1 Tamuwen 12:14 - Ala Wone Peenok Peebi Mbanak

¹⁴ At Aliku ALA nen, Yogop ee'nu ndogop ee'nu, yokkirage nogo, Nineebi o, yinuk, mbo pega'lek ayuk wuko logonet, at oone mban konembunuk eekwi, at mban mugurok nogwe, eeko logonet, at kinarum logowak nduk, kinowe endagembogut mippogotak nogo, kinom aret at Aliku kinogoba Ala mban mugurok nogwe kiinok, op aret logomunggup o.

1 Tamuwen 12:14 Iomraidhean Croise

2 Mbinineegwaarak 15:2

aap Ata ka nage nagagerik, “Kat Ata inom, Yekura mendek abok aret inom, Mbeniyamin mendek inom, wone yokkirage yi, konenggo logonip o. Kit nen Aliku ALA ninom logorak, mbakwi kenok, at kinom aret logogin o. At kwaarit nogo logomonggotik, eebe aret kwaakkaamunggup kwe, at mbo pugwi kiinok perak, at nen kit mbo pinagagin o.

Ndawi 105:28

“Ala oone nineebi,” mbakwi iinok, o yumaak nappi wage mbareegi, o apit age,

Yetaya 3:10

“It aap iniki abe koonak perak, obeelom eerit nugwi paga obeelom anggen mbanogo nagun me, It obeelom enaani ndegenak aret logogun, yoret o.

Leendawi 1:18

“At Aliku ALA ti, obeelom lombok wonage kagak, an nen at eeriyak yo'nereegerak nogo taganogo pereegirak me, Kit yi aakumi ndi aakumi abok yi wae! An naagalogwe komologwe inom, wologwe tawe inom, keele maageren mbo piya nogogwaarak kenok, Niniki andi negen wonage yi, liippanugwi, Noone yokkirage yi, kinaruk konenggwi, Eeko logonip o.

Oroma 2:7

It aakumi ando nen mbako logonet, “Ala nen tiyappinanege logonet, ninayuk warak agago nabelan-kabelan wo'niraagin o,” yinuk, iniki mondok kwippunuk, puk aga'lek obeelom mban eerit nogwe iinok ti, Ala nen ineenik mondok logorak mendek wogoraagin o.

Yotuwa 24:14

Togop aret yereegerak me, at Aliku ALA kinagabiti mbako logonet, kiniki abe paga at oone liirogon mugurok nogo logomunggup o. Kinombomini niyo Eparat enebaga inom, o Metit inom, time wonogo logonet, Ala mugurok nogwe obaane'me kugi eeko nogogwaarak kit mugurok nogwe nogo mbo punuk, Ala mban mugurok nogo logonip o.

Yotuwa 24:20

At Aliku ALA mugurok nogwe nogo mbo punuk, obaane'me aakumi inagugi mugurok nogwe kiinok, at aa'nduk obeelom eeppinagage nagagerak nogo mbo punuk, melak togon aaninggin kinoba kwippinagage logonet, lek eerogo pinagagin o.”