1 Tamuwen 14:41 - Ala Wone Peenok Peebi Mbanak

⁴¹ Yogo mbareegwa, at Tawun nogo nen at Aliku Iterali inogoba Ala yoge logonet, “Kat o yogondak yi paga an kayeloman yokkigirak nogo onggo nonggop nduk yo'nega'lek agandik? Maluk agaarak nogo ti, an paga ilik, an naput Yonatan paga a, agaarak kenok ti, onggo yugum Urim paga kin agago pu o. Ndi, it kat kapuri Iterali nen eekaarak kenok ti, onggo yugum Tumim paga kin agago pu o.” Yoge mbareegi, it aakumi nogo eerulik at Tawun Yonatan imbirak eereegwaarak kin eeppereegerak.

1 Tamuwen 14:41 Iomraidhean Croise

Kini Wuppiige 16:33

Ta mippuurak kin kaawok nduk iri'ngga mbanak waganggo menggaarak kwe, “Ti aret wamen o,” yinuk, yorage menggerak nogo ti, Aliku ALA nen aret o.

Kini Wuppiige 18:18

Wone wakwi iinok, “Alom ta eekerak?” kin kaawak nduk mbere mbanggwi, Mbere mbanggaatak inoba age kenok, wone wakwi nogo lek aret age, Eeke menggerak.

Yunut 1:7

Yoge nagagerik, it nen at ambi yogak, at ambi yogak eeko logonet, “Aap ta nen eekerak paga maluk ee'ninake nineenu aruwok nduk, yugum paga wakkaawok o,” yinuk, wakkogo nogogwaarik, yugum nogo wa'nanok aap Yunut owagam ari nagagerak.

Nappiigak 1:24

eeppogo nogogwaarik, tamban eeko logonet, “Ninogoba o. Yi aakumi ndi aakumi iniki mbakwi abok keenu me, at Yurat ninom kat keyabu eerit nugu logowok nduk leenogo pinaneegindak kwe, teppinaninuk at noorak miikkolagagim nogome aret nagaarak me, it aap mbere punogo pigoorak yi, at obaane'me mippuurak koonogo pegendak nogo, yo'niret o,” yinuk,

Nappiigak 1:26

tamban eeppogo nogogwaarik, “Aap yi mippuwok a, at yi mippuwok a?” yinuk, imbirak inendage liiru mbanogo punuk, Matiyat endage mbanak nogo waganggo nogogwaarik, it aap 11 nappiyareegerak nogo inom logowak nduk at Matiyat aret leenogo mippereegwaarak.

1 Tamuwen 14:40

Puk ogo mbareegwa, at Tawun nogo nen ambinom Iterali apit aret yorage, “An naput Yonatan nimbirak abeenok nggwe yime mi'ndak niigak, kit apit aret peenok nggwe time mban mi'nari nanip o.” Yorage mbareegi, it nen yogo logonet, “Kat eeriyak op kagandak nogo aret eeru o, ninogoba.”

1 Tamuwen 14:42

Kin eeppege mbareegi, at Tawun nen ari logonet, “An eekirak a, Yonatan eekerak a, nineenu aruwok nduk, yugum ti paga titi'niyet o.” Yoge mbareegi, Yonatan eereegerak aret kin eeppereegerak.