1

Yoge mbareegi, ayeloman nogo nappereegerak nage kagak, aap Tamuwen nogo nen eyo tayitun amburu yiiwa'na toolak nogo wagangge nagagerik, Tawun anobak paga kilippunuk keyage wake, agandin eyak mbangge, eeke nagagerik, wone yoge logonet, “Ala apuri iniki kundugu Iterali nogo inarum logonet, inawone mbangge logonok nduk at Aliku ALA nen kat aret leenogo mippagagerak keenu a'nok nduk, amburu kilippagagi o.

1 Tamuwen 15:11

“At Tawun nogo, Yogop eeke logot o, yogirak nogo, eeka'lek an mbo paninuk, alik eekerak paga, At endagembogut logorak nanonduk mippigirak o? yinuk, niniki wakkolage agarik o.” Yoge mbareegi, at Tamuwen nogo iniki puru ari logonet, oonikiya oone nggwok paga Aliku ALA yoge kagak, o aret weereegerak.

1 Tamuwen 15:23

Aliku ALA yegetak, Neebi o, yinuk, mbo pugwi nogo ti, Aap tili pagangga inowagam nogwe iinok, Maluk eekwi nogo ndak-ndak aret o. Ndi, iniki wogoppatit nogwe nogo ti, Ala obaane'me kugiwak ayuk wukwi iinok, Maluk eekwi ndak-ndak aret o. Togop aret me, Kat nen Aliku ALA oone liirogon eerulik mbo pegendak ti paga Kat aakumi inowe kendagembogut wonage nogo Aliku ALA nen lek eerogo pagagi o,” yinuk, yoreegerak.

1 Tamuwen 15:26

Yoreegerak kwe, at Tamuwen nen Tawun yoge, “Kat Aliku ALA oone mbo pegendak paga at Aliku ALA nen aakumi Iterali inowe kendagembogut logorak lek mbo pagagerak me, kat an nimbirak noorak mondok lek o,” yoreegerak.

1 Tamuwen 15:35

Ne ti kuli nen at Tamuwen nogo Tawun imbirak lambungga'lek logonet, abuwa nen le ari kagak, at Tamuwen nogo kambuurak eyom aret panggoni nagagerak. Ndi, at Aliku ALA nen aap Tawun Iterali inowe endagembogut logorak, “Nonggop nduk mippigi?” yinuk, iniki wakkolage nagagerak.

1 Tamuwen 16:15

Nappi wagagerak piyakkage kagak, at Tawun ake eeko menggaarak nen at yogwi, “Ninogoba wae. Ala nen kugi maluk kat piyakkeege logowak nduk, nappi wagaarak kinikime wonage ti, pekkolet o.

1 Tamuwen 16:23

Ndi, at Ala nen kugi maluk mendek Tawun piyakkagak eeke logowak nduk, nappi wagak eeke nagagerak nogo, piyakkagak eeke kenok, at Ndawut nen anggitat nogo waganogo eeke kagak, kugi nogo tayo ari nagagerak. Tayo ari kagak, at Tawun iniki yanggo yinuk, ugun obeelom aret wonagagerak.

1 Tamuwen 17:12

Aap Ndawut nogo ti, o Yekura, kota Mbe'lekem aap Eparata mendek endage Itayi aput aret wonagagerak. At Itayi nogo, apuri aap mban 8 ndaganabeegerak me, at ndarak kagak, yi tahun ndi tahun eeppunuk, abu anggok agagerak kagak, Tawun nogo aap endagembogut wonagagerak.

1 Tamuwen 9:16

“It aakumi Iterali mendek nen, Ai-ao, yogo logonet, Yeenggwa niret o, yinuk, leenggu maakwi iigirak me, it aakumi Pilitin mendek ineenggime nen inagap ndake logowak nduk, o ko'lu oonegen yogop paga aret aap ambi anebunu Mbeniyamin mendek nappi woraminggirak kimbirak lambumbunuk, an napuri aakumi Iterali inowe inarum logowak nduk, amburu anobak paga kilippunu o,” yoreegerak.