1 Tamuwen 15:17 - Ala Wone Peenok Peebi Mbanak

¹⁷ Yoge mbareegi, Tamuwen nen yoge logonet, “An aap abu meek o, mbake keegak, aakumi Iterali inanebunu lombok inowe agagindak nogo lek a? Togop mbake keegak kwe, at Aliku ALA nen aakumi Iterali inowe kendagembogut logonok nduk, kat aret leenogo pagage mbareegi, amburu eeppagareegwaarak o.

1 Tamuwen 15:17 Iomraidhean Croise

Oteya 13:1

Aa'nduk it Eparayim mendek nen wone yogwe iinok, aakumi nen, “Yi yogwe yi, iya!” yinuk, inaganak wake, Iterali inenggela'me it Eparayim mendek inendage tiyak ari, Eeke nagagerak kwe, It nen kugi Mba'an ayuk wurit nogo nogogwaarak paga inenggaawak lek eerogo patit nogogwaarak.

Matiyut 18:4

Aap ambi nen elege yi pogom iniki tebeppake kenok ti, at mbogut paga mendek abu'me piige menggim mondok nggwok lombok at aret logogin o.

Owak Loongga 6:15

Yoge mbareegi, at Nggireyon nen ari logonet, “Ai, Kaliku nogoba ALA o. Togop yo'negendak kwe, nowe-nawot iya iigak, an abu mbuuluk aret o. Ndi, nanebunu Manate mendek kunduk, mbuuluk mban aret me, an nonggoti agago aap Iterali mendek inagap ndariyak?”

1 Tamuwen 10:1

Yoge mbareegi, ayeloman nogo nappereegerak nage kagak, aap Tamuwen nogo nen eyo tayitun amburu yiiwa'na toolak nogo wagangge nagagerik, Tawun anobak paga kilippunuk keyage wake, agandin eyak mbangge, eeke nagagerik, wone yoge logonet, “Ala apuri iniki kundugu Iterali nogo inarum logonet, inawone mbangge logonok nduk at Aliku ALA nen kat aret leenogo mippagagerak keenu a'nok nduk, amburu kilippagagi o.

1 Tamuwen 10:22

Lek kenok, it aakumi nogo nen at Aliku ALA yogo logonet, “Ai, ninogoba. Aap ti nogo, yime wagaarak wonage ilik?” Yogo mbareegwa, Aliku ALA nen ari logonet, “Eebe wagaarak wonage aret kwe, yi mendek ndi mendek enggela'me kumaarak wonage o,” yoragagerak.

1 Tamuwen 15:16

Yoge nogo at Tamuwen konengge nagagerik, Tawun yoge logonet, “Koone puk aru! Oonikiya paga at Aliku ALA wone yo'negerak nogo yokkiri o.” Yoge mbareegi, “Yu o,” yoreegerak.

1 Tamuwen 9:21

Yoge mbareegi, at Tawun nen, “An nanebunu nogo ti, Mbeniyamin mendek nogo lek a? Aakumi Iterali inanebunu alitik-alitak nggwok aret iigak, an nanebunu Mbeniyamin mendek ti, abu mbuuluk aret o. Ndi, nombomini ndarak kunduk, abu meek lombok tebenak aret me, wone yi nonggop nduk yo'negen o?”