1 Tamuwen 12:6 - Ala Wone Peenok Peebi Mbanak

⁶ Yogo mbareegwa, at Tamuwen nen wone ambinom it abok aret yorage logonet, “It Muta Karun imbirak at Aliku ALA nen aret leenogo mippiige nagagerik, kinombomini o Metit nen wogoren wundi wagagerak.

1 Tamuwen 12:6 Iomraidhean Croise

Ndawi 105:26

At ayeloman Muta nogo ayonggo nappege, Aap leenogo pereegerak Karun nogo imbirak nappiige, Eereegerak.

Ndawi 105:41

Puut lunik nggaganogo pege mbareegi, Niyo kilak togon wundi wage, Niyo nage kwak, yi lek me karume wu'nuk nage, Eereegerak.

Ndawi 99:6

Aap Ala unde inenggela'me Muta Karun inom wonogwe, “Ninogoba Ala aret,” yogo menggaarak Inenggela'me aap Tamuwen wonage, Eeko logonet, “Yeenggwa niret o,” yinuk, Aliku ALA yogo mbareegwa, inoone konembunuk, Yeenggwaarage nagagerak o.

Wundeegwaarak 6:26

Ndi, aakumi Iterali o Metit nen wogoren wundi nawak nduk, aap Metit inowe endagembogut Pirawun yoreegwaarak tirogon aap inalik lek Karun Muta imbirak mban aret.

Wundeegwaarak 6:27

Muta nogo o Metit time wonage me, at Aliku ALA nen Muta yoge logonet,

Oteya 12:13

It Iterali o Metit nen wogoren wundi woraawak nduk, Aliku ALA nen yoge kagak yoraga ambi mippege, Iterali ndegeniren woraawak nduk, at yoge kagak yoraga ambi yoge, Eereegerak kwe,

Mika 6:4

An o Metit nen wokkiren wundi wage, Aakumi inayeloman mini eeppinaganuk wonogwe me, wondet eerogo pinagage, Kit wokkiren woraawak nduk, Muta inom, Karun inom, Miriyam inom, kinowagam nappiya wage, Eereegirak o.