1 Tamuwen 14:16 - Ala Wone Peenok Peebi Mbanak

¹⁶ Ndi, Tawun awuri tum waka it Mbeniyamin mendek inanggween paga o Nggibeya wonogwe nogo nen it Pilitin mendek ineegin warak nogo iniki ma'na'nuk, agi nagak ogu nagak agan nugwi inigen iigo nogogwaarik,

1 Tamuwen 14:16 Iomraidhean Croise

Ndawi 58:7

It nogo ti, niyo nage nagaatik, Pili ari nage menggi kwak lek ogwe, Maale inookwi iinok, ngget lek me Put togon wangge menggi kwak wonogwe,

Ndawi 68:2

O wiya nen ka'luk wonok lek age menggi kwak, At Ala nen it togop aret eeppiige kenok ineebe lek ogwe, Teemok kani aganggen nen amburu wungge logonet, Lek age menggi kwak, it aap maluk eeka nogo, At Ala enegen kagak togop aret lek ogwe, Eeko logowak o.

Yetaya 19:2

“O Metit it-it aret ogooppunuk wim eeruwak nduk eerogo piyaminggirak paga It inoweewi nen inawuri inom aret wim nambukwi, It inoreewi inom wonogwe nen inom wonogwe aret inom wim nambukwi, O kota ambi nen o kota ambi inom wim nambukwi, At ambi abu'me piinok menggim nen at ambi abu'me piinok menggim inom wim nambukwi, Eerugun o.

Owak Loongga 7:22

Nogwe iigak, aap Nggireyon awuri ineebe tiga ratus nen oone nggwok eeka trompet nogo oone pu eeko mbareegwa, at Aliku ALA nen it aap Miriyan mendek ineegin warak it mban-mban wat-wat agan nogo logowak nduk, eeppiige mbareegi, it mban-mban wat-wat agan o Terera pa'nggwe o Aben-Mekola kota Tabat koorok o Mbet-Tita kuli time mbaganit nogogwaarak.

1 Tamuwen 14:15

Ti inooreegwaarak paga it aakumi Pilitin mendek nogo kogo nogogwaarik, inawooliyana wonogwe inom, ineyabume wonogwe inom, it tum wakwi wonogwe inom, it aakumi inamendek ndingga nogo inom, abok aret inaganak warit nage, nggween inom nuk-nuk eeke, eereegerak. Ti eereegerak nogo ti, Ala nen aret eereegerak.

1 Tamuwen 14:17

Tawun yogo mbareegwa, at Tawun nogo nen it aap inom wonogwe nogo yorage logonet, “Kit yime, Ta lek, kaamunggup nduk, kinigen yomboppiyaanip o.” Yorage mbareegi, lomboppiigo nogogwaarik, at Yonatan eegin wonok nega imbirak aret lek iyareegwaarak,

1 Tamuwen 14:20

Ari nagagerik, wim namburuwok nduk, at Tawun awuri abok aret inom kuwak eeppunuk, wim tinime nogo nogogwaarik, it Pilitin mendek nogo mbuti wooluwak paga it mban-mban wat-wat agan nogo logonet, inoone ya-kwa yogwe iyareegwaarak.