1 Tamuwen 15:26 - Ala Wone Peenok Peebi Mbanak

²⁶ Yoreegerak kwe, at Tamuwen nen Tawun yoge, “Kat Aliku ALA oone mbo pegendak paga at Aliku ALA nen aakumi Iterali inowe kendagembogut logorak lek mbo pagagerak me, kat an nimbirak noorak mondok lek o,” yoreegerak.

1 Tamuwen 15:26 Iomraidhean Croise

Wakkagagerak 42:38

Yoreegerak kwe, at Yakup nen, “Ti yagandak kwe, lek o. At owe nogo muk kambeegerak kagak awuluk ambit yi mban aret nimbirak wonage me, wonok noorak mondok lek o. Kinom nogo logonet, tu paga taati eebe ninggin age kagak, kinalik wogwe kiinok, aap anggok kenen lu aago yi, iniki wakko'nok kambunuk nogo menggam nawak o, yinuk, eeppanumunggup o,” yoragagerak.

2 Tamuwen 12:9

nonggop nduk, Naliku an ALA ari minggirak, Meek, nomba'nuk, nenggaanom paga maluk eekerak? At nen aap Ket mendek endage Uriya nogo, waruwak nduk, aap Amon mendek ineenggime pi nage nagaarik, eebe wako mbaka, akwe nogo at aret waganggerako.

2 Tamuwen 7:15

Togop aret kwe, at nen Tawun obaane'me endagembogut logowak nduk, an Tawun abuwa nen obeelom eeppege nagagirik, at Ndawut kagak mbo pereegirak nogo kwak, at aap ti, abuwa nen obeelom eeppege nogo, lek arigin lek mondok-mondok eeppege logogin o.

Yeremiya 6:19

It aakumi o nggween paga wonogwe ti, inaruk konenggwi, Eeko logowak o. It an napuri yi wone ndi wone yoragatak nogo liirogon konengga'lek taganogo pugwi, Eeko logorak wone yoragatak nogo mbo pugwi, Eeko logonet, Iniki koonogo punuk eerit nugwi paga an nen aaninggin mondok nggwok lombok it aakumi ti, inoba pege agarik o.

Oteya 13:11

An nanini mbake logonet, inowe endagembogut mippege, Ti'nuk, niniki aagi inoba piige logonet, at eebe tebenogo pege, Eereegirak o.

Oteya 4:6

Ndi, it an napuri kunduk, neebe liippanega'lek me, ineebe lek aret arugun o. It neebe unde nen an liippaniyak wone nogo, it yoraga'lek mbo pereegwaarak paga an nen it mbo piige, Eeko logorak wone an inogoba Ala nen yoragagirak nogo, Mari eerogo pereegwaarak paga an nen it inapuri liippiyaagin lek mbo piige, Eerigin o.

Nappiigak 13:22

Ti'nuk, at nogo tebembunuk, obaane'me, At Itayi aput Ndawut nogo an niniki mbake minggi kwak, at ndak-ndak mbake menggerak me, an niniki mbake mban eeke logogin kagi o, yinuk, inowe endagembogut Ndawut aret mippereegerak.

2 Yaya 1:11

Keyage warogo kiname mambugwi kiinok, at omaluk kit kinom ndak-ndak aret nabenggolaamunggup o.

1 Tamuwen 13:14

Aliku ALA nen wone lengganogo yokkegerak nogo liirogon eerulik me, yogondak aakumi Iterali inowe kendagembogut ambinom inarum logomunggun lek o. Ata, aap alik ambi Aliku ALA iniki mbake ndak-ndak eeke menggerak kero, at apuri inarum logowak nduk, leenogo mippigin o,” yoreegerak.

1 Tamuwen 15:23

Aliku ALA yegetak, Neebi o, yinuk, mbo pugwi nogo ti, Aap tili pagangga inowagam nogwe iinok, Maluk eekwi nogo ndak-ndak aret o. Ndi, iniki wogoppatit nogwe nogo ti, Ala obaane'me kugiwak ayuk wukwi iinok, Maluk eekwi ndak-ndak aret o. Togop aret me, Kat nen Aliku ALA oone liirogon eerulik mbo pegendak ti paga Kat aakumi inowe kendagembogut wonage nogo Aliku ALA nen lek eerogo pagagi o,” yinuk, yoreegerak.

1 Tamuwen 15:31

Yoge mbareegi, at Tamuwen nogo Tawun imbirak o Nggilagan nogome nogo nogogwaarik, at Tawun nogo time Aliku ALA alut eereegerak.

1 Tamuwen 16:1

Ti'nuk, at Aliku ALA nen Tamuwen yoge, “At Tawun nogo ti, it aakumi Iterali inowe endagembogut logorak an mbo pigirak neegak, at paga kat kiniki wakkolage keegak, ne mande logomunggun o? Yogondak eyo tayitun amburu togolowa'na toologo wonok, o Mbe'lekem aap endage Itayi wonage me nage logomenggendik, at apuri ambit-ambi Iterali inowe endagembogut logowak nduk, an muk leenogo pigirak me, amburu oba kilippi nak o.”

1 Tamuwen 2:30

At togop aret eeke me, Naliku Iterali inogoba an Ala nen, At apuri inom, at anebunu mendek inom, it aap neebe unde a'nuk nawi wurik me nenggaanom paga mondok-mondok nake eeko logowak o, yinuk, noone abuk nggaruk togon yoragagirak kwe, yogondak nen wone ti eeriyak abu meek aret aga o. Aap ambit nen an tiyappanege kenok, an nen aap ti aret tiyappege, ndi, aap ambit nen an meek eerogo panege kenok, an nen aap ti meek eerogo pege, eeke minggirak me,

1 Tamuwen 28:18

At Aliku ALA anini kani kunik negen age logonet, Aakumi Amalek mendek ndogop inoba piyaagin o, yinuk, koonogo yokkereegerak nogo konengga'lek mbo pereegindak ti paga Aliku ALA nen o yogondak eeppagage yi aret o.