1 Tamuwen 13:9 - Ala Wone Peenok Peebi Mbanak

⁹ at Tawun nen it yorage, “Kit Ala ake warogo kani kuniyak mendek inom, Ala ninom lambunik logowok nduk, ake warogo wogoriyak mendek inom, wonok niri woraanip o.” Yoragagerak nogo pi wogo mbareegwa, Ala ake warogo kani kuneegerak.

1 Tamuwen 13:9 Iomraidhean Croise

2 Tamuwen 24:25

Kungge nagagerik, at Aliku ALA ake warogo wogogo logowam ogobakkigippege nagagerik, Ala ake warogo kani kungge, inom lambunik logowak nduk, ake warogo wogoge, eeke nagagerik, aakumi nogome inake Aliku ALA yoge mbareegi, andi aakumi Iterali inoba piige nogo lek aret agagerak. 1

1 Endagembogut 3:4

O Nggibeyon nogo ti, puut paga ake warogo wogogo menggam mondok nggwok lombok wonagagerak me, ne ambi paga at Talomo nogo, warogo wogoriyak nduk time nage nagagerik, ake warogo kani kunggo menggaarak mendek seribu kuli wappunuk, ake warogo wogogo menggam nogo paga kani kuneegerak.

Ndawi 37:7

Togop aret me, Aakumi nen eekkoloorak mbakwi nogo aret eekkologwe, Ndi, aap inambokan laganiyak koombunuk, Inambokan aret laganggwi, Eekwi iinok, Kinanini age ti mage o. Ata, kiniki aan aganggenggwi lek puk aret wonage, “Aliku ALA nen eeppinanigin o,” yinuk, tokkogwe, Eeko logonip o.

Kini Wuppiige 15:8

Aap maluk mendek nen ake warogo Aliku ALA wogogwi nogo, at eebi lombok mbake menggerak kwe, Aap iniki koonak nen tamban eekwi iinok perak, koneniyak inikilom mbake menggerak.

Kini Wuppiige 20:22

“Maluk eeppanggendak onggo eeppagagin aret o,” yinuk, yuurak ti mage o. Ata, Aliku ALA nen onggo eeppuwak nduk, tokkage logot o.

Kini Wuppiige 21:27

It aap maluk mendek nen Aliku ALA ake warogo wogogwi iinok, eebi lombok mbake menggerak me, Iniki maluk ambi koombunuk ake warogo pit wogwe iinok perak, abunuk eebi lombok mbake menggerak o.

Kini Wuppiige 21:3

Aliku ALA ake warogo wogogwi ti, mbuuluk inikilom mbake menggerak kwe, Abe koonak mban eerit nugwi, eekaatak a'me nggelok eeppiinet nugwi, eekwi iinok perak, inikilom nggwok aret mbake menggerak.

Yetaya 66:3

It aap tapi ngguunok warogo nake kani kunggwi ti, aap wakwi kwak aret eekwi, Ndomba aagaluk warogo wo'nugwi ti, nggeewo enggaanok koguk wakwi kwak aret eekwi, Gandum anggen yigirik an wo'nugwi ti, wam amiya kilirogo an wo'nugwi kwak aret eekwi, Obari abe kaga kani kunggwi ti, kugi ogut alut eekwi kwak aret eekwi, Eeko menggaarak o. It aap ti, inalik iniki mba'nuk eeriyak miippunuk eerit nugwi, Ogole warak mendek mban eerit nugu logorak inikilom mbakwi, Eeko menggaarak me,

Pelaareegerak 12:5

Ata, at Aliku kinogoba Ala nen kit aakumi Iterali kinanebunu abok aret kinenggela'me kinanggween ambi, An wonage me yime nen mban nendage tiyappogo logowak o, yinuk, leenogo patemenggerak kineenu a'nuk, ambit me time mban nogo logonet,

Pelaareegerak 12:6

At Aliku ALA ake kani kuniyak mendek pi nogwe, warogo wogoriyak mendek pi nogwe, kinamendek 10 ambi yendenogo puurak mendek wonok nogwe, Ala wa, yinuk, wogoriyak mendek pi nogwe, wone kumbuk mbanggo logonet, puurak mendek pi nogwe, onggo lek we wogoriyak mendek pi nogwe, lembu-tapi kambin-ndomba inaagalogwe aa'nduk ndarak mendek piya nogwe, eeko logomunggup o.

1 Tamuwen 14:18

Ne ti eyom paga Ala aloobut mbanak nogo Iterali inenggela'me wonagagerak me, at Tawun nen aap Akiya nogo yoge logonet, “Ala aloobut mbanak nogo wonok omok o,”