1 Tamuwen 12:8 - Ala Wone Peenok Peebi Mbanak

⁸ Yoragagerak wogo mbareegwa, at nen it nogo yorage logonet, “Aap Yakup apuri inom o Metit nogogwaarak wonogwe me, aakumi Metit mendek nen it tebembiinok, wonogo mbareegwa, at Aliku ALA yeenggwaaraawak nduk, nggino yogo mbareegwa, Aliku ALA nen Muta Karun imbirak nappiyareegerak nogo nogogwaarik, kinombomini o Metit nen wogoren, o yime aret ye mbambatinuk logowak nduk, piya wogogwaarak.

1 Tamuwen 12:8 Iomraidhean Croise

Ndawi 105:44

Yi aakumi ndi aakumi inanggween at apuri wogorage, It aakumi ligak wuundamo eereegwaarak nogo Waganogo yate kwak unde logowak nduk, at apuri eeppiige, Eereegerak.

Wundeegwaarak 12:51

Ndi, ne ti eyom paga aret at Aliku ALA nen it Iterali mendek inawuri leenok lombok abok aret o Metit nen wogoren wundi wagagerak.

Wundeegwaarak 6:26

Ndi, aakumi Iterali o Metit nen wogoren wundi nawak nduk, aap Metit inowe endagembogut Pirawun yoreegwaarak tirogon aap inalik lek Karun Muta imbirak mban aret.

Linggineegwaarak 20:15

Ndi, nit ninombomini o Metit time nogo nogogwaarik, yi tahun ndi tahun wonogwe iigak, it aap inaworak Metit mendek nen ninombomini inom, nit inom, yabu mondok meek lagik-loguk eerogo pinanugwi iinok,

Nappiigak 7:15

Nappiya wagagerak nogo wogo nogogwaarik, at Yakup aaganapuri inom o Metit aret nogogwaarak time logonet, at inom, ninombomini inom, kambit nogogwaarak.

Yotuwa 1:6

Kinombomini nggween wogoroorak wone abuk nggaruk togon kumbuk mbanogo yoragagirak nogome aret ineyate kwak unde a'nuk logowak nduk, kat nen aakumi Iterali yi, wogoren wunda namunggun me, kat kogogumbuk kiniki mondok nu'lek eeppatinuk, logot o.

Yotuwa 21:43

At Aliku ALA nen aakumi Iterali inombomini, “Kinanggween wokkiraagin o,” yinuk, wone abuk nggaruk togon kumbuk mbanogo yoragagerak nogo, abok aret aakumi Iterali wogorage mbareegi, kologo nogogwaarik, time aret ye mbambatinuk, wonogogwaarak.

1 Tamuwen 10:18

Wiiragagerak kuwak ari wogo mbareegwa, it yorage logonet, “At Aliku kit Iterali kinogoba Ala nen, Aakumi Iterali nogo it Metit mendek ineenggime nen ndiniren wundi wage, yi aakumi ndi aakumi tebembiirogo wonogwe me, wondet agago piige, eereegirak nogo ti, inogoba Ala an aret o, yinuk, yereegerak kwe,

1 Tamuwen 12:6

Yogo mbareegwa, at Tamuwen nen wone ambinom it abok aret yorage logonet, “It Muta Karun imbirak at Aliku ALA nen aret leenogo mippiige nagagerik, kinombomini o Metit nen wogoren wundi wagagerak.