1 Tamuwen 14:12 - Ala Wone Peenok Peebi Mbanak

¹² Yogo nogogwaarik, it aap Pilitin tum wakwi nogo nen Yonatan eegin wonok nega imbirak yorogo logonet, “Nit nen wone ambi yokkiraawok nduk, yime lagi woraanip o.” Yorogo mbareegwa, at Yonatan nen at eegin wonok nega nogo yoge logonet, “At Aliku ALA nen it aap ti, nit Iterali nineenggime pinanegerak me, an time nage me mu'neren lagi omok o,” yoreegerak.

1 Tamuwen 14:12 Iomraidhean Croise

Wakkagagerak 24:42

Wage nagarik, yogondak an niyo tooko menggam taati ari wa'nuk, tamban eeke logonet, Kaliku nogoba Abarakam ogoba Ala wa. An eerikit nduk, wagarak nogo, ndak-ndak eeppaniyak mbakendak kenok, ti aret eeppanu o, nogoba.

Wakkagagerak 24:48

nendobanggun yindumbunuk, at Aliku ALA alut eeke logonet, Kaliku ALA nen nogoba awuluk apuluk kolaga yi, an nogoba aput akwe wogoriyak nduk, owe-awot wonogwe me mondok lik togon pani wagandak me, Kaliku nogoba Abarakam ogoba Ala wa, yinuk, keyage wakirak o.”

2 Tamuwen 5:24

eyo tin era'nggup me, aakumi iniyok oone negen yogwe karuk konengge logomenggendik, At Aliku ALA aa'nduk a'nuk, ninawim Pilitin mendek ineegin warak muk inoori nage kagi, mba'nuk, kawuri kinom pilak yogo logonet, mbet-mbet aret inoba kwi'nari wundi woraamunggup o.”

2 Endagembogut 14:8

Ti'nuk, at Amatiya nen aap Yeku ombooluk Yowakat aput Iterali inowe endagembogut Yokawat nogo yoruwak nduk, wone eerogo nappiige logonet, “Nimbirak ninengga kunna'nuk, wim eeruwok nduk, omok o,” yinuk, wone eerogo nappiyareegerak.

Owak Loongga 4:14

Kuwak eeppiyareegerak wonogwe iigak, at Ndebora nen Mbarak yoge logonet, “At Aliku ALA nen aa'nduk a'nuk nagaarak lek mbaken? O yogondak aret aap Titera keenggime pagakit nduk, muk aa'nduk a'nuk nagaarak me, mbet nak o.” Yoge mbareegi, at Mbarak nogo awuri sepuluh ribu nogo inom puut Tabot paga nen wambi wogo nogogwaarik,

Owak Loongga 7:14

Yoge mbareegi, ore nogo nen, “Ie! Wone ti alik abu lek o. Ata, at Ala nen nit aakumi Miriyan mendek ninawooliya wurik yi inom abok aret aap Iterali mendek Yowat aput Nggireyon nogo eenggime pegerak me, awooluwak paga ninooriyak nogo aret kagandak o,” yinuk,

Owak Loongga 7:15

abi kagagerak nogo alom inom mbininogo yoge Nggireyon aruk konengge nagagerik, at Ala abu'me tebe yinuk, Ala endage tiyappereegerak. Tiyappege nagagerik, Iterali inawooliya wurik me nogome wage nagagerik, at awuri yorage logonet, “Aliku ALA nen aakumi Miriyan inawooliya wuppunuk wonogwe nogo abok aret muk nineenggime pinanggerak me, mbet-mbet mi'nanip o.”

Owak Loongga 9:54

Telak ari mbareegi, at Abimelek nogo nen aap at awooluwak wonok nege nogo yoge logonet, “Aakumi nen, Abimelek nogo kwe nen waki o, yukwak me, kat nen mbet-mbet aret nooru o.” Yoge mbareegi, awooluwak nogo paga ndanuk togon warogo pereegerak aret kambeegerak.

1 Tamuwen 14:10

ndi, it nen, Nit wonogwe me yime woraanip o, yo'nirogwe iinok perak, wone yo'nirogwe ti paga Aliku ALA nen nineenggime pinanggerak nineenu a'nuk, pegiya nogwe, eeruwok o.”

1 Tamuwen 14:13

Yoge nagagerik, at Yonatan eegin wonok nega imbirak yigeebu me ineenggi iniyok paga yabegak-ndabegak agi laganggo nogogwaarik, at Yonatan nen mbuti wooluwak paga aap Pilitin mendek inoorit nage, ndi, wulaga at eegin wonok nega nogo ambokan nen mondok miin aret inoorogo piinet nage, eereegwaarak.