1 Tamuwen 14:50 - Ala Wone Peenok Peebi Mbanak

⁵⁰ Ndi, at akwe ti, aap Akimaat aput endage Akinowam aret. Tawun awuri ineegin warak inowe ti, Tawun ogobaluk Net aput Abenet aret.

1 Tamuwen 14:50 Iomraidhean Croise

2 Tamuwen 2:8

Ti eekwi iigak, aap Tawun awuri ineegin warak inowe Net aput Abenet nogo nen Tawun aput Itibotet wonok o Makanayim time pi nage nagagerik,

2 Tamuwen 3:27

Wonok o Keboron nogo mbareegwa, at Yowap nen imbirak inalik wone mbaniyak negen eeppunuk, wonok tu unggwogo menggam taati ari nanuk, “Nawuluk ane'me wari o,” yinuk, aanogum me ndut kenenak paga linggage mbareegi, taati aret kambeegerak.

2 Tamuwen 3:38

Ti'nuk, at endagembogut Ndawut nen inom yabu eeko menggaarak nogo yorage logonet, “O yogondak yi paga aap Iterali inowe nggwok ambi kanggerak kineenggo'lek a?

2 Tamuwen 3:6

At Tawun owe-awot inom, Ndawut owe-awot inom, ogookko'nok wim nambukwi iigak, at Abenet nogo nen Tawun owe-awot inom logonet, at mban iya mbako logowak nduk, ake mban koonggo'net nage nagagerak.

1 Mbinineegwaarak 26:28

inabi kogwe iinok yoraga Tamuwen inom, aap Kiti aput Tawun inom, Net aput Abenet inom, Teruya aagaluk Yowap inom, nen, “Ala amendek o,” yinuk, yi mendek ndi mendek leenogo pereegwaarak eege, yi mendek ndi mendek alik leenak wonage nogo eege, ti, at Telomit owe-awot inom nen unde logonet, arum wonogwe, eeko nogogwaarak.

1 Mbinineegwaarak 27:21

Anebunu Manate mendek peenok mogonak o Nggileyat wonogwe inowe ti, at Takariya aput Yiro aret. Anebunu Mbeniyamin mendek inowe ti, at Abenet aput Yaatiyen aret.

1 Tamuwen 10:14

Lagi nage nagagerik, ayeloman imbirak iname wogwe at Tawun ogobaluk nen enegen iige nagagerik, it yorage, “Kit ngga nen wogop?” Yorage mbareegi, Tawun nen ari logonet, “Keledai kobak agaarak nogo kwaarinabit nogoorak mendek, lek iinok, at Tamuwen eegwa'me wa nogo nogoorik, wogo o.”

1 Tamuwen 17:55

At Ndawut nogo nen aap Pilitin mendek imbirak wim namburiyak nduk nage at Tawun enegen kage nagagerik, at Tawun awuri ineegin warak inowe Abenet nogo yoge logonet, “Abenet wae. At wulaga tawe ti, ta aput?” Yoge mbareegi, Abenet nen yoge logonet, “Nowe kendagembogut kat aret keegak, an pilit yokkiriyak meek me, an neenggo'lek o.”

1 Tamuwen 26:5

Yori nogo mbareegwa, at Ndawut nogo Tawun awuri inom inawooliya wuppunuk wonogwe me, enegen wu'nari wage nagagerik, at Tawun inom, aap Tawun awuri ineegin warak inowe aap Net aput Abenet nogo inom, ooliya oolo wurik me time windak iigak, it aap ineegin warak nogo, inawooliya endekem yendok-wandok wurik me wonogwe iyareegerak.