1 Tamuwen 14:38 - Ala Wone Peenok Peebi Mbanak

³⁸ Yoga'lek aret mbareegi, at Tawun nogo nen, “Kit aap ineegin warak inoweewi yi wae. O yogondak yi paga maluk ambi eekoorak kero, kwaaruwok nduk, kit apit aret yime kuwak ari woraanip o.”

1 Tamuwen 14:38 Iomraidhean Croise

2 Tamuwen 18:3

Yorage mbareegi, at inom nugwi nogo nen at yogo logonet, “It ninawim nen nit mu'niren wogwe iinok, nit mbaganggwi niigak, kat aret koori woraagun me, kat ninom wim eeri noorak lek o. Nit nineebe eegu ninooriyak nogo ti, iya lek kwe, kat kooriyak nogo perak, aap nineebe sepuluh ribu ninooriyak kwak kat aret koorukwak me, o kota yime logonet, kini wuppinanegak mban eeke logorak perak op o, ninogoba.”

Ndawi 47:9

Aap nggween paga inoweewi inendagembogut abok aret Inowe endagembogut at aret me, Aap Abarakam ogoba Ala apuri kuwak eeri wogwe iigak, It yi o ndi o unde menggaarak Nagawan-nagawan inom abok aret Kuwak eeppunuk, At mban endage mondok iya tiyappogo agaarik o.

Takariya 10:4

Eerogo piige neenok, it Yekura paga yugum ogowa pugu kwak ari wogwe, Ooliya eyak wurabak kwak wogwe, Wim nambuka yigin kwak wogwe, Wone lengganogo yoraga nogo abok aret kin ari wagak yogwe, Eerugun o.

Linggineegwaarak 24:17

At eebe kage kwe, yogondak lek o. Eebe liippege kwe, nda lombok wonage o. Yakup ombowologwe wiganak inenggela'me nen ndowan ambi wundi wage, Iterali inenggela'me nen ineenu agak muun mbanak ambi kin age, Eeke logomenggerik, Aakumi Mowap inoweewi inenggaawak yigirogo piige, Aap Tet ombowologwe abok aret inanobak aan lebenogo piige, Eerit nage logonet,

Matiyut 21:42

Yogo mbareegwa, Yetut nen, “It yugum paga o wuka nen O wuko logonet, yugum ambi mbo pereegwaarak nogo, Yugum ogowa ndoonnaga o. At ninogoba nen aret eereegerak me, Mondok iya lombok eereegerak kogo nogoorik, Pi wako ogoorik o, yinuk, yereegerak liiru mbanak nogo kit pekkaga'lek ogotik ya?

Epetut 2:20

O wuruwok nduk, o eyak aa'nduk wurabak kwak ti, Keritut Yetut aret o. Ndi, o eebe wurit laganggo logonet, abena pugu kwak ti, it nappiyareegerak mendek inom, it aap Ala wone yoraga mendek inom, nogo it aret. Ndi, ogumbaga pugwi kwak ti, nit abet mbareegurak Ala apuri nit nineebe aret o.

Yotuwa 7:11

Aakumi Iterali ti, an ninom wone abuk nggaruk togon koonogo punuk, eeko logowak nduk, yoragagirak nogo liirogon konenulik taganogo mbo punuk, maluk eekaarak o. Nambokan laganggo logonet, an lombok namendek kumaako nagaarik, inamendek enggela'me kumaappatinuk, wonogwe ti o.

Yotuwa 7:12

Kumaappatinuk wonogwe ti paga kineebe pup eerogo pinagarak kinetenggen luurik aret wonogwe me, aap kinawim nen kinoorit wogwe iinok, ko waka'lek kinamborowak kin-kin mbaganit kumaa'narit nogwe kiigirak me, an namendek lek eerogo puurak yugu kagak, aap kumaakerak wonage ti, lek eerogo pega'lek wonogwe kiinok, an kit ninom logogin lek o.