1 Tamuwen 14:24 - Ala Wone Peenok Peebi Mbanak

²⁴ Wim namburuwok nduk, awo eekwi iigak, at Tawun nen awuri yorage logonet, “It ninawim nen eeppinanggwi nogo, onggo nini tayongga'lek niigak, nit ambi nen oonegen awo kilu yi naga'lek kagak mbi nunggwi niinok, pulunik aret logogun o, yinuk, wone abuk nggaruk togon kumbuk mbanuwok o.” Yorage mbareegi, kumbuk mbaneegwaarak me, at awuri nogo ne ti eyom paga mbi nengga'lek muguren mban nogwe iigak, inowak abu lobak yereegwaarak.

1 Tamuwen 14:24 Iomraidhean Croise

Ndawi 18:47

It an nookwi nogo onggo inooke, It aakumi inanebunu lombok nabu'me piya wage,

Kini Wuppiige 11:9

It Ala ineebi mbaka inoone paga it inom menggaarak ineebe nggelenogo piigo menggaarak kwe, It aap iniki abe koonak nogo perak, wone liippugwi paga inagap ndakkologo menggaarak.

Ala Unde 27:29

Aap ambi wariyak leenak kagak, it nen, Wariyak lek o, yinuk, agap ndarogo wu obaane'me pi woroorak lek o. Eebe aret warogo puwak o.

Ala Unde 5:4

Ndi, aap ambi nen obeelom eeppiyoorak a, maluk eeppiyoorak a, nano mendek eeriyak abok aret iniki liippega'lek kagak, Abet aret eerigin o, yinuk, kumbuk mbanogo punuk, ugun wonage me, Kat yagandak nogo nonggop o? yogwi iinok, aap nogo nen mbake logonet, An yagarak ndak-ndak eerulik me, maluk aret eekirak kagi, mbaruwak o.

Linggineegwaarak 21:2

Wogoren wage mbareegi, it aakumi Iterali mendek nogo nen, “It aakumi o Kanan yi, waganogo nineenggime pinanege keenok, it inawi kota-kota mondok pup eerogo piyaagun o,” yinuk, wone kumbuk mbanogo Aliku ALA yoreegwaarak.

Linggineegwaarak 5:21

Yoge logomenggerik, at an neebe unde nogo nen kwe nogo kumbuk mbangge logonet, pulunogo patiyak wone yuurak nogo yi aret. An eekirak kagak, naana'le mbanggolage neenok, an pulunogo paniyak niyo yi nengge paga naanogum piike, nambulok togo'mbet nabe eerogo pege, eeruwak o. Ndi, nambulok togo'mbet nabe eerogo pege, naanogum piirogo pege, eeke kenok, niriwi nen pulunogo panugwi, Kwe yi, mbabilu o, yinuk, yo'nugwi, eeko logowak nduk, Aliku ALA nen eeppiyoorak ti, op aret o, yinuk, kumbuk mbanggi o, yinuk, yuwak nduk, yoruwak o. Yoremenggerak kwe nogo nen, Togop eeriyak op aret, ari kenok,

Oroma 10:2

It nen Ala wone iniki aganggen kerek togon mugurok nogo logonet, eekwi kwe, wone eebe liippunuk eeka'lek iinok, yokkirage agarik o.

1 Korindut 16:22

Aap ambit-ambi ninowe iniki kunik eeka'lek kenok, pulunik negen aret logowak o. Maranata o! Ti nit ninoone paga, “Ninowe mbet-mbet woraawak o,” yinuk, yogo monggoorak.

Yotuwa 6:26

Ne ti eyom paga at Yotuwa nen ari logonet, “Aap ambi nen o Yeriko yime obaane'me wuri unggwi wage kenok ti, at Aliku ALA nen pulunogo pege logogin me, O eyak awo wurake kagak, Apuluk manggu ndarak kangge, Ndi, abu wurogo tungga ogobakkigirogo punuk, Oome puk ari unggwage kagak, Apuluk enabooluk ndarak nogo aret kangge, Eeke kaagin o,” yinuk, yoragagerak.

Owak Loongga 1:28

Teppiigo nogogwaarik, it aap Iterali inomaawi ogo logonet, it aap Kanan mendek mugogo wumbiyoolik teppiinok, inake yabu eeko logowak nduk, inayeloman eerogo piyareegwaarak.

Owak Loongga 5:2

“It Iterali wim nambuka wakaa'ngget nogo wim namburiyak nduk, ineeruwak tek aago inaa'nduk ogwe, Ndi, it aakumi ugun iniki nen, Ninom namburi nawi o, yinuk, yogwe, Eekaarak me, An Aliku ALA alut eeke agarik o.

1 Tamuwen 14:25

Inowak lobak ari kagak, it apit aret eyonggaame ari nogo nogogwaarik, nggiin amburu nggween paga wonage inigen kogogwaarak.

1 Tamuwen 14:39

Yoragagerak nogo kuwak ari wogo mbareegwa, yorage logonet, “Aap ambi maluk eekerak kwaako logonet, kin age kenok, an naput Yonatan aret kwe kagak, kambuwak nduk, warogo pugun aret o, yinuk, Iterali inagap ndaka at Aliku ALA eenik menggerak endage kunogo abet aret yokkiragi o.” Yoragagerak kwe, aap ambit-ambi nen wone onggo ambi yorulik puk aret ogogwaarak.