1 Tamuwen 15:15 - Ala Wone Peenok Peebi Mbanak

¹⁵ Yoge mbareegi, Tawun nen onggo yoge logonet, “An nawuri nen it Amalek mendek inaanggumi ndomba inom, tapi inom, abu obeelom kero, at Aliku kogoba Ala ake warogo wogoriyak nduk, ineenik wogonako logonet, ineebe apit aret mondok lek eerogo piigaarak o.”

1 Tamuwen 15:15 Iomraidhean Croise

Ayup 31:33

Aap inomaluk inikime kumaappatogo mengga kwak An nomaluk ninikime kumaappatinuk wonage,

Kini Wuppiige 28:13

Aap ambi nen omaluk kumaappatogo wonage paga at obeelom eekkolaga'lek aret wonage menggerak kwe, Aap ambi, “Maluk neebi o,” yinuk, paganogo mbo pege kenok perak, Ala abuwa nen teppege menggerak.

Matiyut 2:8

o Mbe'lekem nappiige logonet, “Kit elege nogo kinigen pippak kwaari nanip o. Ndi, eebe kwaakkogo logomonggotik kenok, an kunduk, ayuk wurogo alut eeri woraakit nduk, yo'niri wa'nu o,” yoragagerak.

Lukat 10:29

Yoge mbareegi, aap nogo, “An op aret,” nombaruwak nduk, Yetut yoge logonet, “Ndi, niniki kunik eeginabikit nen it ninom wonogwe ta o?”

1 Tamuwen 15:16

Yoge nogo at Tamuwen konengge nagagerik, Tawun yoge logonet, “Koone puk aru! Oonikiya paga at Aliku ALA wone yo'negerak nogo yokkiri o.” Yoge mbareegi, “Yu o,” yoreegerak.

1 Tamuwen 15:21

Wonok wagarak kwe, it nawuri nen perak, inaanggumi kugun yumbunik nogo apit aret inooko logonet, we tapi-ndomba obeelom kero, o Nggilagan paga at Aliku kogoba Ala ake warogo wogoriyak nduk, wogoren wagaarak o.”

1 Tamuwen 15:9

Piigo nogogwaarik, aap Amalek inowe endagembogut Agak nogo eenik teppugwi, tapi-ndomba abe mendek inom, inaagalogwe piirigalo mendek inom, “Yi abeme, inooriyak lek o,” yinuk, ineenik teppiigo logonet, mbi inikime waka'lek ineebenowak ko aago kenok, tigitogon aret inookwi, eereegwaarak.