1 Tamuwen 11:8 - Ala Wone Peenok Peebi Mbanak

⁸ o Mbetek Tawun wonage me, kuwak ari wogogwaarak. Kuwak ari wogogwaarak nogo at Tawun nen eenggi linggininake logonet, it Iterali mendek ineebe tiga ratus ribu iige, ndi, it Yekura mendek ineebe tiga puluh ribu iige, eereegerak.

1 Tamuwen 11:8 Iomraidhean Croise

2 Tamuwen 24:9

Wogo nogogwaarik, at Yowap nen aap endagembogut yoge logonet, “It Iterali mendek aap wim namburiyak inobam ti, ineebe delapan ratus ribu aret linggininakwi, ndi, it Yekura mendek ti, ineebe lima ratus ribu aret linggininakwi, eekoorak o,” yinuk, at Ndawut yoreegerak.

2 Endagembogut 3:6

Togop ari mbareegi, aap endagembogut Yoram nogo o Tamariya nen wundi nage nagagerik, awuri Iterali mendek wim eeka nogo woraawak nduk, inayonggo piyareegerak.

1 Tamuwen 11:9

Eeke nagagerik, it Iterali mendek nen aap Yabeti mendek yonggo nappiya wogogwaarak nogo yorogo logonet, “Ko'lu o mo mbigarogon kinagap ndari woraagun me, wone ti wonok it Yabeti Nggileyat mendek yora nanip o.” Yorogogwaarak nogo wonok yora nogo mbareegwa, iniki ale'nggen ambik ogogwaarak.

1 Tamuwen 13:15

Yoge nagagerik, at Tamuwen nogo o Nggilagan mbo punuk, nugwa aakumi Mbeniyamin mendek inanggween paga o Nggibeya nogome unggwi nagagerak. Unggwi nage kagak, at Tawun nogo, “Nawuri mande iyaamun?” yinuk, eenggi linggininake nagagerik, ineebe enam ratus negen aret wonogwe iyareegerak

1 Tamuwen 15:4

Yoge mbareegi, at Tawun nen awuri ineegin warak nogo woraawak nduk, inayonggo piyareegerak o Telayim kuwak ari wogo mbareegwa, it Iterali ineegin wonok iniyok paga nugwi ti, dua ratus ribu aret linggininake, ndi, it Yekura mendek sepuluh ribu aret linggininake, eereegerak.