1 Tamuwen 12:22 - Ala Wone Peenok Peebi Mbanak

²² At Aliku ALA endage abu tiyanak lombok logowak nduk at Aliku ALA nen inikilom kinombake logonet, apuri iniki kundugu lombok eekkinabeegerak me, mbo pinagagin mondok lek o.

1 Tamuwen 12:22 Iomraidhean Croise

1 Endagembogut 6:13

Eeppagage logonet, an napuri aakumi Iterali mendek nogo mbo piinok mbaganigin lek inenggela'me ninom aret logogin o,” yinuk, yoreegerak.

1 Endagembogut 8:57

At Aliku ninogoba Ala nen teppinanege, eraangge mbo pinaninuk mbagangge, eerigin lek ninombomini inom wonagagerak ndak-ndak at ninom aret wonage,

2 Endagembogut 14:27

“It Iterali o nggween paga yime inendage mbanak nogo koorogo pigin lek o, yinuk, yereegirak me, yeenggwaaraakit o,” yinuk, aap Yokawat aput Yerobeyam aret mippereegerak.

2 Endagembogut 21:14

It inombomini o Metit wundi wogogwaarak nen nok, o yogondak kuli nenegen neegak maluk mban eerit wundi wogogwaarak paga nanini mbareegirak me, it an niniki kundugu neyate kwak eegu yumbunik wonogwe nogo, waganogo inawim ineenggime piige neenok, iname maluk eerogo piigwi, inamendek inom, ineebe inom, kugun wogoren nogwe, eerugun o,” yinuk, yorage kagak, yorogogwaarak nogo o.

1 Mbinineegwaarak 28:9

Yorage nagagerik, aput Talomo yoge logonet, “Ndi, kat naput Talomo wae. At Aliku ALA nen yi aakumi ndi aakumi inikime maloppiige, Ndogop eerikit, koonggwi nogo, Nonggop nduk koonggwi, yinuk, eenu age, eeke menggerak me, kat nen Aliku ALA kwaake keenok, kimbirak lambunumunggun kwe, at mbo pege keenok perak, at nen kat mondok-mondok mbo pagagin o. Togop me, kogoba an nogoba Ala ti, An nogoba aret o, mbake logomenggendik, kiniki nen, Ala ake eeke logokit o, yinuk, kiniki-keebe nggaruk togon Ala wogo'nuk, ake eeke logomunggun o.

2 Mbinineegwaarak 15:2

aap Ata ka nage nagagerik, “Kat Ata inom, Yekura mendek abok aret inom, Mbeniyamin mendek inom, wone yokkirage yi, konenggo logonip o. Kit nen Aliku ALA ninom logorak, mbakwi kenok, at kinom aret logogin o. At kwaarit nogo logomonggotik, eebe aret kwaakkaamunggup kwe, at mbo pugwi kiinok perak, at nen kit mbo pinagagin o.

Nekemiya 9:17

Koneniyak nineebi o, yinuk, it inenggela'me iya tit eeke nagagindak nogo mari eerogo mbo pugwi, ndi, inanobak yugum pogom a'nuk, Ala nen yo'nirage logorak nineebi o, yinuk, O Metit niniyokan nanuk, aakumi inayeloman ari noorak wo'niren nawak nduk, aap ambi mippuwok o, yinuk, yogwe, eereegwaarak kwe, kat Ala nen, Inomaluk nogo mbo nappikit lak, ao, mbake, kiniki yanggorogon teppiige, inabuwa mbake, kaan aganggenggwi lek yungguppunuk eeppiige, kat kiniki kunik aganake nogo, nggaruk yaga'lek kunik aret wonage, eeke menggendak me, it mbo piyoolik o.

Ndawi 106:8

Kendage tiyanak logowak nen Komaawi ambik menggendak nogo, It ineenu aruwak nduk, inagap ndake,

Wundeegwaarak 32:12

It maluk eeppiyoorak kenok, aakumi Metit mendek nen yogo logonet, At Aliku ALA nen it Iterali wogoren wundi nagaarak nogo puut paga time inenggaawak abu lek eerogo inoorogo piyaakit nduk wogoren nagaarak o, yukwak, kanini ambik agaarak nogo tebenogo punuk, kapuri maluk eeppiyoorak mbakendak nogo kiniki yungguk kwaappunuk, inabuwa nen teppiyet o.

Yetaya 37:35

At Aliku ALA nen ari logonet, An nendage maluk age, Ndi, nayeloman Ndawut nimbirak wone koonogo pereegirak nogo mbeyok ari, Eerukwak, An nen aret o kota yi, ambi age kero arum wonage, ili ari, Eeke logogin, yegerak o,” yinuk, yoreegerak.

Yetaya 41:17

“It aap inalik eekkoloorak meek inom, ineenggi lek inom, nen niyo kwaaremenggaarak kwe, lek aret kogwe, Niyo abu nen inamili mbuk aago wonogwe, Eeko logonet, Nggino yo'nugwi iinok, Iterali inogoba an Ala nen mbo piyaagin lek Naliku ALA nen naruk konenigin aret o.

Yetaya 42:16

It inigen mbuk negen wonogwe nogo tu ineenggo'lek me tu nigiren nage, It tu nogolik nogo paga wogoren nage, Tu apit aago paga nogwe iyo, nambokan wogwe iigak an naa'nduk tu eya eerogo pit nage, Tu tiyak-tebek paga nogwe iyo, an kagaarogo pit nage, Eerigin o. It inake eeriyak nogo ti aret. An mbo piyaagin lek abet aret eerigin o.

Yetaya 43:25

An o. An Ala aret me, an lombok nen inomaluk lek eerogo piige, Inomaluk eekaarak nogo an abeke lek nami age, Eeke minggirak o.

Yetaya 43:7

It an nendage tiyappogo logowak nduk ogobakkigirogo piige, Ineebe longgo warogo piige, ina koonogo piige, Eereegirak nendage kunogo agan nogo menggaarak abok aret wogoren piya wogo logowak o,” yinuk, yegerak me, yokkiragi o.

Yetaya 48:11

Ti eeke minggirak nogo ti, nendage maluk age, nendage lek age, eeke kero, eeke minggirak o. An nendage maluk eerogo pugwi iigak, nonggop togon mbo piyoorak mbakop? Meek aret me, An nendage abu tiyanak minggi kwak, it ambi inendage ndak-ndak tiyak yuwak nduk eekwi iinok, an, E-wa, yigin lek aret o,” yinuk, yegerak me yokkiragi o.

Yetaya 49:15

Ari kenok, at Ala nen ari logonet, “Kwe ambi aagaluk awo elak nengge kagak ami age, Ndi, at lombok nen ndareegerak nogo abuwa mbaka'lek mbo pege, Eeriyak op mbaken? At aagaluk mari eerogo pemenggerak kwe, an perak, kat o Tiyon nogo koba mari eerogo pagagin lek o.

Yetaya 63:8

At Aliku ALA nen, “It ti, an napuri abet aret o. It an napuri aret me, nenggali aruwak nduk, eerugun lek o,” yinuk, ari nagagerik, Inagap Ndaka aret agagerak.

Yeremiya 14:21

Kat kendage obeelom wonage nogo maluk arukwak, Neebi o, yinuk, mbo pinanege, Kat wone lengganogo yorage menggenom abu tiyanak nogo kambot ege, Eeriyak mage o. Ata, ninom wone koonogo pereegindak nogo lek eerogo pega'lek kiniki aberak logot o.

Yeremiya 14:7

Kaliku ALA wae. Nit nomo agan nogo logonet, mbo pagagak mban eekwi, Maluk lombok eerogo pagagwi, Eekwi me, Ninomaluk ti nen, “Kit maluk eekotak o,” yinuk, ninenggali wappinanege menggerak kwe, Kendage maluk arukwak obeelom logowak nduk, yeenggwa nirage logot o.

Yeremiya 14:9

It aakumi iniki kobak a'nuk wonogwe, It aap wim wakaa'ngget kwe, inagap ndaganaburak meek age, Eeko mengga kwak, Kat nonggop nduk togop aret wonage agandik? Kaliku ALA wae. Kat ninenggela'me wonage, Ndi, nit nen kat kendage wiganinuk nogwe, Eeko monggoorak me, Mbo pinaniyak ti mage obak!

Leendawi 5:20

Kat nonggop nduk kobak eerogo pinanege, Nonggop nduk o maan togon mbo pinanege, Eereegindak o?

Yetikiyen 20:14

yi aakumi ndi aakumi inigen iigak, Iterali wogoren wundi wagagirak ti nen nendage abe nogo maluk agaarak neyookwak, eeriyak kooneegirak nogo lek eerogo pereegirak.

Yetikiyen 20:9

Ti koonogo pereegirak kwe, yi aakumi ndi aakumi inenggaanom paga an nen it Iterali o Metit nen wogoren wundi woroorak wone yereegirak me, yi aakumi ndi aakumi it inom wonogwe ti nen an nendage abe nogo maluk eerogo pukwak, koonogo pereegirak nogo eerulik mbo punuk,

Maleyaki 1:2

Aliku ALA nen ari logonet, “An nen it Iterali niniki kunik eeginake neegak kwe, it nen yogo logonet, Nonggoti agago iniki kunik ee'ninake me yo'nirage agaarik o? yinuk, kin wo'neegwi iigi,” yegerak o. “At Etawu ti, Yakup oweeluk nogo lek a? Oweeluk aret kwe, an nen at Yakup niniki kunik eeke,

Matiyut 11:26

Yi eereegindak nogo ti, kinikilom mba'nuk eereegindak me, kat nogoba wa, yokkigi o.”

Yaya 15:16

Kit nen an mii'nabulik o. Ata, an nen aret kit miikkinake nagagirik, kit anggen ambik mondok logorak mendek yi'nogo logobagip nduk, leenogo pinagareegirak o. Ti eerit nugu logonet, Ti mendek wo'niraawak o, yinuk, an nendage kumbunuk nogoba nggino yogwi kiinok, at nen wokkiraagin aret o.

Oroma 11:1

Togop me, an wone ambi kin wokkiya o. Ala nen at apuri aa'nduk miirinabeegerak nogo, mondok-mondok mbo piyareegerak mbakop? Abu lek o. An togon Iterali mendek aret. An nombo Abarakam aret me, nanebunu ti, Mbeniyamin mendek aret o.

Oroma 11:29

At Ala nen miirogo obeelom eeppiyoorak koonggetak nogo ti, peebi iniki alik ambi koonggak eekeelik o.

1 Korindut 4:7

Nit aakumi tiyak-tebek logowok nduk, ta nen koonogo pinanege menggerak mbakop? At nen wokkiraga'lek kit nen mban kologogutak ambi ngge porogo ogotik? Ndi, at nen mban wokkiragagerak kagak, nonggop nduk, kinalik nen kologogutak negen eekko'nok iya-piya eekkologo ogotik?

Epetut 1:12

Ti eeppinaniyak koonogo pereegerak nogo ti, “Nit nen, Keritut ndogop eeppinanigin o,” yinuk, aa'nduk abet mba'nuk, niniki at oba panggombereegurak nogo eerit nogwe paga Ala endage tiyak yuwak nduk, mii'ninabeegerak me, at alut eeko logowok o.

Epetut 1:6

Ninabuwa mbake logonet, at aput iniki kunik nen wo'niragagerak nogo paga, amendek mondok alik negen ngginu-ngginu eerogo wo'nirage menggerak me, nit mondok at alut eeko logowok o.

Pelaareegerak 31:17

Togop eekwi iinok ti, an nanini kani kunik negen inobaga kwippiige, eraanggi mbo piinok mbagangge, nambot iige, eeke neenok, ineebe lek ogwe, aaninggin-paaninggin inoba kwi'nage, inawi maluk age, eeke kenok, it nen yogo logonet, At ninogoba Ala ninom lek me, aaninggin-paaninggin ninoba age yi nogo lek a? yinuk, iniki aberemenggaarak kwe,

Pelaareegerak 31:6

At Aliku kinogoba Ala nen teppinagage, eraanggi mbo pinaganuk mbagangge, eerigin lek kinom aret nagin me, it aakumi ti, ineebe paga kinagabiti mbakwi, kinaganak nuk-nuk kirage, eerugup o. Ata, kit kinogogumbuk kiniki nu'lek eeppatinuk logonip o,” yoragagerak.

Pelaareegerak 31:8

At Aliku ALA nen teppagage, eraanggi mbo paganuk mbagangge, eerigin lek kimbirak aret logonet, tu nikkeren nagin me, kat kagabiti mbake, Eeriyak, anggon eekkake, eerugun o,” yoreegerak.

Pelaareegerak 7:6

Aakumi inanebunu lombok o nggween paga yime menggaarak abok aret wonogwe iigak, at Aliku kinogoba Ala nen kinalik aret iniki kundugu logobagip nduk, miirogo pinagareegerak me, kit at Aliku kinogoba Ala apuri ake leenak aret ogotik o.

Pelaareegerak 9:5

Kit nen obeelom eekwi, kiniki abu koonak wonogwe, eeko logomonggotak paga aakumi inanggween time unde arumunggup nduk, unggwi namunggup lek o. Ata, at Aliku kinogoba Ala nen wone abuk nggaruk togon kumbuk mbanogo kinombomini Abarakam inom, Itak inom, Yakup inom, yoragagerak nogo a'me lik yuwak nduk, eeke logonet, It aakumi inanebunu abok maluk lombok eekwi me, yinuk, at aa'nduk a'nuk mugogo wumbiyaagin o.

Pilipi 1:6

“At Ala nen obeelom eekkinaburak nduk, aa'nduk eereegerak kuli nogo nen, kinikime eekkinake tit kagak, o age yobok Keritut Yetut woraagin,” an abet aret mbake logonet, yokkiragi o.

Iberani 13:5

At Ala nen ari logonet, “An teppinagage, eraanggi mbo pinagage, eerigin lek o,” yinuk, yereegerak me, wu mban uugwe-uugwe mbarit nugwi paga wu ti, ayeloman eekkinabukwak, liippogo logonip o. Kinamendek nano mendek ambi wonage kenok, “Yi abu aret wonage o,” yinuk, kiniki tayenak logonet, ale'nggen paga nugu logomunggup o. Ala nen, “An mbo pinagagin lek o,” yinuk, yereegerak wone ti paga niniki panggombunuk, “Ninogoba nen yeenggwaanirage menggerak me, aakumi nen an eeppanugwi nogo, an nagabiti mbarigin lek o,” yinuk, yogo logorak ti op aret o.

Yotuwa 7:9

Wone yi, it aakumi Kanan mendek inom, it aakumi o yime menggaarak inom, nen konenggo logomenggaarik, nit kup mbambinaninuk, o yime nen ninendage lek eerogo pinanugwi iinok, ta nen kat kendage tiyappege logogin o? Lek aret me, nonggop eerumunggun o, nogoba,” yinuk, yoreegerak.

1 Peterut 2:9

kit perak, o apit me wonogwe nogo mbo punuk, o eya iya lombok kenok, aakumi nen, “Wi!” ugo menggam nogome logobagip nduk, Ala nen kinayonggo pereegerak nogo at eeke menggerak mendek paganogo yorogo logobagip nduk, “Kit an mendek aret o,” yinuk, miirogo pinagage, “Kinendagembogut logonet, an neebe unde logorak kit aret o,” yinuk, mippinagage, “Kit an napuri maluk eeka'lek nake leenak logomunggup o,” yinuk, leenogo pinagage, ndi, “Kit an napuri lombok aret o,” yinuk, eekkinake, eereegerak o.