1 Tamuwen 15:30 - Ala Wone Peenok Peebi Mbanak

³⁰ Yoge mbareegi, at Tawun nen onggo yoge logonet, “An abet aret maluk eekirak kwe, napuri Iterali mendek inoweewi inenggaanom paga inom, aakumi Iterali abok inenggaanom paga inom, nendage op wonage neyaawak nen, at Aliku kogoba Ala alut eeruwok nduk, nimbirak nawok o, nogoba.”

1 Tamuwen 15:30 Iomraidhean Croise

2 Tamuwen 12:13

Yoge mbareegi, Ndawut nen Natan yoge logonet, “An nen at Aliku ALA maluk aret eeppigirak kagio.” Yoge mbareegi, at Natan nen at yoge logonet, “At Aliku ALA nen komaluk nogo lek eerogo pagagerak me, kat kambumunggun lek aret kwe,

Wundeegwaarak 9:27

Ti eeke mbareegi, at Pirawun nen Muta Karun imbirak wiiragagerak wogo mbareegwa, yorage logonet, “An nogo abu maluk eekirak o. At Aliku ALA nogo ti, abu obeelom mban wonage kagak, an napuri ninom perak, maluk aret eekoorak me,

Yetaya 29:13

At ninogoba Ala nen ari logonet, “It aakumi yi, we inoone paga nen mban ninom kunik wonogwe, Inambe paga nen mban nendage tiyappanugwi, Eeko logonet kwe, Iniki perak, an ninom abu ogoorak wonogo agaarik o. It nalut eekwi nogo ti, aakumi inoone yugu mban mugurok nogo logonet, nalut eeko menggaarak.

Abakuk 2:4

Ndi, wone eebe liiru mbaniyak nogo yi aret. It aap iniki koonak lek nggolawe nogo iniki wogoppako menggaarak kwe, It aap iniki abe koonak nogo perak, abet mbakwi ti paga ineenik aret logogun o,” yinuk, an yo'negerak o.

Yaya 12:43

It nogo ti, Ala nen tiyappinaniyak mbaka'lek logonet, “Aakumi nen tiyappinanuwak,” mban inikilom mbako nogogwaarak ti paga, “Nit at oone waganggwi mendek aret o,” yinuk, pagangga'lek aret wonogogwaarak.

Yaya 5:44

Wologo wae! It kinoreewi nen tiyappinagagwi iinok ti, kinikilom mbako monggotak kwe, Ala alik mban menggerak nen tiyappinaniyak ao, mbakwi lek me, kit nonggop togon kiniki noba panggombunuk, abet nombarumunggup?

2 Timotiyut 3:5

Ndi, ti eerit nugu logonet, Ala wone abet mba'nuk mugurok nogwe inetenggen negen eekkolamenggaarak kwe, iniki perak, “Ala nen obeelom eeppinaniyak nineebi,” mba'nuk, eerit nogo logogun o. It aap ti eekwi iinok, inogole nen mbagangge logonu o.

1 Tamuwen 15:31

Yoge mbareegi, at Tamuwen nogo Tawun imbirak o Nggilagan nogome nogo nogogwaarik, at Tawun nogo time Aliku ALA alut eereegerak.

1 Tamuwen 26:21

Yoge mbareegi, at Tawun nen ari logonet, “Ai, Ndawut naput o. An eekkabit nege nogo ti, wi negen maluk lombok eekkabit nege abet aret kagi o. Kat oonikiya yi aret nooriyak kwe, Nogoba me, wariyak meek o, nomba'nuk, teppanegendak me, an nen peebi koorigin lek aret me, niname nawok o.”