1 Tamuwen 15:9 - Ala Wone Peenok Peebi Mbanak

⁹ Piigo nogogwaarik, aap Amalek inowe endagembogut Agak nogo eenik teppugwi, tapi-ndomba abe mendek inom, inaagalogwe piirigalo mendek inom, “Yi abeme, inooriyak lek o,” yinuk, ineenik teppiigo logonet, mbi inikime waka'lek ineebenowak ko aago kenok, tigitogon aret inookwi, eereegwaarak.

1 Tamuwen 15:9 Iomraidhean Croise

2 Tamuwen 6:13

Aliku ALA aloobut mbanak nogo wonok iniyok 6 kuli pi wogo mbareegwa, at Ndawut nen, “Ya'i puk a'nip o,” yorage nagagerik, tapi ngguunok inom, tapi aagaluk amok tigiluk inom, Ala ake warogo wogoreegerak.

1 Endagembogut 20:34

Yoge mbareegi, lagangge nagagerik, Akap yoge logonet, “O kota-kota kat kogoba unde wonage me, nogoba nen ndineegerak nogo iyokan waganogo wokkirigin o. Ndi, an nogoba o Tamariya yi mendek ndi mendek kunggo menggam eereegerak pogom, kat nen o Ndamitik time togop aret eeriyak op o.” Yoge mbareegi, Akap nen, “Togop kenok, kooriyak lek, teppagakit nduk nimbirak wone abuk nggaruk togon mbanuwok o,” yinuk, imbirak wone abuk nggaruk togon mbambunuk, nawak nduk, teppereegerak.

Yotuwa 6:18

Ndi, inamindik-inamendek ti, Ala amendek at ake aret me, ugun waganggwi kiinok, kinenggaawak lek eerogo pakwi, ndi, nit aakumi Iterali ninawooliyana wonogwe me, maluk eekkologo logonet, nineebe lek eerogo pakwi, eerukwak,

Yotuwa 7:21

Kugun wogo yum nggorek kigirikwe o Mbaben mendek penggaarak abe mendek inom, wu mbuti perak aaninggin mbere wakkaanuk, ambi oolo negen ari nage inom, mbuti emas aaninggin ambi oolo negen ari nage nogo inom, an nen nenegen kage nagarik, uugwe nen wagangge nagarik, nawooliya wurik me nggween kabunogo mbuti perak nogo abena pege nagarik, ando ogombaga kumaappigirak wonage o, nogoba.”

1 Tamuwen 15:10

Ti'nuk, at Aliku ALA nen Tamuwen yoge logonet,

1 Tamuwen 15:15

Yoge mbareegi, Tawun nen onggo yoge logonet, “An nawuri nen it Amalek mendek inaanggumi ndomba inom, tapi inom, abu obeelom kero, at Aliku kogoba Ala ake warogo wogoriyak nduk, ineenik wogonako logonet, ineebe apit aret mondok lek eerogo piigaarak o.”

1 Tamuwen 15:19

Nappagagerak wagaarak aret kwe, at Aliku ALA nen yokkegerak nogo nonggop nduk, eerulik mbo pegendak? Kat nonggop nduk Aliku ALA enegen kagak, maluk eeke logonet, kugun waganggendak?”

1 Tamuwen 15:3

it Amalek mendek tebenogo piinok, inamindik-inamendek wonage nogo, abok aret yigirik-noonom eerogo punuk, aap inom, kumi inom, inapurilogwe inom, awo ngget ndarak inom, inaanggumi tapi-ndomba inom, unta-keledai inom, ambiriluk ambi teppuurak lek tigitogon aret inoorogo piyaawak, yegerak o.”

1 Tamuwen 28:18

At Aliku ALA anini kani kunik negen age logonet, Aakumi Amalek mendek ndogop inoba piyaagin o, yinuk, koonogo yokkereegerak nogo konengga'lek mbo pereegindak ti paga Aliku ALA nen o yogondak eeppagage yi aret o.