1 Tamuwen 14:44 - Ala Wone Peenok Peebi Mbanak44 Yoge mbareegi, at Tawun nen yoge logonet, “Kat kambenok nduk, koorogo pagarak lek kenok, an noorigin me, kat Yonatan mondok aret koorogo pagawok o.” Faic an caibideil |
it aakumi Amon mendek inawi kota-kota tebenggolage kenok, yabu eeko logowak nduk, eeppiige nagagerak me, it aakumi o kota Araba menggaarak nogo wogonake nagagerik, nggege wogorage, mbuti tegewa wogorage, yembuti wogorage, eeppunuk, yabu nggwiirit-nggwaarit eeko logowak nduk, yugum worako menggam piinok, Ndawut awuri wim eeka inom abok aret o Yerutalem iniyokan wogogwaarak.
yorogo logomonggotik, aap Amata yoriyak nogo yi o. Kat an namiya mogonik nogo lek a? Namiya mogonik aret me, an nawuri ineegin warak inowe Yowap obaane'me mippagage lek neenok, Ala nen aaninggin alik lombok noba panukwak, o yogondak kuli nen nok, kat aret logonok nduk mippagagi, yegerak, yo'nu o,” yinuk, agago nappiya wagagerak.
At Aliku ALA nen, “Nowako,” yinuk, kumbuk mbanggolage logonet, Ndawut yoreegerak nogo, a'me nggelok yuwak nduk, an Abenet nen aret it aakumi Iterali kat kogoba Tawun abu'me menggaarak nogo abok aret waganogo Ndawut abu'me piya nage neenok, it Iterali inom, Yekura inom, inowe endagembogut logonet, wone lengganogo yorage menggim o Ndan nen nok, o Mberetiyeba kuli aret aruwak nduk, piya noorak koonggirak nogo eeka'lek neenok, at Ala nen aaninggin noba panege logonet, noorukwak, an eerigin aret mbake logot o.”
Ndi, kat ambime kangge keenok, an kunduk time aret kangge neenok, time aret nggween taambanugun o. Togop aret eeriyak me, neebe kambunuk nogo menggam nage logonet perak, nimbirak ninalitak aret nagun kwe, nineebe nineenik wonogo logonet, ninalitak ogwe kenok perak, Ala nen an maluk lombok eeppaniyak op aret o,” yoreegerak.
Yoragagerak nogo kuwak ari wogo mbareegwa, yorage logonet, “Aap ambi maluk eekerak kwaako logonet, kin age kenok, an naput Yonatan aret kwe kagak, kambuwak nduk, warogo pugun aret o, yinuk, Iterali inagap ndaka at Aliku ALA eenik menggerak endage kunogo abet aret yokkiragi o.” Yoragagerak kwe, aap ambit-ambi nen wone onggo ambi yorulik puk aret ogogwaarak.