1 Tamuwen 15:11 - Ala Wone Peenok Peebi Mbanak

¹¹ “At Tawun nogo, Yogop eeke logot o, yogirak nogo, eeka'lek an mbo paninuk, alik eekerak paga, At endagembogut logorak nanonduk mippigirak o? yinuk, niniki wakkolage agarik o.” Yoge mbareegi, at Tamuwen nogo iniki puru ari logonet, oonikiya oone nggwok paga Aliku ALA yoge kagak, o aret weereegerak.

1 Tamuwen 15:11 Iomraidhean Croise

Wakkagagerak 6:6

iniki mbake logonet, “It aakumi an nen ogobakkigirogo o nggween paga piigirak yi, eekwi paga an niniki puru eerogo panugwi me, ao,” yinuk, iniki wakkolage nagagerik,

Wakkagagerak 6:7

“Aakumi inom, yi mendek ndi mendek inigen mbolok lek inigen mbolok kwi anebunu lombok inom, yi mendek ndi mendek inaanogum paga nugu menggaarak mendek inom, yirowe-ndirowe wiga agan nugu menggaarak inom, nggween paga yime logowak nduk, ogobakkigirogo piigirak kwe, it eekwi paga niniki puru eerogo panugwi me, it apit aret lek eerogo piyaagin o,” yinuk, yereegerak.

2 Tamuwen 24:16

At Ala ayonggo malayikat nogo nen o Yerutalem pup eerogo pikit nduk, nappi wagagerak nogo inoorit aap Yebut mendek endage Arawuna gandum agabolo mbelangge menggim taati ari wage mbareegi, aakumi mondok alik negen kambit nogwe nogo, at Aliku ALA iige nagagerik, iniki puru yinuk, at ayonggo malayikat aaninggin inoba piinet nage nogo, yoge logonet, “Abu aret me, keenggi awiikkolet o,” yinuk, yoreegerak.

1 Endagembogut 11:9

At Aliku ALA nen, “An mu'neren nage nobaane'me kugi mugurok nage logorak ti mage o,” yinuk, Talomo yoreegerak nogo kagak, at liirogon pippunuk eerulik. At ne mbere paga nikka wagagerak Aliku it Iterali inogoba Ala nogo mbo punuk, nomoninuk inagugi mugurok nage nagagerak ti paga, Aliku ALA nen anini at oba pereegerak.

1 Mbinineegwaarak 10:13

Aap Tawun nogo at Aliku ALA liirogon mugurok nage logolik paga kambeegerak. At Aliku ALA wone yugu nogo liirogon eerit nage, ambi age kenok, Aliku ALA nen yoruwak nduk, yoge, eeke logolik o. Ata, aap kambeegwaarak inogoma nen, “Ndogop eeke logot o,” yoruwak nduk, inowagam nage nagagerak me, Aliku ALA nen warogo punuk, at abu'me piige menggim nogo, at Itayi aput Ndawut unde logowak nduk, mippereegerak.

1 Mbinineegwaarak 21:15

At Ala ayonggo malayikat nogo nen o Yerutalem pup eerogo puwak nduk, nappi wagagerak nogo, inoorit aap Yebut mendek endage Arawuna gandum agabolo mbelangge menggim taati ari wage mbareegi, aakumi mondok alik negen kambit nogwe nogo, at Aliku ALA iige nagagerik, iniki puru yinuk, at ayonggo malayikat aakumi inoorit nage nogo yoge logonet, “Abu aret me, keenggi awiikkolet o,” yinuk, yoreegerak.

Ndawi 109:4

Niniki kunik eeginake onggo negen inoone liirit yo'nugwi, Eekwi iigak kwe, An nen inake tamban eeke minggirak o.

Ndawi 110:4

At Aliku ALA nen ari logonet, “Aap Meliketerek eeke nagagerak nogo kwak, Kat an neebe unde logonet, Mondok-mondok nake eeke logomunggun o,” Yinuk, endage kunogo kumbuk mbaneegerak me, Oone alik arigin abu lek o.

Ndawi 119:136

Koone yugu Muta liiru mbaneegerak nogo It aakumi woppunuk eeka'lek paga Niyo wu'nuk wage menggi kwak Nale togop aret wambit wage menggerak o.

Ndawi 125:5

Ndi, it aap obeelom eekwi nogo mbo punuk, Nomo agan tu alik paga nogwe iinok perak, Aap maluk eeka inenggaawak lek eerogo piige logonet, It inom aret lek eerogo piige, Eeke logot o. It aakumi Iterali iniki ugun tayenak aret logowak o.

Ndawi 36:3

Inambeme nen wungge nogo ti, Abe lek maluk mban aret wungge, Ndi, inoone agan nugwi ti, Pilit wone mban agan nugwi, Eeko menggaarak. Iniki warak nen eekwi, Obeelom ambi eeriyak mbakwi, Eekulik aret o.

Ndawi 78:41

Ko'lu-kii'me Ala abut mbanuwok nduk wakkagak eekwi, At Kikak Nakeelik Alik Leenak Iterali inogoba nogo Iniki andi eerogo pugwi,

Ndawi 78:57

Inombomini iniki mbere logonet, wone liippega'lek Ugun-ugun eerit nogogwa kwak ndak-ndak eekwi, Yigin amborowak kalok wurik me nambukaatak kwe, Ta'mbilak wuk ari menggi kwak it togop eerak wonogwe,

Wundeegwaarak 32:11

Yoreegerak kwe, at Muta nen at Aliku ogoba Ala iniki yanggoniyak nduk, yoge logonet, “Kaliku nogoba ALA wae. Kat keenggi omaawi paga eerubok mendek eeke logonet, kapuri o Metit nen wogoren wundi wagandak kwe, nonggop nduk kanini inoba eeppiyoorak ari agandik?

Wundeegwaarak 32:14

Yoge mbareegi, Aliku ALA nen it aakumi Iterali aaninggin-paaninggin agago maluk eeppiyoorak mbareegerak nogo, eeppiyoolik mbo pereegerak.

Yeremiya 11:10

An yorage nagagirak nogo inombomini nen, Eeriyak, nineebi o, yinuk, mbo punuk, maluk eerit nugu nogogwaarak nogo aret mugurok nogwe, an wonage neegak kwe, kugi mugurok nogo logonet, ayuk wukwi, eeko agaarik o. It Iterali paga wiganak inom, it Yekura paga wiganak inom, nen wone eeko logorak inombomini ninom koonogo pereegirak nogo piinogo mbo pereegwaarak me,

Yeremiya 13:17

Kit an yokkirage kinaruk konengga'lek kiniki wogoppakwi paga nalik kumaarak logonet, le ari, Aliku ALA andomba kit keele maakkiren nagun me, Niniki wakkolage logonet, nale yi wurik kwak wurabit wage, Eeke logogin o.

Yeremiya 34:16

yogondak perak, iniki alik koombunuk, inayeloman mini aap inom, kumi inom, iniki mba'nuk nugu logowak nduk, wondet eerogo piigaarak nogo inayeloman ambinom logowak nduk inalitak lombok inoone omaawi paga piya wagaarak nogo paga an nendage maluk eerogo pegaarak o,” yinuk, yegerak o.

Yeremiya 9:1

Nanobak me niyo yenggenak kwak wonage, Ndi, niyo kila-kila wundi wage menggi kwak, nenegen me nen wundi wage, Eeke logowak lak, ao! Togop aret logonetak en, it aakumi an nowe-nawot inoorak nogo liingge-oonikiya inale ari logonetak o.

Yeremiya 9:18

It aakumi ti nen yogo logonet, Mbet-mbet wogo logomenggaarik, eeppinanegaarak paga ninaleendawi aanggili-aanggelo yogwe iigak, Ninale ninigen me yenggembunuk, wuranet wage, Ninamunggut-ninale nggaru-nggaru ninamik paga ndooni wangge, Eeke logowak o.

Yetikiyen 18:24

Togop kwe, it aakumi iniki abe koonak mendek nen noone yugu ndak-ndak eeko menggaarak nogo mbo punuk, nomoninuk maluk eerit nogo logonet, it aap maluk mendek nen ogole warak mendek eeko mengga kwak eerit nugwi iinok, it ineenik logogun mbaken? Lek aret o! It aa'nduk obeelom eerit nogo logomenggaarak nogo abok aret an abeke logogin lek o. Wone yugu liirogon eeka'lek alik eerit nogwe, maluk eerit nogwe, eeremenggaarak paga ineebe mondok kambugun aret o.

Amot 7:3

Yoge mbareegi, Aliku ALA nen eeppiyoorak mbareegerak nogo tayoppunuk, “Eeke kagandak ti, an nen eeppiyaagin lek o,” yinuk, Aliku ALA nen aret an yo'nege kagagirak.

Yunut 3:10

Eerogo wumbogo mbareegwa, Ala nen it maluk eekwi nogo mbo punuk, yungguninuk, at owagam wogwe maloppiige nagagerik, aaninggin inoba piyaakit mbareegerak nogo, “Eeppiyaagin lek o,” yinuk, inabuwa nen teppiyareegerak.

Yunut 4:2

Anini mbake nagagerik, Aliku ALA yoge logonet, “Kaliku ALA wae. Kat koone yanggorogon yo'nirage, nit aakumi ninabuwa mbake, kiniki aanaganggenggwi lek liippunuk eeppinanege, kiniki kunik lombok ee'ninabit unggwage, eekwi onggo aaninggin ninoba pinanege logonet, Yi eeppigi ao, yinuk, mbake, eeke menggendak an neenu me, an yime waga'lek name awo logonet, Time yora naminggirak kwe, Ala nen maluk eeppiyaagin lek teppiyaagin mbaki o, yinuk, yagarak nogo lek a? Alom ti paga an mbet-mbet aret kole mbaganit o Taritit nagagerak nogo o.

Matiyut 24:13

Togop aret arit wage kagak kwe, kiniki kwi'ndak nu'lek kiigak, o age yobok yi wage kenok, kinagap ndarigin o.

Matiyut 5:44

kinogoba mbogut paga mendek nogo nen oonegen unde logonet, it aakumi abu maluk mendek inom, obeelom mendek inom, iniki koonak menggaarak inom, iniki koonak lek menggaarak inom, abok aret inabuwa nen obeelom eeppiige logonet, inambi op aruwak nduk, o kibi wogorage, o mayu wogorage, eeke menggerak me, kinogoba mbogut paga mendek apuri arubagip nduk, it kinom ogoorak monggotak nogo kiniki kunik eeginakwi, ndi, it piyak-payak eekkinako menggaarak nogo, inake tamban eekwi, eeko logonip o, yinuk, yokkiragi o.

Lukat 6:12

Ti eyom paga Yetut tamban eerikit nduk, puurom lagi nagagerak. Lagi nage nagagerik, oonikiya Ala yoge tit kagak, o weereegerak.

Yotuwa 22:16

“Nit Aliku ALA apuri Iterali lambunik abok aret nen wone yogoorak nogo yokkiraawi o. At Aliku Iterali ninogoba Ala mbo punuk, nonggop nduk at maluk eeppogo logonet, kiniki liippega'lek worokot paga warogo wogogak ogobakkigikkologo ogotik o?

1 Tamuwen 12:23

Ndi, an nen perak, kit kinake Aliku ALA yoge lek neenok ti, Aliku ALA maluk eeppuurak aret me, kinake tamban eeke, ndi, obeelom eekkoloorak wone inom, tu koonak paga nogo logorak wone inom, mamungginake, eeke logogin aret kwe,

1 Tamuwen 13:13

Yoge mbareegi, at Tamuwen nen at Tawun yoge logonet, “Kat aap wirogon aret eekendak keegi o. At Aliku kogoba Ala nen wone lengganogo yokkegerak nogo aret liirogon ee'netak nen, aakumi Iterali inowe kendagembogut mondok-mondok inarum logonok nduk, koonogo paganetak kwe,

1 Tamuwen 15:10

Ti'nuk, at Aliku ALA nen Tamuwen yoge logonet,

1 Tamuwen 15:3

it Amalek mendek tebenogo piinok, inamindik-inamendek wonage nogo, abok aret yigirik-noonom eerogo punuk, aap inom, kumi inom, inapurilogwe inom, awo ngget ndarak inom, inaanggumi tapi-ndomba inom, unta-keledai inom, ambiriluk ambi teppuurak lek tigitogon aret inoorogo piyaawak, yegerak o.”

1 Tamuwen 15:35

Ne ti kuli nen at Tamuwen nogo Tawun imbirak lambungga'lek logonet, abuwa nen le ari kagak, at Tamuwen nogo kambuurak eyom aret panggoni nagagerak. Ndi, at Aliku ALA nen aap Tawun Iterali inowe endagembogut logorak, “Nonggop nduk mippigi?” yinuk, iniki wakkolage nagagerak.

1 Tamuwen 15:9

Piigo nogogwaarik, aap Amalek inowe endagembogut Agak nogo eenik teppugwi, tapi-ndomba abe mendek inom, inaagalogwe piirigalo mendek inom, “Yi abeme, inooriyak lek o,” yinuk, ineenik teppiigo logonet, mbi inikime waka'lek ineebenowak ko aago kenok, tigitogon aret inookwi, eereegwaarak.

1 Tamuwen 16:1

Ti'nuk, at Aliku ALA nen Tamuwen yoge, “At Tawun nogo ti, it aakumi Iterali inowe endagembogut logorak an mbo pigirak neegak, at paga kat kiniki wakkolage keegak, ne mande logomunggun o? Yogondak eyo tayitun amburu togolowa'na toologo wonok, o Mbe'lekem aap endage Itayi wonage me nage logomenggendik, at apuri ambit-ambi Iterali inowe endagembogut logowak nduk, an muk leenogo pigirak me, amburu oba kilippi nak o.”

1 Tamuwen 8:6

“Ninowe endagembogut ninarum logowak nduk, aap ambi leenogo mippinanu o,” yinuk, yoreegwaarak nogo, at Tamuwen konengge nagagerik, “It aap yogwe yi, ao!” yinuk, at Aliku ALA yoreegerak.