1 Tamuwen 13:13 - Ala Wone Peenok Peebi Mbanak

¹³ Yoge mbareegi, at Tamuwen nen at Tawun yoge logonet, “Kat aap wirogon aret eekendak keegi o. At Aliku kogoba Ala nen wone lengganogo yokkegerak nogo aret liirogon ee'netak nen, aakumi Iterali inowe kendagembogut mondok-mondok inarum logonok nduk, koonogo paganetak kwe,

1 Tamuwen 13:13 Iomraidhean Croise

Wakkagagerak 31:28

Napurilogwe-nombologwe inagandin neyak mbaninake logonet, keyage linggik-kambuk agago wappiyaakit lak, kat wi negen aret ee'nuk wagandak o.

2 Tamuwen 24:10

It aap wim wakaa'ngget linggininabeegwaarak yoreegerak nogo, at Ndawut konengge nagagerik, iniki aaninggin ndugu agan nage logonet, at Aliku ALA yoge, “Kaliku nogoba ALA wae. An nen, Linggininabi nanip o, yoragarak nogo ti, maluk nggwok lombok aret eekirak o. An maluk lombok wi negen eekirak me, an kayeloman maluk eekirak yi, mbo nappu o, nogoba,” yoreegerak.

1 Endagembogut 18:18

Yoge mbareegi, at Eliya nen at yoge logonet, “An nen Iterali naalop-kaalop eerogo piigeelik o. Ata, at Aliku ALA nen, Yogop ee'nu ndogop ee'nu, wone yugu taganogo punuk, kugi Mba'an nogo mugurok nogwe paga kat inom, kowe-kawot inom, kit nen aret Iterali naalop-kaalop eerogo piigo monggotak me,

1 Endagembogut 21:20

Yoreegerak nage mbareegi, Akap nogo Eliya nage enegen kage nagagerik, “Kat nimbirak ogoorak monggoorak yi, o yogondak aret kwaa'naken o.” Yoge mbareegi, at Eliya nen at onggo yoge, “Abet aret kwaakkeegi o. Maluk ayeloman arikit o, yinuk, miike nagandik, Aliku ALA enegen kagak, maluk eerit nage menggendak me,

1 Mbinineegwaarak 10:13

Aap Tawun nogo at Aliku ALA liirogon mugurok nage logolik paga kambeegerak. At Aliku ALA wone yugu nogo liirogon eerit nage, ambi age kenok, Aliku ALA nen yoruwak nduk, yoge, eeke logolik o. Ata, aap kambeegwaarak inogoma nen, “Ndogop eeke logot o,” yoruwak nduk, inowagam nage nagagerak me, Aliku ALA nen warogo punuk, at abu'me piige menggim nogo, at Itayi aput Ndawut unde logowak nduk, mippereegerak.

2 Mbinineegwaarak 16:9

Yi aap ndi aap iniki abet aret Ala oba panggonak wonogwe iyo, omaawi paga yeenggwaaraakit nduk, o nggween paga yime Aliku ALA enegen yomboninabit nage menggerak o. Kat wi negen eekendak me, o yogondak yi kuli nen aakumi kinom wim eeke logomunggun o,” yinuk, yoreegerak.

2 Mbinineegwaarak 19:2

aap abinggaanggo kaga Kanani aput Yeku nogo nen at Yotapat nogo ka wundi nage nagagerik, at yoge logonet, “It aap maluk lombok eekwi nogo yeenggwaarage, ndi, it Aliku ALA ineebi mbakwi nogo kiniki kunik aganake, eeke menggendak ti, op aret mbaken? Ti eekendak paga Aliku ALA anini koba aret wonage o.

Ayup 34:18

Yi aap ndi aap abok aret At nen ogobakkigirogo piyareegerak me, Aap inendage warak iinok, inom agak eeke, Ineenggi lek iigak, ineenggi warak inom age, Eekeelik nogo nen Kit aap meek mendek yi wae, yinuk, It aap inoweewi inendagembogut yorage, Ndi, kit aap kinobaabut nggolo yi wae, Yinuk, aap nagawan-nagawan yorage, Eeke menggerak nogo lek a?

Kini Wuppiige 12:8

Aap iniki warak ti ndak-ndak “Wi!” irogo menggaarak kwe, It aap maluk iniki nggolawe kenok perak, meek lombok eerogo piigo menggaarak.

Kini Wuppiige 19:3

Aap ambi iniki lek wi negen eerit nage paga maluk aret eekkolage nagaatik, anini wuk togon Aliku ALA mberege menggerak.

Yetaya 39:5

Yoge mbareegi, at Yetaya nen Kitikiya yoge, “At Omaawi Lombok Menggerak Aliku ALA ari nogo karuk logot o.

Yeremiya 18:10

ti'nuk, it aakumi ti nen nenegen neegak maluk eekwi, noone ari nogo taganggwi, eekwi iinok, obeelom eerogo piyoorak koonogo piminggirak nogo, Alik ambi kooniyak agaarak kagi, yinuk, Ao, mbake logonet, alik ambi koonigin o.

1 Tamuwen 1:22

at Kana nogo nen ogonggelo Elakana yoge, “Peebi Tamuwen yilak mbambunuk, at Ala alut eeko menggam awooliya wurik me time mondok-mondok logowak nduk, an nen Aliku ALA ake leenogo pi noorak me, yogondak ninom nagin lek o.”

1 Tamuwen 13:12

an niniki mbake logonet, At Aliku ALA nen nabuwa mba'nuk, yeenggwa niruwak nduk, awo yoga'lek neegak, it aakumi Pilitin mendek nogo, an o Nggilagan wonage me, noba kwi'nari wogwe iyo, nagabiti mbake kwe kagak, nogogumbuk aret Aliku ALA ake warogo kani kunggirak o.”

1 Tamuwen 15:11

“At Tawun nogo, Yogop eeke logot o, yogirak nogo, eeka'lek an mbo paninuk, alik eekerak paga, At endagembogut logorak nanonduk mippigirak o? yinuk, niniki wakkolage agarik o.” Yoge mbareegi, at Tamuwen nogo iniki puru ari logonet, oonikiya oone nggwok paga Aliku ALA yoge kagak, o aret weereegerak.

1 Tamuwen 15:22

Yoge mbareegi, at Tamuwen nen wone onggo yoge logonet, “Kambin-ndomba Aliku ALA ake warogo kani kunggwi inom, We iniki ale'nggen mbaruwak nduk, wogogwi inom, Ti Aliku ALA inikilom nggwok mbake, Ndi, at oone konembunuk eekwi ti, inikilom mbuuluk mbake, Eeke menggerak mbaken? Kambin-ndomba warogo ALA wogogwi ti, op aret kwe, At oone konembunuk ndak-ndak eekwi ti perak, mondok iya lombok o. Ndi, kambin-ndomba ngguunok amok warak ti, obeelom aret kwe, At oone liippunuk, ndak-ndak eekwi ti perak, abu alik mondok iya lombok aret o.

1 Tamuwen 15:28

Nibik ari mbareegi, Tamuwen nen at yoge, “Eekerak ti kokwak, o yogondak yi paga aret at Aliku ALA nen kat kendagembogut logonet, aakumi Iterali kabu'me piinok wonage nogo ndinogo koreeluk aap obeelom kenok wogogerak o.

1 Tamuwen 16:1

Ti'nuk, at Aliku ALA nen Tamuwen yoge, “At Tawun nogo ti, it aakumi Iterali inowe endagembogut logorak an mbo pigirak neegak, at paga kat kiniki wakkolage keegak, ne mande logomunggun o? Yogondak eyo tayitun amburu togolowa'na toologo wonok, o Mbe'lekem aap endage Itayi wonage me nage logomenggendik, at apuri ambit-ambi Iterali inowe endagembogut logowak nduk, an muk leenogo pigirak me, amburu oba kilippi nak o.”

1 Tamuwen 26:21

Yoge mbareegi, at Tawun nen ari logonet, “Ai, Ndawut naput o. An eekkabit nege nogo ti, wi negen maluk lombok eekkabit nege abet aret kagi o. Kat oonikiya yi aret nooriyak kwe, Nogoba me, wariyak meek o, nomba'nuk, teppanegendak me, an nen peebi koorigin lek aret me, niname nawok o.”