1 Tamuwen 15:32 - Ala Wone Peenok Peebi Mbanak

³² Eeke mbareegi, at Tamuwen nen, “Aap Amalek mendek inowe endagembogut Agak ti, wonok woraanip o.” Yorage mbareegi, aap Agak nogo nen iniki koongge logonet, “Nooriyak niniki aaninggin wonagarak nogo lek aret agaarak kagi,” yinuk, iniki teeluk aret Tamuwen owagam wagagerak kwe,

1 Tamuwen 15:32 Iomraidhean Croise

Yeremiya 48:44

“O Mowap maluk eekwi onggo eeppiyoorak tahun punik nogo wonok panggonogo pi woraagin me, Inoba kwi'nage paga it ambi inamineeri ne agan noorak aago kenok, kole mbaganggwi nogo labu nggween kabunik me yobok togon wanggwi, Ndi, labu nggween kabunik me nen lagi wa'nuk, Nawi, nduk eekwi me, keele pugu nogo paga yilunogo piige, Eerigin o,” yinuk, Aliku ALA nen aret yegerak o.

Oteya 6:5

Togop me, it aap an yorage neegak yoraga nen inoone andiigwi yorogo logowak nduk nappiya wage, Noone ari minggirak paga nen inoorogo negen piige, O yabok aakumi inoba pindanogo piige menggi kwak, eekaatak onggo eeppiyoorak koonogo pigirak nogo ti, togop aret inoba kwippiige, Eereegirak o.

1 Tetalonika 5:3

It aakumi nen, “Wone ambi ninoba aga'lek nit abok obeelom aret me, niniki ale'nggen aret ogoorik o,” yogwe iigak, kwe abila aagaluk nda'nariyak eenggo'lek me, enegen pagak ari nogo pogom, ninowe abera'lek me wage logonet, mondok lek eerogo piya woraagin me, it ambi mbo nagun abu lek aret o.

Yotuwa 10:22

Ti'nuk, Yotuwa nen ari logonet, “Ndo tu narak ti, paarogo pogo logomonggotik, aap inendagembogut 5 ti, wogoren an nowagam piya woraanip o.”

Wayu 18:7

At Mbaben nogo ti, kwe yawukak nogo pogom me, iniki mbake logonet, An kwe togwe wonage nen niniki wakkolage logonet, le yikit lak kwe, aap pe'neya wogo menggaarak ineebe ambik wonogwe me, An kwe nggwok aret kagi, mba'nuk, niniki ale'nggen ambik mbake agarik o, yinuk, Iniki wogoppake logonet, endage tiyanak paalo aago mban wonage nogo obaane'me ale'nggen lek age logomenggerik, Iniki puru ari, andi yagan yobak-nggolak wake, eeke logowak nduk, aaninggin mondok oba kwippogo logonip o.

Owak Loongga 8:11

Time ugun wonogwe me, at Nggireyon nogo nen tu it aakumi inawooliya yawukak-ndawukak nogo menggam o Noba Yogebeka imbirak oonegen wundi wage menggim pa'nggwe nogo paga nanuk, it inawim Teba Talumuna imbirak inawuri inom ugun kobak wonogwe me, inoba kwi'nari unggwogogwaarak.

1 Tamuwen 15:31

Yoge mbareegi, at Tamuwen nogo Tawun imbirak o Nggilagan nogome nogo nogogwaarik, at Tawun nogo time Aliku ALA alut eereegerak.

1 Tamuwen 15:33

Tamuwen nen ari logonet, “Kat kawooluwak paga it kumi inooke logonet, inaagalogwe a'nggan waganogo piyareegindak ti kokwak, Yi kumi ndi kumi inenggela'me nen kat kagalo alik aagaluk ambi lek aret kaagun o.” Yoge nagagerik, Tamuwen nen aap Agak nogo Aliku ALA enggaanom paga o Nggilagan time aret warogo pereegerak.