1 Tamuwen 11:9 - Ala Wone Peenok Peebi Mbanak

⁹ Eeke nagagerik, it Iterali mendek nen aap Yabeti mendek yonggo nappiya wogogwaarak nogo yorogo logonet, “Ko'lu o mo mbigarogon kinagap ndari woraagun me, wone ti wonok it Yabeti Nggileyat mendek yora nanip o.” Yorogogwaarak nogo wonok yora nogo mbareegwa, iniki ale'nggen ambik ogogwaarak.

1 Tamuwen 11:9 Iomraidhean Croise

2 Tamuwen 2:5

it aap Yabeti mendek yora nawak nduk, wone eerogo nappege logonet, “Kit kinogoba Tawun nogo abuwa mba'nuk, at eebe nggween taambogotak me, at Aliku ALA nen ale'nggen kinoba pinagage logogin o.

1 Mbinineegwaarak 10:12

it aap wakaa'ngget pekkagak kero mban ko waka'lek oonikiya ti paga nok-nok, o Mbet-Teyan unggwi wogo nogogwaarik, at Tawun apuri inom ineebe nogo wogonako nogogwaarik, kani kumbiinok, inowak nogo waganogo o Yabeti eyo kole alome time nggween kabunogo taambiinok, mbi nengga'lek inambe mage negen wonogwe iigak, nogo 7 aret yereegwaarak.

Ndawi 18:17

Nawim inomaawi ambik me, ineenggime nen ndinnake, It ineebi nombakwi nogo, An nen tebenogo piyoorak meek me, At nen tebenogo piinok nagap ndake,

Owak Loongga 21:8

Yogo nogogwaarik, “Nit ninanebunu Iterali mendek Aliku ALA enggaanom paga o Mitapa ninom kuwak eeri woroolik nogo taamini?” yinuk, yereegwaarak. Yogo nogogwaarik, ti eyom paga it Iterali lambunik kuwak eeri nogogwaarak nogo ineebe ineenggi lingginik pekkogo nogogwaarik, aap inanebunu Yabeti-Nggileyat mendek ambiriluk ambi inom kuwak eeri woroolik iyareegwaarak.

1 Tamuwen 11:10

Iniki ale'nggen ogo nogogwaarik, aap Nakat nogo yogo logonet, “Nit nen eeriyak ninomaawi lek kenok, ko'lu kabu'me tebe yi wogwe me, eeppinaniyak kiniki koonggendak nogo eeppinaniyak op aret o,” yoreegwaarak.

1 Tamuwen 11:8

o Mbetek Tawun wonage me, kuwak ari wogogwaarak. Kuwak ari wogogwaarak nogo at Tawun nen eenggi linggininake logonet, it Iterali mendek ineebe tiga ratus ribu iige, ndi, it Yekura mendek ineebe tiga puluh ribu iige, eereegerak.

1 Tamuwen 31:11

It Pilitin mendek nen Tawun eerogo pereegwaarak nogo, it aap o Yabeti-Nggileyat mendek nogo konenggo nogogwaarik,